ISAIA 51:12 - AMÜSÜH HÜM CL Bible (BSI)

¹² I, shepünü shukheamchonü api ah; dale tümüde ashepü lakhi mihtsürü trecho, mihtsürü khülang shepü rim nangde yiuhabahcho?

ISAIA 51:12 Iomraidhean Croise

2 KIULONG THSÜRÜ 1:15

Judüki A TUN GPU H yunirünü Elija ki tha, “Api lung yükiang; api ki dütre.” Jumonü apinü tsahmusu tüsho api lung kiulongthsüpuh kilim yüki,

MUNGSHIKHÜN 118:6

Atungpuh I kilim tsanglah; inü mütre. Mihtsürünü I ki tümü thsükhukpü?

MUNGSHIKHÜN 146:4

Api me chamachihchoh, api nihbuh lo lim rholochoh; ju nimung chingnü api lümkhibo dükheakchoh.

MUNGSHIKHÜN 92:7

Küyimki mihbukmuyuk rim nangde mukhuhba, tüsho küyimki amülim rhimorübo akuk ngüba, ha arü lünnü athsümünimpü lah.

MÜCHITMUDU 29:26

Ahihkhühnü yakzanshuhrü amuzho yimchoh, tüshe mihtsürü thsungkheak thiyuro ju Atungpuh kilimnü ngüchoh.

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

ISAIA 2:22

Nupung ching sheak lang alakhi mihtsürü kheaknü rholoang, tümüde arü kheyukkhi tümü la?

ISAIA 40:1

Shukheamang, O I mihtsürü shukheamang, nü Thrünpuhnü thachoh.

ISAIA 43:25

I, I api shepünü I mung chingnü nünü alakmihkhibo nankhita bahjih, tüsho inü nü neakbo mülümkhit.

ISAIA 49:13

Asühachihpü khün thsang, O thüningbo, tüsho khide asühang, O alomi; O awungbo, khün thsüde alankhitang! Tümüde Atungpuhnü api mihtsürü shukheamdo, tüsho api mihtsürü thsünürü kheak mihmüthsüm labah.

ISAIA 51:3

Tümüde Atungpuhnü Zion mulong shukheambah; apinü anihbe yo thsümünimkhi dangpungbo alala shukheambah, tüsho anihbe sunglo ju Eden nangde kamshihbah, anihbe loshelo ju Atungpuh shahwün nangde kamshihbah; asühachih tüsho asühkhi anihbe kheak labah, makshe jihkhi tüsho khün düsheak labah.

ISAIA 52:9

Rukhühnü khün thsüde zhiang, nü athsümünimkhi Jirusalem; tümüde Atungpuhnü api mihtsürü shukheamdo, apinü Jirusalem rhokhitdo.

ISAIA 57:11

Nünü she ki trekhea, junangde nünü akeangyu thakhea tüsho I mülümkhit yungsho I kilim lümkhi müjihkhea? Inü kim ashangkhüh zhikde alamo nünü I mütrekhea de?

ISAIA 61:2

Atungpuh mulongkhi kam zhiyukpü, tüsho isa Thrünpuh royimkhi nimung zhiyukpü; tüzhode alarü alala shukheampü;

ISAIA 66:13

Berünü tsührü shukheamkhi nangde, inü nüsa shukheambah; Jirusalem ching nüsa mulong shukheambah.

ISAIA 8:12

Ha mihtsürünü aramyu thakhi ching dübe, tüsho arünü atrekhi ching dütre.

JEREMIA 38:19

Kiulongthsüpuh Zedekianü Jeremia ki tha, “ Inü Kaldearü kilim tsode ayükhi Jihudarü trelah, tümüde I arü kilim jihpü labah tüsho arünü I thsümüchibah.”

JEREMIA 41:18

ju Kaldearü dünkheaknü ah; tümüde arübonü arü trede alakheah, tümütüsho Babilon kiulongthsüpuhnü lomi kurungkheak kovünor mokhitkhi Ahikam tsührü Gedalia ju Nethania tsührü Ishmaelnü laksah.

EZEKIEL 2:6

Tüsho mihtsürü tsührü, nünü arü ki yungsho arü yubo dütre. Nü mühide ayangsang tüsho ayangbo lalashe tüsho lungthsühribo lung nü lalashe nünü dütre. Arü ju azhih yamkhün thsüthsü she, arünü athakhi yungsho arünü müzünkhi dütre.

MATHI 10:28

Tüsho shepünü pang laksahcho tüshe me mülaksahkhuknü dütre. Tüshe shepünü me tüsho pang chido thsümüchi ching dükheakshihpü kuklanü api treang.

JOHAN 14:18

“Inü nüsa mürerübo nangde mübahjih; I nüsa kilim arübah.

YUNIRÜBO RHIMO 9:31

Junangde Judea, Galilee tüsho Samaria ching borü alala mungtsü lade tankih-a lakheah; tüsho Atungpuh trekhi ching tsahde tüsho Amüsüh Menü mulong shukheamkhi ching wüh bude kam.

1 PETER 1:24

Tümüde, “Mihtsürü alala rim nangde lah tüsho arü müretahkhi alala rim sangbün nangde lah. Rim yiuhabahchoh, tüsho sangbün keamkhiabahchoh,

1 SAMUEL 15:24

Saulnü Samuel ki tha, “Inü neak yihbeakdo; tümüde inü Atungpuh yukhüm tüsho nü yubo lakmihdo, tümütüsho inü mihtsürübo kheak trede arü yu anido.

1 SAMUEL 17:11

Küyimki Saul tüsho Israelrü alalanü Filistiabuhnü athakhi yubo sokhea, arübo mulong nini tüsho khide treabah.

1 SAMUEL 21:13

Jumonü apinü ayakli arü miki müthriabah; apinü arü miki abünrü ruk thsüa huh. Apinü ripit khimdopübo kheak zamareak, tüsho amükeke amükhühnam kheak zhikhishih.