ISAIA 5:25 - AMÜSÜH HÜM CL Bible (BSI)

²⁵ Jumonü Atungpuhnü api mihtsürü azhihde bukakhiukkheah, tüsho arü azhihde api khah chungkhit tüsho arü shik; müzüngbo aniung tüsho arü ashemibo kiudunglimro ching müneanmuru-mujung nangde la. Ha alala thsungkheak api bukakhiukkhi rholode mutso, tüsho api khah kheakü khiungde chungkih-a lah.

ISAIA 5:25 Iomraidhean Croise

1 KIULONG THSÜRÜ 14:11

Jeroboam betsührü shepü kiuto ching shebanü, khihnunü atsühbah; tüsho khürü mükeak ching shesho, thüning wuhnubonü atsühbah; tümüde Atungpuhnü asukdo.’

1 KIULONG THSÜRÜ 16:4

Baasha mihtsürü sherü kiuto ching shebanü khihnubonü atsühbah; tüsho api mihtsürü khürü mükeak ching shesho thüning wuhnubonü atsühbah.”

1 KIULONG THSÜRÜ 21:24

Khürü Ahab betsührü shepü kiuto ching shebanü khihnubonü atsühbah; tüsho khürü mükeak chingnü shesho thüning wuhnubonü atsühbah.”

2 KIULONG THSÜRÜ 13:3

Israel kheak Atungpuhnü bukakhiuk, junangde apinü arübo mutuklode Siria kiulongthsüpuh Hazael khah ching jih, jushu Hazael tsührü Ben-hadad khah ching jih.

2 KIULONG THSÜRÜ 9:37

Jezebel mi ju Jezreel lomi mükeak ching khihmujung nangde alabah, junangde ha Jezebel ah de shenü müthakhuk.’ ”

2 KIUTHSÜYUKHEAN 36:16

tüshe api mihtsürübo kheak Atungpuh bukakhiukkhi khide tode kambah mutsokhitpü khiungde, arünü Thrünpuh yunithsürübo ki keangrümüne, api yubo mükhemükim thsü, tüsho api yo wukihrübo ki münejih.

JOB HU H T ANYU 9:13

Thrünpuhnü abukakhiukkhi mutuklo; kükheangküyang müshiprü api khüp chungthülangdo yaplah.

MUNGSHIKHÜN 106:40

Jumonü api mihtsürü azhihde Atungpuh bukakhiukde kam, junangde apinü nihbuh yamrüplurüp thranean.

MUNGSHIKHÜN 114:7

O alomi, Atungpuh miki, Jakob Thrünpuh miki ajanang,

MUNGSHIKHÜN 18:7

Judüki alomi niuk tüsho ajan; awung khimtanbo niuk tüsho ajan, tümütüsho api bukakhiuk.

MUNGSHIKHÜN 68:8

alomi ajan; thüningbonü she Thrünpuh miki tsüng akishih; Sinai she Israel Thrünpuh miki aphap.

MUNGSHIKHÜN 77:18

Nü tsüngmukkhi düsheak chitmühean ching lakheah; chinchobebonü alomiküp tahkhi; alomi ajan tüsho niuk.

MUNGSHIKHÜN 78:38

Tüshe api amüthsümnü mide arü mülimkhibo neak bahjih, tüsho arü müdükheakshih. Kim aban api bukakhiukkhi tuklo, tüsho api mulong müzhipzhip.

MUNGSHIKHÜN 83:10

Sherü Endor ching dükheak tüsho alo kheak sünit mujung nangde kam.

ABEKHIT 7:19

Judüki Atungpuhnü Mosa ki tha, “Aron ki thaang, Nü tso luang tüsho Ijip ching ayungbo, kerubo, kedükim tüsho kekhip kumung nü khah chungkihang, junangde jurü thiyih kambah; tüsho Ijip lomi alala ching, sang le lung pangjiphüh chido ching thiyih labah.”

ISAIA 10:4

Nüsa keochih ching laksahbah yungsho aramrü nangde thobah ayübah. Ha alala thsungkheak api bukakhiukkhi rholode mutso; api khah kheakü khiungde chungkih-a lah.

ISAIA 10:6

Thrünpuh mümükheahkhi trükshih azhihde inü api yüshih tüsho I bukakhiukkhi mihtsürü azhihde inü api ki thiyukhüm jih, kukruk yankhia lupü tüsho ahühpü, tüsho kiudunglimro akhimniuhniuh nangde arü kheak jungpü lah.

ISAIA 14:19

tüshe nü a nü kiuyuk chingnü jipkhita bahlah, abahyukkhi sangkhah nangde, ashenü muhiudobahle, küpü nukshangnü düchipashungkhea, shepü Lungkhün ching yüzahkhea, ashemi khülang müphü khüp jungkhi nangde.

