ISAIA 5:24 - AMÜSÜH HÜM CL Bible (BSI)

²⁴ Jumonü mo mulonü müneang muliukhi nangde, tüsho sangrung akung motru ching keamyukkhi nangde, arü ying shuhabahbah tüsho apungkhi asungthulung nangde keamkhia bahbah; tümüde arünü Wuto Atungpuhnü thsangdankhi bahyukdo, tüsho Israel Amüsühbuh Khülang yu mükhemükimdo.

ISAIA 5:24 Iomraidhean Croise

2 KIULONG THSÜRÜ 19:22

Shepü nünü keangrükhea tüsho mükhemürangkhea? Shepü azhihde nünü azhikhea tüsho nü mük zhipzhipde azüngkihkhea? Israel Amüsühbuh azhih!

NEHEMIA 9:26

Tüshe nü mihtsürübonü nü azhihde mihyu mani; nü yakzan arü dunglim bah. Wukihrübo sherünü nü kilim rholoang de arü müzünde azhikheanü laksah. Arünü khide nü mükhemürang thsü,

JOB HU H T ANYU 18:16

Api ying alunglim kunga lah, tüsho kumung lim api sangkhahbo yiuh-a lah.

JOB HU H T ANYU 8:17

Arü yingbonü lungmujuk mükamde hingchoh; arü ju lung bolung lapü kheahchoh.

MUNGSHIKHÜN 50:17

Tümüde nünü adanyukkhi thraneanchoh, tüsho I yubo nü dunglim bahchoh.

ABEKHIT 15:7

Nü wüntre-müretah ato ching nünü nü azhihrübo lahyuka bah; nü bukakhiukkhi yüshihbah müneang nangde arü aniuabah.

ABEKHIT 5:12

Jumonü mihtsürübonü müneang yimdarüpü Ijip lomi alala ching hiumüzüt.

ISAIA 1:31

Sühmüh larü ju mojim nangde akambah tüsho arü rhimo modübin nangde alabah; arü le arü rhimo rukhühnü shenü müyihmütde atakbah.

ISAIA 1:4

Ah, neak lakhi trükshih, amülimkhinü mihtsürübo ajapbah lah, amütsü rhimokhi münü, athsümünim rhimorü tsührü, shepünü Atungpuh bahyuk, shepünü Israel Amüsühbuh Khülang mükhemükim, sherübo shahde chamkhibah la!

ISAIA 24:6

Jumonü muthrumünean khülangnü alomi tsühabahchoh, tüsho ju ching larü arü amülim dünkheak thsünüchoh; jumonü lomi ching larü nükde kamdo, tüsho mihtsürü anükbe aningdo.

ISAIA 26:11

O Atungpuh , nü khah shuhkihlah tüshe arünü ju müngü. Nünü nü mihtsürü thsungkheak mulong jihkhi arünü ngüshang tüsho achihshang. Nü azhihrü monü arü aniuabahshang.

ISAIA 30:12

Jumonü Israel yo Amüsühbuh Khülangnü ha thachoh: Tümütüsho nüsanü ha yu bahyukchoh, tüsho nüsa kinkhi ju junokhi tüsho arükchih ching lah, tüsho arü kheak angükihchoh;

ISAIA 30:9

Tümüde arübo azhihrü mihtsürü, akin mülakhi tsührübo, Atungpuhnü thsangdankhi manipü lakhi tsührübo;

ISAIA 47:14

Kheahang, arübo sünit nangde lah, monü arübo aniuchoh; arünü motru wu chingnü arü nihbuh mükhümkhitkhuk. Ha arü thüyüpbe mokhih yung, amiki binbe mo yung!

ISAIA 7:9

Ephraim ku ju Samaria, tüsho Samaria ku ju Remalia tsührü. Nünü akin ching düküngde müzhipsho, nü judü lang müzhip.

ISAIA 8:6

Tümütüsho ha mihtsürübonü keamde abukkhi Shiloa ke thsunglo, tüsho Rezin le Remalia tsührü trekhinü niuthünak;

ISAIA 9:18

Tümüde mihbukmuyuknü mo nangde takchoh, khingphu tüsho ayangbo aniuabahchoh; hanü murung achak takkihchoh, tüsho mokhüh nangde yükihchoh.

ISAIA 9:19

Wuto A TU N GPU H bukakhiukkhi hode, alomi takkheah, tüsho mihtsürübo mokhih nangde kam. Khülangnü khülang maningshih.

JEREMIA 6:19

Aniang, O alomi; inü arü lümkhi aso asokhi ha mihtsürübo kheak thsümütsü handarüpü lah, tümütüsho arünü I yu mani; tüsho arünü I yakzan bahyukdo.

JEREMIA 8:9

Lümlung larü achih ngüshihbah, arübo ayingyingbah tüsho aphuhbah; tümütüsho arünü Atungpuh yu bahyuk, arü kheak tümü lümlung la?

