ISAIA 5:7 - AMÜSÜH HÜM CL Bible (BSI)

⁷ Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

ISAIA 5:7 Iomraidhean Croise

THRÜNTAN 4:10

Tüsho Atungpuhnü tha, “Nünü tümü rhimokhea? Nü niurü thiyihnü alo chingnü I ki zhichoh.

2 SAMUEL 7:10

Tüsho inü I mihtsürü Israel thsungkheak dangpung khülang mokhitbah arü lashihbah, junangde arübo nihbuh lapung ching tümü kimlak mülade alabah; tüsho püpüki nangde amütsü rhimorübonü arü kheak küpkhuk müjih,

JOB HU H T ANYU 34:28

junangde arünü zhochihrübo tripde api kilim arüshih, tüsho thsümütsürünü azhikhi apinü so.

MUNGSHIKHÜN 147:11

Atungpuhnü api trerü, api amüthsüm ching mulonglamrü kheak asühchoh.

MUNGSHIKHÜN 149:4

Tümüde Atungpuhnü api mihtsürü kheak asühlah; apinü azhihayihrü ju akuk ngükhinü akhamshihbah.

MUNGSHIKHÜN 80:15

nü khah tsülimnü akhimkhi tüsho nü thsungkheak akhah düküngshihkhi kurungasolu.

ABEKHIT 3:7

Tüsho Atungpuhnü tha, “Inü atsütsü I mihtsürübo Ijip lomi ching dukmüsüpkhi ngüdo; arü azhorü kuhi chingnü khümkhitpü zhikhi inü sodo; arü thsünü alala inü mükheahlah.

MÜCHITMUDU 21:13

Shepünü zhochihrünü azhikhi lim nükhün yihdochonü, anihbuhnü she azhibah tüsho musojihde alabah.

T H S AN GYU T H S AN GR ARÜ 4:1

Kheaküshe alomiküp ching junode rhimokhi inü ngü. Kheahang, junoa lakhi chikebo–shenü arü mushukheam! Arü junorü rheang ki wu lakheah–shenü arü mushukheam.

KHÜNBOLUNGKHÜN 7:6

Küdükhüh nü tsüla tüsho jak tsüla, O amuzho, asühpü anünürü!

ISAIA 1:21

Küdükhüh she athülünkhi kiuto müzammüramrü kama la! Anihbe kheak thiyuro lakheah, thiyuro-lungki anihbe kheak lakheah, tüshe kheaküa mihlaksahrü ah!

ISAIA 1:6

Jinglung chingnü, thangphülang khiungde, ju ching atsü müla, tüshe areakbo le mübo tüsho mübo thiyihkhi lah; jurübo mümüsühabah yungsho mürüm, yungsho müdangke mumujude lah.

ISAIA 27:2

Ju nimung: Aso-asokhi kurungasolu khülang dünkheak khün thsang!

ISAIA 3:14

Atungpuhnü azothsürü tüsho api mihtsürü yakzanshuhrü ki mahkhappü ching yüzahchoh: Nüsanü kurungasolu thsümünima bahkheah; zhochihrü thsümüchipü nüsa yambo ching lah.

ISAIA 3:15

Nüsanü zhochihrü miro shungthünakde I mihtsürü zünakkhi ha tümü amütsan a? Wuto A TU N GPU H Thrünpuhnü thachoh.

ISAIA 3:17

Atungpuhnü Zion tsührübebo kubo müshaknü athsünüshihbah, tüsho Atungpuhnü arübo bünkeang kamshihbah.

ISAIA 30:12

Jumonü Israel yo Amüsühbuh Khülangnü ha thachoh: Tümütüsho nüsanü ha yu bahyukchoh, tüsho nüsa kinkhi ju junokhi tüsho arükchih ching lah, tüsho arü kheak angükihchoh;

ISAIA 46:12

I ki aniang, nüsa mulong müküprü, nüsa sherü abekhitpü chingnü limshude la:

ISAIA 5:2

Apinü alo kiu tüsho lungbo moa bah tüsho amokhitkhi kurungasobo khim; apinü ju ching aheangsadam khülang thsü tüsho yukhu zopung kiu; apinü kurungaso asoshihpü mükkin thsü tüshe kurungaso ju asan aso.

ISAIA 59:13

thsümünimde, tüsho Atungpuh reanglode, tüsho isa Thrünpuh yankhi chingnü tsoabahde, junode tüsho azhihkhirhimo akeangyubo hankhi tüsho jurü mulong chingnü akhiukkhi lah.