ISAIA 23:11

Api khah keto lim chungkihdo, apinü kiulongthsübo niukdo; Atungpuhnü Kanan dünkheak chipi thsümünimpü thiyukhüm jihdo.

ISAIA 25:11

Ju bolung arü khah chungkihkih she, kephungrünü arü khah ayitkhi nangde, arü khah ayityit she arü kükheangkhi keamkhishihbah.

ISAIA 29:2

Tütüshe inü Ariel lümthsünü jihbah, tüsho ju ching mitripkhi tüsho atüzhokhi labah, tüsho alibe ju I ki Ariel nangde alabah.

ISAIA 42:25

Jumonü apinü arü kheak api bukakhiukkhi thirithsü dungkih. Hanü arü motru ching hingdo tütüshe arünü manikhit; hanü arü aniuabah, tüshe arünü mulong ching muzo.

ISAIA 51:20

Nü tsührübo lungdo, arübo kiudunglimro ku koyubah yaplah, azheang ching shihmüchi nangde arübo Atungpuh bukakhiukkhinü, Thrünpuhnü athürühkhinü mide lah.

ISAIA 64:3

Küyimki nünü isanü mükkin mülakhi atrebe rhimokhea, nü aki, awungbonü nü miki ajan.

ISAIA 66:15

Tümüde Atungpuh mo ching, tüsho api khora-lolungbebo chitmühean nangde, api bukakhiukkhi jihlopü bukmüshakkhi ching, tüsho apinü thürühkhi motru ching arübah.

ISAIA 66:24

Tüsho arünü awukhiukbah tüsho I azhihde alakmihkhi mihtsürü ashemibo kheak kheahbah: tümüde musobo müshe, arü takkhi mo küyimkishe mümüt tüsho mihtsürü alala miki arübo athraneanbe labah.

ISAIA 9:11

Jumonü Atungpuhnü arü azhihrübo bemusu, tüsho arü riribo rhumusu,

ISAIA 9:16

tümüde sherünü ha mihtsürübo bekheanü arübo bephülapdo, tüsho sherübo arünü abekheanü yingyingde zojih.

ISAIA 9:17

Jumonü Atungpuhnü arü athunu mihtsürübo kheak mihmuzho mülakheah, yungsho arü mürerübo tüsho khimoberü kheak muzhomüyi mülakheah; tümüde mihbüm abannü Thrünpuh mümükheah tüsho amütsü-rhimorü lakheah, tüsho arü mün abannü mahkhapkhi yu tha. Ha alala thsungkheaknü api bukakhiukkhi rholode mutso, api khah kheakü khiungde chungkih-a lah.

ISAIA 9:20

Arünü tsülim aneam tüshe judü lang khümde alakheah, tüsho arünü huzulim aneam, tüshe bukmüthsü; arünü nihbuh tsührü shih she tsüh;

ISAIA 9:21

Manasenü Ephraim tsüh, Ephraimnü Manase tsüh, tüsho rukhühnü arünü Juda azhih. Tümüde ha alala thsungkheaknü api bukakhiukkhi rholode mutso; api khah kheakü khiungde chungkih-a lah.

JEREMIA 15:3

Tüsho inü arü kurungkheak thsümünimrü mungji phüyi zojihbah, Atungpuhnü thachoh: alaksahpü nukshang, adütrünpü khihnubo, thüning wuhnubo tüsho alomi shiwühbo amuyupü tüsho athsümünimpü labah.

JEREMIA 16:4

Arübo ashebe tukthsübonü ashebah. Arübo mütüzho, yungsho kiuyuka mübah; arübo alo mi kheak müneanmuru nangde alabah. Arübo nukshang tüsho khümzungnü ashebah, tüsho arü ashemibo thüning wuhnubo tüsho alomi murung shiwühbo jim kambah.

JEREMIA 17:4

Nüsa nihbuhnü arhimokhi hode inü nüsa kilim jihkhi yamrüplurüp dükheakbah, tüsho nüsanü mümükheahkhi lomi ching inü nüsabo nüsa riribo tankihshihbah, tümüde I bukakhiukkhi ching lünnü atakpü mo khülang takkih-a lah.

JEREMIA 4:24

Inü awungbo kheak kheah tüsho kheahang, arübo ajande alakheah, tüsho wungduduhbo alala yüla-arüla de niuk.

JEREMIA 4:8

Ha dünkheaknü shungliukhim phuyuang, tüzhoang tüsho tripang: “Atungpuh bukakhiukkhi isa kheaknü rholode mutso.”

