ISAIA 5:9 - AMÜSÜH HÜM CL Bible (BSI)

⁹ Wuto Atungpuhnü inü sode thiyuchihchim: Tsükjide thüyam ahihdo zhikabahbah; thüyam atoto tüsho akheahakham mihtsürü mülade akambah.

ISAIA 5:9 Iomraidhean Croise

2 KIUTHSÜYUKHEAN 36:21

Alonü amuni sühakhimkhibo asühachih; Jeremia hode Atungpuh yubo dünjipü thsungkheaknü kam nerü mübanyi khiungde zhikrangkhündo alakhi kim alala ching sühakhim.

JOB HU H T ANYU 15:28

Api azhikkhi kiutobo, she mülapü lakhi, athsümünim mujung kampü akhujunga lakhi yambo ching labah;

JOB HU H T ANYU 20:21

Apinü tsühabahshu tümü she maning, jumonü api lalimlako tsükhi mütsüp.

MÜCHITMUDU 15:27

Yihnelune mihtsürünü nihbuh yamkhün ching küpkhuk hande arüchoh, tüshe shepünü buknimbo thraneanchonü kutsüpbah.

ISAIA 22:14

Wuto Atungpuhnü I nükhün ching huhdo: Tsükjide nüsa müsheyi khiungde ha amülim neak mübahjih, Wuto Atungpuh Thrünpuhnü thachoh.

ISAIA 27:10

Tümüde chipi ayünkhi kiuto zhikrangkhündo lah, sunglo nangde lapung bahkhitdo tüsho bahyukdo; moshi nunubonü ju ching apheanchoh, arünü ju ching yapchoh tüsho akhahbo ajangsahchoh.

ISAIA 5:6

Inü ju akeangkeang kamshihbah; ju mümupung yungsho müphünnak, tüsho khingphu le ayangrungnü achindobah; inü amo ki she ju kheak tsüng marüpü thiyukhüm jihbah.

AMOS 3:7

Tsükjide Atungpuh Thrünpuhnü api yamlarü wukihrübo ki rama lakhi alümkhi muhuhdüa tümü she müthsü.

AMOS 5:11

Jumonü nüsanü zhochihrü kheak thrüm tüsho arü kheaknü hi jangkhia lu, nüsanü lung phukkhinü thüyambo thsü, tüshe nüsa jurü ching müla; nüsanü kurungaso atsü yangdo tüshe nüsanü jurü yukhu muyung.

AMOS 6:11

Kheahang, Atungpuhnü thiyuchihchim jihchoh, tüsho thüyam ato ju ajipbo kambah tüsho thüyam anini ju adütre kambah.

MATHI 22:7

Ju sobah kiulongthsüpuhnü bukakhiuk; apinü anihbuh bonungrübo yüshihbah mihkhukrübo dükheakshih tüsho arü kiuto takabahshih.

MATHI 23:38

Kheahang! Nü yam bahyuka zhikrangkhündo lah;

JAKOB 5:4

Kheahang, nüsanü nüsa lubo ching rhimorübo ki mihkhah dün müjihrünü nüsa azhihde zhichoh; tüsho yimlurübonü azhikhi Wuto Atungpuh nükhünbo khiungdo.