ISAIA 59:14

Thiyuro rholode tsodo, tüsho thiyuro-lungki limshu ching zhiplah; tümüde thiyuro ju kiudunglimro ching lunga lah, tüsho alungkikhi mazahkhuk.

ISAIA 59:4

Shenü she thiyuro thsungkheak müji, yungsho thiyuro thsungkheak mumushu; arünü akeangkeang atsangachihkhi kheak düthsün angüchoh, arünü akeangyu thachoh, küpkhuk mihlashihchoh tüsho amülim zübechoh.

ISAIA 62:5

Athrününgtsüng khülangnü anünürü kheak yamkhün kamkhi nangde nü thrünrünü nü ki rhangbah, tüsho yamkhün-kambuhnü yamkhün-kambe kheak asühachihkhi nangde, nü Thrünpuhnü nü kheak asühachihbah.

JEREMIA 12:10

Namfimihnu neakrü ahihdonü I yo kurungasolu thsümünimdo, arünü I shihcham junakdo, arünü inü asühkhi shihcham azhikkhi sunglo kamshihdo.

JEREMIA 24:2

Muluk khülang ching akhuh münkhi khubaso nangde, khide atsü lakheah, tüshe püpü muluk ching a mütsühkhukpü thsüde khide amütsü khubaso lakheah.

JEREMIA 50:46

Babilon keamkhi düsheaknü alomi ajanbah, tüsho anihbenü azhikhi düsheak trükshih bolung sobah.

EZEKIEL 22:29

Lomi mihtsürünü jangkhijangra tüsho khukshik rhimodo; arünü zhochihrü tüsho müthsümülarü juno, tüsho alim mahoride khiungkerü ki jangkhijangrado.

HOSEA 10:1

Israel a aso hihkhi kurungaso nangde lah. Api aso hih yande, apinü kingaün sadam alü thsü; api lomi lakhit yande, api dungjingbo alü thsü.

MIKA 6:12

Anihbe alarübo athsümünimrü ah; anihbe mihtsürübo akeangyu tharü ah, tüsho arü mulonü mülapmüjide thachoh.

MIKA 6:8

O mihtsürü tsührü, tümü atsüanü apinü nü ki huhdo; tüsho Atungpuhnü nüsa kheaknü alunekhi ju thiyuro, tüsho mihmüthsüm muzhopü, tüsho azhihayihde nü Thrünpuh lung tsahpü lah.

HABAKKUK 1:3

Tümüde nünü I amülim rhimo ngüshihcho tüsho küpkhuk kheak kheahshihcho? Athsümünim tüsho thsünimthsüshi I miki lah; shochihkhi tüsho rukachihkhi wusuchoh.

ZEPHANIA 3:17

Atungpuh , nü Thrünpuh, nüsa bolung lah, Wuto Khülangnü nü khümkhitbah; apinü nü kurungkheak asühbah, apinü api muzho ching nü aso kamshihbah; apinü nü kurungkheak asühde khün thsübah,

MATHI 23:23

“Nüsa yakzan thsangyurübo tüsho Pharisirü, yiuhkhaprübo, are! Nüsanü rhümthünea wokephüyak, ningpürang tüsho khiungün thürü shihcham jihchoh, tüshe nüsanü adungtobe yakzan thiyuro, mihmüthsüm tüsho akin bahyuk. Püpü ju she mübahyukde nüsanü harü rhimopü lado.

LUKNÜ ATHRÜTKHI THIYUSHEAK-ATSÜ HUHTANYU 18:7

Thrünpuhnü apinü amokhitkhi animung tüsho are api ki zhirü mahmükhapjihba de? Apinü arü ki aruhba de?

JOHAN 15:2

I kheak aso masokhi khah aban apinü rhea bahchoh; tüsho aso asokhi khah aban hihde asoshihpü apinü mülakkhitchoh.

YUZÜNGTHALO 15:9

Kümkangang, jude yungsho nü mulong ching amütsü lümkhi ha labah, ‘Zuzu thsüpü kam athünepü khah ki lah.’ Jumonü nünü nü keoniorü zhochihrü azhihde nü mük zhipzhipbah tüsho nünü api kilim tümü müjih; tüsho nüsa azhihde apinü Atungpuh ki zhikhi hode nüsa bolung neak hande arübah.

JAKOB 5:4

Kheahang, nüsanü nüsa lubo ching rhimorübo ki mihkhah dün müjihrünü nüsa azhihde zhichoh; tüsho yimlurübonü azhikhi Wuto Atungpuh nükhünbo khiungdo.