ISAIA 50:10 - AMÜSÜH HÜM CL Bible (BSI)

¹⁰ Nüsa bolung shepünü Atungpuh trecho tüsho api yamlarü düsheak anicho, shepünü amiting ching tsahcho tüsho ayin müla, tütüshe Atungpuh mung ching kincho tüsho api Thrünpuh kheak düthsün angücho?

ISAIA 50:10 Iomraidhean Croise

2 SAMUEL 22:29

Dükde, nü I tsünpung, O Atungpuh , Atungpuhnü I yo amitingnü ayin kamshihchoh.

1 KIUTHSÜYUKHEAN 5:20

arü azhihpü ching arübo rung, tüsho Hagrü le arü lung berü alala arü khah ching jih, tümüde thirithsü ching arünü Thrünpuh ki zhi. Apinü arü tamkhüntamnükhi sojih, tümütüsho arünü api kheak thiyuro lakheah.

2 KIUTHSÜYUKHEAN 20:12

O isa Thrünpuh, nünü arü kheak mahmükhapba de? Tümüde ha bonungrü boto isa azhihde arükhi kheak isa wu-sühmüh müla. Tümü thsübanü isanü mümükheah, tüshe isa mükbo nü kheak lah.”

2 KIUTHSÜYUKHEAN 20:20

Arünü yapsu mükikde asürü tüsho Tekoa sunglo ching wukhiuk; tüsho arü wukhiukchoki, Jehoshaphatnü zhip tüsho tha, “I ki aniang, O Juda tüsho Jirusalem ching larübo! Atungpuh nüsa Thrünpuh kheak kinang tüsho nüsa dübiuopung labah, api yo wukihrübo kheak kinang tüsho nüsanü akuk ngübah.”

JOB HU H T ANYU 13:15

Apinü I laksahsah she inü api kheak kinbah; junangde api miki I dünkheak inü athabah.

JOB HU H T ANYU 29:3

küyimki api tsünpungnü I ku kheak tahkihkhea, tüsho api ayinnü amiting hode inü tsah;

MUNGSHIKHÜN 111:10

Atungpuh trekhi ju lümlung atankih ah; api yukhümbo rhimorü alala anikhitkhi atsü lah. Api shijihkhi lünnü rünkhiungde lah.

MUNGSHIKHÜN 128:1

Shepünü Atungpuh trecho, shepünü api limrobo ching tsahchonü müngühmühi.

MUNGSHIKHÜN 145:21

I münnü Atungpuh shikhi dünkheak asukbah, tüsho apinü athrünkhi alalanü api amüsüh mung lünnü lün shibah.

MUNGSHIKHÜN 23:4

I amiting asük hode yüyü she, Atungpuh , inü mütre, tümüde nü I lung lah. Nü namfimihnu neakrü tso tüsho shitsonü I kümdochoh.

MUNGSHIKHÜN 25:12

Atungpuh trekhi mihtsürü ju shepü a? Anihbuh thsungkheak mokhitkhi limro apinü thsangdanbah.

MUNGSHIKHÜN 25:14

Atungpuh aramyu ju api trerü kheak lah, tüsho apinü arü ki api tangzüng huhbah.

MUNGSHIKHÜN 28:7

Atungpuh ju I sühmüh tüsho I tsung; api kheak I mulongnü kinchoh tüsho I arung ngüa lah; jumonü I mulong tode asühchoh, tüsho khün thsüde inü api shibah.

MUNGSHIKHÜN 42:11

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MUNGSHIKHÜN 62:8

Kim alala ching api kheak kinang, nüsa mihtsürübo; nüsa küpkhuk alala api ki thaang; Thrünpuh ju isa thsungkheak tsoyukpung.

T H S AN GYU T H S AN GR ARÜ 12:13

Isanü alala zamrukhi akheam soanü: Thrünpuh treang, tüsho api yukhümbo zoang; tümüde mihtsürünü arhimobe alala ju ha lah.

ISAIA 10:20

Ju nimung aningkhi Israel tüsho Jakob yamkhün rhangdung larübonü kheaküa arü shikrü kheak düthsün mangükih, tüshe Israel yo thiyuro Amüsühbuh kheak angükihbah.

