ISAIA 50:7 - AMÜSÜH HÜM CL Bible (BSI)

⁷ Atungpuh Thrünpuhnü I rungchoh; jumonü I achih müngü; jumonü inü molaklung nangde I miro kheah, tüsho I achih müngü de inü mükheah;

ISAIA 50:7 Iomraidhean Croise

MUNGSHIKHÜN 110:1

Atungpuhnü I tungpuh ki tha, “Inü nü riribo nü jing-dubopung müthsüshihyi khiungde, I khah tsülim binang.”

MUNGSHIKHÜN 54:6

Inü zuzu thsüde nü kilim shuhmülanga jihbah; inü nü mung shibah O Atungpuh , tümüde ha tsülah.

ISAIA 29:22

Jumonü Abraham rhokhitbuh Atungpuhnü Jakob yamkhün dünkheak ha thachoh: Kheaküa Jakob machih, api miro mümürüm.

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 45:17

Tüshe Israel a Atungpuhnü akheam müla akhümkhit hode khümkhita lah; nü a küyimkishe achih müngüshih yungsho müyingyingshih.

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

ISAIA 49:8

Atungpuhnü ha thachoh: Amulongkhi kim khülang ching inü nü ki alojihdo, akhümkhit nimung khülang ching inü nü rungdo; inü nü kümde zodo tüsho nü tangzüng khülang nangde lomi laloshihpü, thsümünima lakhi yamrüplurüp arünü alushihpü mihtsürübo kilim jihdo;

ISAIA 50:9

I rungbuh ju A TU N GPU H T H RÜ NPU H lah; shenü I amülim jihpü? Arü alala khim nangde amürhütbah; arinü tsühabahbah.

ISAIA 54:4

Dütre, tümüde nü achih müngü; mulong dünini, tümüde nü achih ngüde müküpkhuk; nü athunu achihahean nünü amihbah, tüsho nü khimokhi achihahean nünü mülümkhitlo.

JEREMIA 1:18

Tüsho kheahang, khihni inü nü kilim chipi ayünkhi kiuto, yinchi dungjing, müwayinchi rhü, lomi alala azhihde– Juda kiulongthsürübo, yakzanshuhrübo, amükeamrübo tüsho lomi mihtsürü azhihde thsüjihdo.

MIKA 1:2

Soang, nüsa mihtsürü alala; aniang, O alomi, tüsho ju ching lakhi alala; tüsho Atungpuh Thrünpuh ju api amüsüh arüngyam chingnü nüsa azhihkhi thiyumütsan labah.

LUKNÜ ATHRÜTKHI THIYUSHEAK-ATSÜ HUHTANYU 9:51

Küyimki api yinmi lim bede yükihpü kim khiungkhea, apinü mulong pungkhibah Jirusalem lim yü,

JOHAN 16:33

I kheak nüsa mungtsü lapü thsüde inü harü nüsa ki asukdo. Alomi ching nüsa thsümütsü-ato labah; tüshe mulong ato thsang, inü alomi kukdo!”

ROMRÜ KILIM PAULNÜ ATHRÜTKHI KIHÜM HUHTANYU 1:16

Tümütüsho inü thiyusheakatsü dünkheak machih: ha akin larü aban kilim akhuhde Jihudarü tüsho Greekrü kilim akhümkhit thsungkheak Thrünpuh wu lah.

IBRI 13:6

Jumonü isanü mulongram lade thachoh, “Atungpuh ju I rungrü ah, inü mütre; mihtsürünü I ki tümü thsükhukpü?”

1 PETER 4:1

Tümütüsho isa dünkheaknü Khrista shih ching thsünüdü le, nüsa ju lümkhinü reangzahang, tümüde shepü shih ching thsünükheanü neak ching mübedebahdo,

1 PETER 4:16

tüshe khürü Khristan thsümo thsünüsho, apinü dachih, tüshe ju mung ching apinü Thrünpuh müretahshang.