EZEKIEL 15:6

Jumonü Wuto Atungpuhnü ha thachoh: Inü murung kurungaso sang mojim thsüpü jihkhi nangde, Jirusalem ching larü mihtsürü ki inü ajihbah.

HOSEA 11:9

Inü I bukakhiukkhi mürhimo; inü Ephraim müthsümünimlo; tümüde I a Thrünpuh ah tüsho mihtsürü yung, nüsa bolung Amüsüh Khülang lah tüsho inü I bukakhiukde marü.

HOSEA 5:12

Jumonü I a Ephraim ki musobo nangde, tüsho Juda yamkhün ki ashuhkhi nangde lah.

HOSEA 9:16

Ephraim a tsühsah-a lah, ayingbo kunga lah, arünü aso maso. Arünü zübebe she, arü amuzhodakkhi tsührübo inü alaksahbah.

JOEL 2:5

Khora-lolungbebonü atruktrukkhi nangde, arünü müzüng mujukbo kheak jukchoh, motrunü reapreapde sünit aniukhi nangde, wulakhi bonungrü nangde keochihpü shihkhin thsüchoh.

AMOS 2:4

Atungpuhnü ha thachoh: Judanü alochode neak yihbeakkhi dünkheak, inü thsümüchi mululo; tümütüsho arünü Atungpuh yakzan bahyuk, tüsho api yukhüm muzo.

AMOS 2:9

Tütüshe inü arü müngühnü cedar sang nangde achang tüsho thülamsang nangde amüküp lakhi Amorrü dükheakshih; inü api kumung aso, tüsho alunglim ayingbo thsümünimjih.

NAHUM 1:10

Arübo ayangbo nangde thrukrama lah, amüshangrü nangde arübo müshanga lah; arübo amukuh sünit nangde aniua lah.

MALAKI 4:1

Kheahang, tak-phuru takkhi nangde nimung arüchoh, bukakhiukrü tüsho amütsü rhimorü alala hineang nangde alabah; ju nimung arükhinü arü takabahbah, Wuto Atungpuhnü thachoh, junangde arü ying yungsho khah tümü she maning.

MATHI 3:12

Api khah ching phürü shuhlah, tüsho apinü rhimopung tsüde amüsühbah tüsho api jakam ching hi hanmukhungbah; tüshe apinü atsütbo a amümütbe mo ching takbah.”

LUKNÜ ATHRÜTKHI THIYUSHEAK-ATSÜ HUHTANYU 10:16

“Shepünü nüsa ki anibanü I ki anichoh, shepünü nüsa bahyukbanü I bahyukchoh, tüsho shepünü I bahyukbanü I thiyibuh bahyukchoh.”

LUKNÜ ATHRÜTKHI THIYUSHEAK-ATSÜ HUHTANYU 3:17

Api rhimopung müsühabahpü, tüsho api jakam ching wheat hi hanmukhungpü akhah ching phürü shuhlah, tüshe atsütbo a apinü amümütbe monü atakbah.”

LUKNÜ ATHRÜTKHI THIYUSHEAK-ATSÜ HUHTANYU 7:30

Tüshe Pharisirü tüsho yakzan thsangyurübonü arü thsungkheak Thrünpuh lümkhi bahyuk, tümütüsho arübo a Johannü mübapti.

JOHAN 12:48

Shepünü I bahyukcho tüsho I yubo müleangkhichonü mahkhap khülang lah; inü athakhi yu hode akheam nimung api mahkhapbah.

YUNIRÜBO RHIMO 13:41

‘Kheahang, nüsa luhmünerübo! Müyinsahang tüsho sheang! Tümüde khürünü thanaka huhhuh she nüsanü akin mülapü thsüde inü rhimochoh!’ ”

YUZÜNGTHALO 28:24

Atungpuhnü nüsa lo ching tsüng ju asungsung müthrishihbah; tüsho nüsa müsheshihyi khiungde asungthulung lang thüning chingnü nüsa kheak akibah.

1 TESALONIKA 4:8

Jumonü sherünü ha bahyukchonü mihtsürü yungde nüsa kilim Amüsüh Me jihbuh Thrünpuh bahyukchoh.

1 SAMUEL 15:23

Tümüde azhihde arhimokhi ju thümüthiyi nangde neak tüsho nihnihrarakhi ju amülimkhi tüsho sangthsü kingaünkhi ruk ah. Tümütüsho nünü Atungpuh yu bahyukdo, apinü nü she kiulongthsürü chingnü bahyukdo.”

1 SAMUEL 15:26

Samuelnü Saul ki tha, “Inü nü kilim murholo; tümüde nünü Atungpuh yu bahyukdo, tüsho nü Israel kurungkheak kiulongthsürü chingnü Atungpuhnü bahyukdo.”