ISAIA 50:4 - AMÜSÜH HÜM CL Bible (BSI)

⁴ Atungpuh Thrünpuhnü I kilim thsangyupü mulo khülang jih, junangde inü keaksahrü thiyu khülangnü reangzahshihpü mükheahbah. Yapsu aban apinü I yihmusuchoh– khürükhüh thsangyukhi anipü nangde I nükhün dukoshih.

ISAIA 50:4 Iomraidhean Croise

JOB HU H T ANYU 4:4

Nü yubonü jingmükhea larü duhlo, tüsho nünü sühmüh mülarü mukhuk düküngshih.

MUNGSHIKHÜN 119:147

Inü yapsu müyinkhiyide asürüchoh, tüsho arung thsungkheak zhichoh; inü nü yu ching mulonglamchoh.

MUNGSHIKHÜN 143:8

Yapsu nü muzho inü soshang, tümüde inü nü kheak kinchoh; I tsahpü limro I ki mükheahshang, tümüde inü nü ki I me shuhkihchoh.

MUNGSHIKHÜN 40:7

Judüki inü tha, “ Kheahang, I arüchoh; küpqiu ching ju I dünkheak thrüta lakheah.

MUNGSHIKHÜN 45:2

Nü a mihtsürü tsührü bolung akhamkhi lah; nü münküp kheak mihmüthsüm bukkih; jumonü Thrünpuhnü lünnü nü müngühjihbah.

MUNGSHIKHÜN 5:3

O Atungpuh , yapsu nünü I düsheak sochoh; ani akhiukchoki inü tamkhüntamnüchoh tüsho nünü alojihpü aleangchoh.

MUNGSHIKHÜN 88:13

Tüshe inü nü ki zhido, O Atungpuh , tüsho yapsu I tamkhüntamnü nü miki arüchoh.

MÜCHITMUDU 12:25

Mulong sansankhinü lümthsünü kamshihchoh, tüshe thiyu atsünü ju asühshihchoh.

MÜCHITMUDU 15:23

Mihtsürü khülang ju nihbuh mün chingnü athakhinü asühpü lah, tüsho kim dükdü ching ayede athakhi yu küdükhüh she atsü la!

MÜCHITMUDU 25:11

Thiyu ayede asukkhi ju shotoyinchi ching suna mukhiukbo thürüngkhi nangde lah.

ISAIA 28:19

Hanü kheakü kheakü hochoki nüsa shikbah, nimung aban tüsho tsüngre aban; tüsho thiyusheak sokhi aban atrebe labah.

ISAIA 28:9

Apinü she ki mükheahmudu thsangyuba, tüsho she ki apinü thiyusheak anikhitshihba? Jurü niuh chamrü, kheakü niuh kheaknü shukkhia bahrü a shi?

ISAIA 35:5

Judüki müktukrü mükbo khimshuhbah tüsho nükhünpeangrünü asobah;

ISAIA 40:29

Apinü sühkeakearü kilim wu jihchoh, tüsho sühmüh mülarü reangzahshihchoh.

ISAIA 50:10

Nüsa bolung shepünü Atungpuh trecho tüsho api yamlarü düsheak anicho, shepünü amiting ching tsahcho tüsho ayin müla, tütüshe Atungpuh mung ching kincho tüsho api Thrünpuh kheak düthsün angücho?

ISAIA 54:13

Nü tsührü alala Atungpuhnü thsangyubah, tüsho nü tsührü mungtsü tüsho latsühlayung labah.

ISAIA 8:16

Rhangdung-yumütsan rhükruang, I jingyanrü bolung thsangyukhi yümkihang.

JEREMIA 1:9

Judüki Atungpuhnü akhah chungkhit tüsho I mün qiu; tüsho Atungpuhnü I ki tha, “ Kheahang, inü I yubo nü mün ching yukjihdo.

JEREMIA 31:25

Keakzungrü inü reangkeamshihbah tüsho ayiuhyiuhrü phü yinde kamshihbah.

EZEKIEL 46:13

Apinü kam khülang bankhi namfimihnunu lapha mükihkhi 1 taka kingaün thsungkheak nimung aban jihbah; yapsu aban apinü ajihbah.

MATHI 11:28

Nüsa rozhakrü tüsho hahmülang hanrübo alala I kilim arang, tüsho inü nüsa kilim sühakhim jihbah.

MATHI 13:54

Tüsho küyimki api nihbuh lomi lim arükhea, apinü arü sinagog ching thsangyu, junangde arübo müyinsah tüsho tha, “Ha mihtsürü lümlung tüsho khinthiyinbebo küchingnü ngüa la?

MATHI 22:46

Tüsho shenü she api ki thiyu khülang she malokhuk, yungsho ju nimungnü shenü she api ki mükeokhidebah.

LUKNÜ ATHRÜTKHI THIYUSHEAK-ATSÜ HUHTANYU 21:15

tümüde nüsa azhihrü alalanü mazhihkhukpü yungsho müdanglokhukpü thsüde inü nüsa kilim thiyu tüsho lümlungbo jihbah.

LUKNÜ ATHRÜTKHI THIYUSHEAK-ATSÜ HUHTANYU 4:22

Alalanü api dünkheak tsüde asuk, tüsho api mün chingnü akhiukkhi amuzho yubo ju müyinsah; tüsho arünü tha, “Ha Josep tsührü yung de?”

JOHAN 7:46

Atorübonü alo, “Mihtsürü shenü she ha mihtsürü ruk masuk!”

YUZÜNGTHALO 18:17

Tüsho Atungpuhnü I ki tha, ‘ Arübonü tümü thadünü dükdü ah,

YUZÜNGTHALO 18:18

Inü arü keoniorü bolungnü nü nangde wukihrü khülang akhiukshihbah tüsho api mün ching I yu yukjihbah, tüsho inü api ki thiyukhüm jihkhi alala arü ki thabah.