ISAIA 5:28 - AMÜSÜH HÜM CL Bible (BSI)

²⁸ arü hühzobo züpzüplah, arü sanglühbo alala hündübümlah, arü khora biuobo molaklung nangde lah, tüsho arü lolungbe-jingbo chitmühean nangde lah.

ISAIA 5:28 Iomraidhean Croise

MUNGSHIKHÜN 120:4

Thirithsürü ayuk hühzobo, mokhih-mürüm bede!

MUNGSHIKHÜN 45:5

Kiulongthsüpuh riribo mulong ching nü hühzobo züpzüplah; mihtsürübo nü khüp keamchoh.

ISAIA 13:18

Arü sanglühbonü athunu mihtsürübo laksahbah; arünü nuyam sangaso kheak mihmüthsüm mülade alabah; arü müknü azürübo kheak kheah-a mümuzho.

ISAIA 21:1

Keto sunglo dünkheak müchityu. Negeb ching chitmühean yünkhi nangde, ha loshelo chingnü, atrebe lomi khülang chingnü arüchoh.

ISAIA 66:15

Tümüde Atungpuh mo ching, tüsho api khora-lolungbebo chitmühean nangde, api bukakhiukkhi jihlopü bukmüshakkhi ching, tüsho apinü thürühkhi motru ching arübah.

JEREMIA 4:13

Kheahang! Api amobo nangde akihchoh, api khora-lolungbe chitmühean nangde; api khorabo müleang kheaknü athribe–isa are, tümüde isa thsümünima lah!

JEREMIA 47:3

Api khorapungbo biuo jungkhi düsheaknü, api khora-lolungbe truktrukkhinü, arü lolungbe-jing düsheaknü, tsührübo rungpü berübuhrü malodarü, arü khahbo khide kika lah,

JEREMIA 5:16

Arü hühzopung ju akhimshuhkhi kiuyuk nangde; arü alala sühmüh larü thirithsürü ah.

EZEKIEL 26:11

Api khora biuobonü nü kiudunglimrobo jungbah. Apinü nü mihtsürübo nukshang kheak yihkihbah, tüsho nü yo amüküp dungjingbo alo kheak keambah.

EZEKIEL 38:9

Nü mikhuh ching, tsüngpungtsüngpung khülang nangde arübah; nü ju alomi shodokhi amo khülang nangde, nü tüsho nü yo thirithsürü alala, tüsho nü lung mihtsürü ahihkhüh labah.

DANIEL 11:40

“ Kim akheam ching Ijip kiulongthsüpuhnü api yanbah, tüsho Siria kiulongthsüpuhnü api wu alala, khora-lolungbe, khorabo, tüsho sangkungbo ahihdonü keochihlobah. Apinü düchinü azünkhi nangde lomi ahihkhüh ching yüzahbah.

MIKA 4:13

Asürang tüsho nitang, O Zion mihtsürü, tümüde inü nü juh yinchi tüsho nü biuo müwayinchi kamshihbah; nünü mihtsürü ahihdo adütre kamde akingbah, tüsho arü yo ahühkhi lakhit Atungpuh kilim kingaün jihbah, arü lakhit alomi lüpdükhi Tungpuh kilim jihbah.

NAHUM 3:2

Shitso düsheak tüsho lolungbe jingkhün, khora jukkihchoh tüsho khora-lolungbe dükhiungchoh!

MAHKHAPRÜ 5:22

Judüki khorabo arü biuobonü akhün khungde jukde yü.