JEREMIA 6:12

Arü yambo, arü lubo tüsho niuberü rukhühnü püpürü kilim jihbah; tümüde lomi ching larü kheak azhihde I khah chungbah, Atungpuhnü thachoh.

JEREMIA 8:2

tüsho arübo ju ani le khinu tüsho arünü muzhode tankihkhi, yande tüsho keokhide kingaünkhi chiningbo miki hiumüzüta labah; tüsho arü mühanmukhung yungsho kiuyuka mübah; arübo ju alo kheak bahyakkhi nangde alabah.

JEREMIA 9:22

Asukang! Atungpuhnü ha thachoh: Mükeak ching bahyakkhi nangde, yimlurü dunglim hi bahkhi nangde, mihtsürü ashemibo keambah tüsho shenü arü mühanmukhung.

TÜZHOKHI 5:22

nünü isa shahde bahyuka mülasho, tüsho makekhukpü thsüde bukakhiuka lah yungsho.

EZEKIEL 15:6

Jumonü Wuto Atungpuhnü ha thachoh: Inü murung kurungaso sang mojim thsüpü jihkhi nangde, Jirusalem ching larü mihtsürü ki inü ajihbah.

EZEKIEL 30:25

Inü Babilon kiulongthsüpuh bin düküngshihbah, tüshe Pharao binbo keambah. Inü Babilon kiulongthsüpuh khah ching I nukshang yukjihchoki, I Atungpuh de arünü mükheahbah. Apinü Ijip lomi azhihde ju shuhkihbah,

EZEKIEL 6:14

Tüsho inü arü azhihde I khah chungkhitbah tüsho loshelo chingnü Bibla khiungde alomi ju thsümünima zhikrangkhündo kamshihbah. Judüki I Atungpuh de arünü mükheahbah.

DANIEL 9:16

O Atungpuh , nü thiyuro-lungki rhimobo yande, nü bukakhiukkhi tüsho mulong zhipzhip, nü kiuto Jirusalem, nü amüsüh wung chingnü tsoang; isa neakbo tüsho isa jipürü mülimkhibo hode, Jirusalem tüsho nü mihtsürübo isa mühirü alala ki münedung khülang kamdo.

HOSEA 14:4

“ Inü arü akin-mülakhi thsüngubah; inü akeangnü arü muzhobah, tümüde I bukakhiukkhi arü kheaknü tsodo.

AMOS 8:8

Ha dünkheaknü lominü majanba de, tüsho ju ching larü abannü mütüzhoba de, tüsho alala Nile nangde makihba de, tüsho Ijip ching mükeamyukba de?

MIKA 1:4

Judüki mo phünide thürip lakhi nangde, kebonü awung zünkheamkhi nangde api khüp müzüngbo niubah tüsho jindükhünbo zhibeakbah.

NAHUM 1:5

Api miki müzüngbo niukchoh tüsho awungbo niuchoh; api miki alomi, alomiküp tüsho ju ching larü alala ajanchoh.

HABAKKUK 3:10

Müzüngbonü nü ngüchoki, arünü ajan; thüningbo chingnü kebo bukkhi. Alomi khüp kebonü ahuk tüsho arü abükkhibo changde yükih.

ZEPHANIA 1:17

Inü hadürü lümthsünü mihtsürübo kheak handarübah, junangde arübo müktukrü nangde atsahbah; tümütüsho arünü Atungpuh azhihde neak yihbeakkhinü, arü thiyih ke nangde abukkhitbah, tüsho arü shih müneanmuru mujung nangde alabah.

YUZÜNGTHALO 31:17

Ju nimung ching arü azhihde I bukakhiukbah, inü arü bahyukbah tüsho I miro arü kinü arambah tüsho arübo dükheakbah. Tüsho amütsübo tüsho thsümütsü ahihdo arü kheak yükihbah, junangde arünü ju nimung thabah, ‘Isa Thrünpuh isa lung mülakhi hode harü amütsübo isa kheak arüchoh yung de?’

YUZÜNGTHALO 31:18

Tüsho arünü harü amütsübo rhimode püpürü thrünpuhbo kilim rholokhi dünkheaknü ju nimung ching inü tsükjide I jak rambah.

1 TESALONIKA 2:16

ju khiungkerü ki thabah arü khümkhitbah mütsüle de arünü isa zhipdode arhimokheah. Junangde kamruhroro arü neak mujungde kamshih. Tüshe akheam ching Thrünpuh bukakhiukkhi arü kheak arü.

AMIKHEAKAKHIUKKHI 20:11

Judüki inü kiulongthsü-binkiu amüye tüsho ju kheak binbuh ngü; api mikinü alomi tüsho thüning tsoabah, tüsho jurü müngülode kam.