ISAIA 5:5 - AMÜSÜH HÜM CL Bible (BSI)

⁵ Tüsho kheakü I yo kurungaso kheak tümü rhimobanü inü nü ki thaanü. Inü sangrung sündokhi yihkhita bahbah tüsho thsümünimbah; inü rhü lukkheambah, tüsho jungkheambah.

ISAIA 5:5 Iomraidhean Croise

THRÜNTAN 11:4

Tüsho arünü tha, “Arang, isanü kiuto khülang, tüsho rünchang thüning khiungde thsanü; isanü isa thsungkheak mung khülang thsanü, judü yungsho alomi alala ching isa hiumüzütabahbah.”

THRÜNTAN 11:7

Arang, isanü yükianü tüsho arü yutha yingyingde kamshihanü, junangde arü khülangnü khülang manikhitachihde alabah.”

NEHEMIA 2:3

tüsho alo, “ Kiulongthsüpuh, kutsüpde laang! Isa jipürü kiuyuka bahpung kiuto thsümünima tüsho chipiripitbo monü takabah-a lachoki tümüde I mulong mutukthsüpü?”

MUNGSHIKHÜN 89:40

Nünü api rhübo alala thokheamjih; nünü api chipibo thsümünimjih.

MUNGSHIKHÜN 89:41

Limro tsahhorü alalanü api kukruk ahühchoh; anihbuh yamhingrübo ki api a münedung kamdo.

MÜCHITMUDU 24:31

alala ching ayangbo mukhuh-a lakheah; alo ju thrümthrukbenü mi tüsho lung-mutrungkhi thsümünima lakheah.

T H S AN GYU T H S AN GR ARÜ 3:3

alaksahpü kim khülang, tüsho athsüngupü kim khülang; athokheampü kim khülang, tüsho athsüpü kim khülang;

ISAIA 10:6

Thrünpuh mümükheahkhi trükshih azhihde inü api yüshih tüsho I bukakhiukkhi mihtsürü azhihde inü api ki thiyukhüm jih, kukruk yankhia lupü tüsho ahühpü, tüsho kiudunglimro akhimniuhniuh nangde arü kheak jungpü lah.

ISAIA 25:10

Tümüde Atungpuh khah ha wung kheak keambah. Moabrü ju arü lapung ching khih-shingkung ching müneang junakkhi nangde ajunakbah.

ISAIA 28:18

Judüki nüsanü ashekhi kheak tangzüngkhi dükheakbah, tüsho Ashe-lomi kheak thiyuchihchimkhi müzhip; küyimki thsümütsü arübanü junü nüsa thrümmülünbah.

ISAIA 28:3

Ephraim amüshangrü kükheangkhi kuthran ju müphü khüp junakbah.

ISAIA 32:10

Kam khülang anükhüh hobah nüsa reangkeamde larübo ajanbah; tümüde kurungaso murho, sangaso yimlukhi mülade alabah.

JEREMIA 18:11

Kheakü, jumonü Juda mihtsürü tüsho Jirusalem ching larü ki thaang: Atungpuhnü ha thachoh: Kheahang, nüsa azhihde inü thsümütsü thsüchoh tüsho rük amütsü thsüchoh. Nüsa alala limro amütsü chingnü kheakü rholoang, tüsho nüsa limrobo le nüsa rhimobo müthriang.

JEREMIA 21:4

Nüsanü Zedekia ki ha thabah: Atungpuh Israel Thrünpuhnü ha thachoh: Nüsa khah ching lakhi thirithsü thsühnukbo küpünü chipi aleanglim nüsa yanrü Babilon kiulongthsüpuh tüsho Kaldearü bede keochihchonü inü luloabahbah; tüsho inü arübo ha kiuto phulung ching rukhüh bemukhungbah.

JEREMIA 28:8

Jipü kim chingnü wukihrübonü I tüsho nü müngüh, lomi ahihdo tüsho kiulongthsü atobo azhihde thirithsü, khümzung tüsho arüm-tukthsü müchit.

JEREMIA 45:4

Nünü api ki ha thaang, “Atungpuhnü ha thachoh: Lomi alala ching inü tümü thsükheanü thokheambah, tüsho inü akhimkhi rukkhitbah.

TÜZHOKHI 1:15

Atungpuhnü I lung lakhi thirithsürübo alala bahyuk; apinü I azhihde I mihtsürü athunubo zünakpü kim khülang zhiyuk; Atungpuhnü yukhu nitpung nangde atsangkhit Juda tsührübe jungnakdo.

TÜZHOKHI 2:6

Apinü api yünshim ju awündo nangde luka bahdo, apinü anihbuh mukhungyam thsümünimdo; Atungpuhnü Zion ching thünio tüsho amuni mihabahdo, tüsho abukakhiukkhi ching kiulongthsürü tüsho amükeamrü bahyukdo.

TÜZHOKHI 4:12

Alomi kiulongthsürübonü yungsho alomiküp ching larü shenü she Jirusalem chipiripitbo ching thiriri yüzahkhukbah de mükin.

DANIEL 8:13

Judüki amüsühbuhnü asukkhi inü so, tüsho püpü amüsühbuhnü khülang ki ju asuk, “Taka kingaünkhi, zhikabahshihde neak yihbeakkhi, arüngyam tüsho yinmi bonungrü jungpü michih ha külokhüh laba?”

HOSEA 2:12

Inü anihbe kurungasobo tüsho khubasodungbo thsümünimjihbah, küpü dünkheak alibenü tha, “ I kilim jihkhi I mihkhahmo ah.” Inü jurü murung kamshihbah tüsho mütüm shiwühbonü atsühbah.

HOSEA 2:14

Jumonü, kheakü inü alibe münitbah, tüsho anihbe sunglo ching bede yüzahbah, tüsho alibe ki muzhode athabah.

LUKNÜ ATHRÜTKHI THIYUSHEAK-ATSÜ HUHTANYU 21:24

Arübo nukshangnü akeambah, tüsho trükshih alala ching ramde ayübah, tüsho khiungkerü kimbo müdünjiyikia Jirusalem ju khiungkerünü ajungbah.

AMIKHEAKAKHIUKKHI 11:2

tüshe arüngyam aleanglim a dake; ju aninga zojang, tümüde ju trükshihbo kilim jihdo, tüsho arünü khinu yirükheak mahne amüsüh kiuto kheak jungbah.