ISAIA 5:26 - AMÜSÜH HÜM CL Bible (BSI)

²⁶ Apinü limshu ching larü trükshih jipü amütsan jihbah, tüsho alomi akheam ching larü mihtsürübo thsungkheak mütbah; ha ching arü arüchoh, athride, nahnahde!

ISAIA 5:26 Iomraidhean Croise

MUNGSHIKHÜN 60:4

Nünü nü trerü kilim riphin jih, junangde athsümünimpü chingnü arü tsokhipü lakheah.

MUNGSHIKHÜN 72:8

Apinü keto chingnü keto khiungde, tüsho Ayung chingnü alomi akheam khiungde yakzan shuhbah.

ISAIA 10:3

Thsümüchi nimung ching, limshunü arüpü lakhi thsümütsü ching nünü tümü rhimoba? Shepü ki arung thsungkheak nü shande ayüba, tüsho nü lakhit kükheak bahba?

ISAIA 11:12

Apinü trükshihbo thsungkheak amütsan riphin khülang shuhkihbah, tüsho müzüta lakhi Israel tüsho hiumüzüta lakhi Juda alomi mühit phüyi chingnü bemukhungbah.

ISAIA 13:2

Awung achang kheak riphin khülang shuhkihang, arü ki achangnü zhiang; mükheahmudurü ripit ching yüzahpü arü thsungkheak nü khah ayitang.

ISAIA 13:3

Inü müsühkhitrübo inü thiyukhüm jih, I rithsürübo, I lung asühachihrübo I bukakhiukkhi rhimoshihpü jimukhungdo.

ISAIA 13:4

Aniang, awungbo kheak alankhi boto ato khülang nangde! Aniang, kiulongthsübo arhunganimkhi, trükshihbo rukhüh shomukhungkhi! Wuto Atungpuhnü keochihpü thsungkheak bonungrü kitmukhungchoh.

ISAIA 13:5

Arübo limshu lomi chingnü arüchoh, thüningbo akheam chingnü, A TU N GPU H bukakhiukkhi thsühnukbonü lomi athrünkhi thsümünimpü lah.

ISAIA 18:3

Nüsa alomiküp ching larü alala, nüsa sherü alomi kheak lacho, küyimki amütsan riphin khülang awungbo kheak shuhkihbanü, kheahang! Küyimki hulipungpung mütbanü, aniang!

ISAIA 30:16

tüsho tha, “ Yung! Isa khorabo kheaknü shande atsobah”– jumonü nüsa ashanbah! tüsho, “ Isa athrikhi khorabo kheak binbah”– jumonü nüsa müshamrü athribah!

ISAIA 31:9

Atrekhinü apinü nihbuh chipi bahbah atsobah, tüsho api torübonü riphin ngübah ajande atsobah, Atungpuhnü thachoh, shepü mo Zion ching la, tüsho shepü motru Jirusalem ching la.

ISAIA 39:3

Judüki wukihbuh Isaianü kiulongthsüpuh Hezekia kilim arü tüsho api ki tha, “Harü mihtsürübonü tümü thakhea? Arübo küchingnü nü kilim arükhea?” Hezekianü alo, “Arübo limshu lomi Babilon chingnü I kilim arükheah.”

ISAIA 7:18

Ju nimung ching Ijip kenü ching lakhi somünak tüsho Asiria lomi ching lakhi mukhu thsungkheak Atungpuhnü amütbah.

JEREMIA 4:13

Kheahang! Api amobo nangde akihchoh, api khora-lolungbe chitmühean nangde; api khorabo müleang kheaknü athribe–isa are, tümüde isa thsümünima lah!

JEREMIA 5:15

Inü limshu chingnü trükshih khülang nü kheak handarübah, O Israel yamkhün, Atungpuhnü thachoh. Ha sühmüh lakhi trükshih, ha jipü-lün trükshih, nünü mümükheahkhi yutha trükshih, yungsho arünü athakhi nünü manikhitkhuk.

JEREMIA 51:27

Lomi ching riphin khülang shuhkihang, trükshih bolung hulipungpung mütang; anihbe azhihde thirithsüpü trükshihbo thsakhamang, anihbe azhihde kiulongthsübo, Ararat, Minni, tüsho Ashkenaz jimukhungang; anihbe azhihde limthorü mokhitang, tangkho boto nangde khorabo hande akhiukang.

TÜZHOKHI 4:19

Isa müshamrübo ju thüning ching müleangbo kheaknü athribe lakheah; arünü isa müzüngbo kheak yande müsham, arünü sunglo ching isa aleangde bin.

EZEKIEL 38:17

Atungpuh Thrünpuhnü ha thachoh: Adüso nimungbo ching I yamlarü Israel wukihrübonü arübe nimungbo ching arü azhihde inü bedarüpü kambo müchitkhi ju nü a de?

JOEL 2:7

Thirithsürü nangde arünü yanchoh, bonungrü nangde rhü kheak künkihchoh. Mihbüm abannü nihbuh ru ching lah, arünü arü limrobo chingnü manguh.

HABAKKUK 1:8

Arü khorabo ju sangtsung kheaknü athribe, are tsahbe rimre kheaknü alü amüshakbe; arü khorabonü khuchoh. Arü khoraberübo limshu chingnü arüchoh; arünü müleang phinkhi nangde shih tsühpü yungde akichoh.

ZEKARIA 10:8

Inü arü jibah tüsho arübo mukhungbah, tümüde inü arü rhokhitdo tüsho akhuhlim nangde arü hihde akambah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

YUZÜNGTHALO 28:49

Atungpuhnü trük khülang müleang nangde aphinkhi, nüsanü arü yutha mümükheahkhi trükshih, alomi akheam, limshu chingnü nüsa azhihde handarübah.