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

ISAIA 26:9

I menü nü thsungkheak azhing ching mürheangchoh, I kheak lakhi menü künsahde nü yimchoh. Tümüde küyimki nü mahkhapkhi alomi ching labanü, alomiküp ching larübonü thiyuro-lungki anikhitchoh.

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 50:4

Atungpuh Thrünpuhnü I kilim thsangyupü mulo khülang jih, junangde inü keaksahrü thiyu khülangnü reangzahshihpü mükheahbah. Yapsu aban apinü I yihmusuchoh– khürükhüh thsangyukhi anipü nangde I nükhün dukoshih.

ISAIA 53:11

Api thsünükhi chingnü apinü ayin ngübah; api mükheahmudu hode api reangkeam ngübah. Thiyuro-lungki labuh, I yamlarünü ahihdo thiyuro-lungki kamshihbah tüsho apinü arü mülimkhibo hanbah.

ISAIA 59:9

Jumonü thiyuro isa kheaknü limshude lah, tüsho thiyurolungkinü isa mukhiung; isanü ayin aleangchoh, tüsho kheahang! ju ching amiting lah; tüsho ayinatrüm aleangchoh, tüshe amiting ching isa tsahchoh.

ISAIA 8:17

Inü Atungpuh aleangbah, shepü miro Jakob yamkhün kheaknü jikla, tüsho inü api kheak mulonglambah.

ISAIA 9:2

Amiting ching tsahrü mihtsürünü ayin ato khülang ngüdo; amiting lomi ching larü kheak ayin tahkihdo.

TÜZHOKHI 3:2

apinü I yanyuka bahdo tüsho ayin mülakhi amiting ching I tsahshih;

DANIEL 3:28

Judüki Nebukednezarnü tha, “Shadrak, Meshak tüsho Abednego Thrünpuh shiang, shepünü Api yunirü thiyi tüsho api yamlarübo khümkhit! Arünü api kheak kin tüsho kiulongthsüpuh yukhüm mani tüsho arü Thrünpuh kheak hobah püpü thrünpuhbo tankihde mükingaünpü rhangdung shuhmülanga jih.

NAHUM 1:7

Atungpuh tsülah, küpkhuk nimung ching chipi khülang lah; api kheak tsoyukrü apinü kümchoh.

ZEPHANIA 3:12

Tümüde inü nüsa bolung azhihayih tüsho akheamkhibe mihtsürü zojihbah. Arünü Atungpuh mung ching tsoyukpung yimbah–

HAGGAI 1:12

Judüki Shealtiel tsührü Zerubbabel, tüsho Jehozadak tsührü achangbe amükeambuh Jihusua, ju lung aningkhi mihtsürü alalanü Atungpuh arü Thrünpuh düsheak, tüsho Atungpuh arü Thrünpuhnü api thiyikhi nangde wukihbuh Haggai yubo ani; tüsho mihtsürübonü Atungpuh tre.

MALAKI 3:16

Judüki Atungpuh wüntrerünü khülangnü khülang ki asukachih. Atungpuhnü ju ani tüsho so tüsho Atungpuh wüntrerü tüsho api mung ching lümrü lümkhitpü hüm api miki thrüta lakheah.

JOHAN 12:46

I ju alomi ching ayinatrüm khülang nangde arü, junangde sherünü I kheak kinbanü amiting ching müla.

JOHAN 8:12

Judüki Jisunü arü ki tha, “I alomi ayinatrüm. Shepünü I yanchonü amiting ching mütsah, tüshe rhangdung ayinatrüm labah.”

EFISIA 5:8

tümüde nüsa khülangki amiting ching lakheah, tüshe kheakü nüsa Atungpuh lung ayin ching lah; ayin tsührübo nangde laang

IBRI 5:9

tüsho khiukdahkhi kamde api ju anihbuh ki mihyuanirü alala yo lünnü akhümkhit limro kam,

1 PETER 5:7

Nüsa lümthsünübo alala api ki zojang, tümüde apinü nüsa kümchoh.

1 SAMUEL 30:6

David a khide atrebe ching lakheah; tümüde mihtsürübonü api lungnü arupü tha, tümütüsho arü tsührübo thsungkheaknü mihtsürübo mulong thsümünimde alakheah. Tüshe Davidnü Atungpuh api Thrünpuh kheak azangrü reangzahlo.