ISAIA 5:27 - AMÜSÜH HÜM CL Bible (BSI)

²⁷ Arü shepü she mükeak, sheshe mümükhe, sheshe mane yungsho müyap, pangrümbe müniukniuk, jingkhümpü-zhi khülang she müzhak;

ISAIA 5:27 Iomraidhean Croise

1 KIULONG THSÜRÜ 2:5

“Kheaküshe Zeruia tsührü Joabnü I ki tümü rhimokhea, apinü Israel bonungrü limthorü mahne, Ner tsührü Abner, tüsho Jether tsührü Amasa laksah. Apinü mungtsü kim ching thirithsü thiyih bukshih, tüsho thirithsü thiyih api chim mükamde pangrümbe kheak yihkih.

JOB HU H T ANYU 12:18

Apinü kiulongthsürübo binkiu chingnü akishihchoh tüsho ramyukrü kamshihchoh;

JOB HU H T ANYU 12:21

Apinü yakzanshuhrübo bahyukchoh tüsho sühmüh larü chimrümbe trünjihchoh.

MUNGSHIKHÜN 18:32

Thrünpuhnü sühmüh hode I züt thsüjih, tüsho I limro banthsangshih.

MUNGSHIKHÜN 93:1

Atungpuhnü kiulongthsüchoh, api ju wüntre-müretah yihlah; Atungpuh yihlah, api sühmühnü züt thsülah. Tsükjide alomiküp ju maphapkhukpü thsüde thsüa lah.

MÜCHITMUDU 3:23

Judüki nü limro ching nü kuram tsüde atsahbah tüsho nü jing mümükhe.

ISAIA 11:5

Thiyuro-lungki api shahmo-rümbe thsübah, tüsho athülünkhinü api chimrümbe thsübah.

ISAIA 45:1

Ha Atungpuhnü apinü mujude-mokhitkhi ki thachoh, shepü khah tsülim inü ramlola, api müngüh trükshihbo kukshihpü tüsho kiulongthsürübo zülu thokhipü, api müngüh khimdopü khimshuhpü– tüsho chipiripitbo mürih:

ISAIA 45:5

I Atungpuh tüsho püpü müla; I hobah thrünpuh müla. Nünü I mümükheahkheah she inü nü düjitlobah,

DANIEL 5:6

Judüki kiulongthsüpuh miro pheakmulukdo kam, tüsho api lümkhilümduhnü anihbuh trede kamshih. Api jingkhahbo shekhiabah, tüsho amukhukbo lakachih.

MATHI 3:4

Johannü kemel nam phuyu, shihküpnü achim rüm; tüsho api tsühyungbe ju tangkhobo le mukhuke lakheah.

YUZÜNGTHALO 32:25

Wungdo phulung ching nukshangnü alaksahbah, tüsho thüyam khiungshakbo ching atrebe labah, athrününgtsüng tüsho anünürü chido, niuhdukrü khungarü, kubuyukkhi mihtsürübo dükheakshihbah.