ISAIA 5:22 - AMÜSÜH HÜM CL Bible (BSI)

²² Nüsa shepü phapke yungkhi ching athrungrü la tüsho yukhu rhupü ching mulong torü lanü are,

ISAIA 5:22 Iomraidhean Croise

1 KIULONG THSÜRÜ 20:16

Ben-hadad tüsho api lung arihrü kiulongthsürübo 32 khimyam ching müshangde yungde alachoki, arünü animuro yanmusu.

ABEKHIT 23:8

Tüsho nünü buknim dülu, tümüde buknimnü mütsankhitpü mük tukshihchoh tüsho thiyuro yubo bephülapchoh.

MÜCHITMUDU 20:1

Yukhu ju luhmüne, amüshangbe ju arhungangüm, tüsho shepü hadürünü bephülapde tsochonü lümlung larü yung.

MÜCHITMUDU 23:29

Shepü mulong tukthsü la? Shepü mulong rozhak la? Shepü rukachihkhi la? Shepü atsangkhibo la? Shepü mübo la? Shepü mükmürümkhi la?

MÜCHITMUDU 31:4

Ha kiulongthsürübo thsungkheak yung, O Lemuel, kiulongthsürübonü yukhu yungbe yung, yungsho amüshangbebo ju yakzanshuhrü thsungkheak yung;

MÜCHITMUDU 31:5

jude yungsho arünü ayungbah tüsho yakzan mihbah, tüsho junoa larü alim alala khenoabahbah.

ISAIA 22:13

tüshe ju müthri asühachih tüsho thünio lakheah, moshipung tüsho namfimihnu laksahde, shih tsühde tüsho yukhu yungde la. Nüsanü tha, “ Isanü tsühanü tüsho yunganü, tümüde shido isa ashebah.”

ISAIA 24:9

Kheaküa arünü khün thsüde yukhu muyung; ayungrü ki ayungbe amüküp ju khühlah.

ISAIA 28:7

Harü she yukhunü amülim kamdo tüsho phapkenü ayingyingshihkhi lah; amükeamrü tüsho wukihrü phapkenü amülim kamchoh, arü yukhunü yingyingabahdo, arü phapkenü yingyingshihchoh; arünü michih ching lakmihchoh, arünü mahkhapkhi ching jing mükhechoh.

ISAIA 5:11

Nüsa sherü amüshangbe müshamde yapsu mükikde asürücho, shepü yukhunü amüshangpü thsüde are khiungde lachonü are.

ISAIA 56:12

“Arang” arünü thachoh, “ Isanü yukhu handaranü; isanü phapke yunganü. Tüsho shido a ha kheaknü she atsüdak labah.”

HABAKKUK 2:15

“ Nüsa sherünü yamhingrü ki arü mümüshangyi khiungde arü bünkeang kheahpü thsüde keluh chingnü duhchonü are!”