ISAIA 5:21 - AMÜSÜH HÜM CL Bible (BSI)

²¹ Nüsa shepü nihbuh küdah lümlung lah tüsho rükri lah de lümchonü are!

ISAIA 5:21 Iomraidhean Croise

JOB HU H T ANYU 11:12

Tüshe küyimki mütüm donkibonü mihtsürü atrebanü, makharü mihtsürünü anikhitbah.

MÜCHITMUDU 26:12

Khürünü mülalaa nihbuh lümlung lah de alümkhi kheaknü shadakde makharü atsübe ah.

MÜCHITMUDU 26:16

Mütsandakde alorü mihtsürü thüne kheaknü api lümlung labeah de yomuhyothsünrünü lümchoh.

MÜCHITMUDU 3:7

Nü küdah thsüde nü alü lümlung larü ah de dülüm; Atungpuh treang tüsho amütsü chingnü rholoang.

ISAIA 10:13

Tümüde apinü tha: “ I khah sühmüh tüsho I lümlungnü inü ha rhimodo, tümüde I anikhitkhi lah; inü mihtsürübo yo aredungbo lahakhindo, tüsho rahpungbo ludo; moshipung nangde inü kiulongthsübinkiu kheak binrü thokhido.

ISAIA 37:23

Nünü she kheak keangrümünekhea tüsho mükhemürangkhea? She azhihde nü düsheak zhikhea tüsho lülüshishide nü mük züngkihkhea? Amüsüh Israel Thrünpuh azhihde ah!

ISAIA 40:23

Shepünü yakzanshuhrübo akeangkeang kamshihcho, tüsho alomi yakzanshuhrü tümü mülakhi kamshihcho.

ISAIA 47:10

Tümüde mihbukmuyuk ching nünü kindo; nünü tha, “Shenü I müngü.” Nü lümlung tüsho nü mükheahnü nü bephülapdo, tüsho nünü mulong ching tha, “ I ah tüsho I hobah she müla.”

JOHAN 9:41

Jisunü arü ki tha, “Nüsa mük tukkhülaa neak müyihbeaka labah; tüshe kheakü nüsanü, ‘Isanü ngülah’ de thachoh, jumonü nüsa neakbo lah.”

ROMRÜ KILIM PAULNÜ ATHRÜTKHI KIHÜM HUHTANYU 1:22

Lümlung lah de athakhinü, arü makharü kam,

ROMRÜ KILIM PAULNÜ ATHRÜTKHI KIHÜM HUHTANYU 11:25

I keoniorübo, nüsa küdahnü shia mulushihpü thsüde rama lakhi thiyuro nüsanü mükheahshihnelah. Israel mihtsürü mulong müküpkhi lün thsungkheak yung, tüshe khiungkerü khekhi alala Thrünpuh ki arükhi khiungdü lang ah.

ROMRÜ KILIM PAULNÜ ATHRÜTKHI KIHÜM HUHTANYU 12:16

Khülangnü khülang ki arihakokhi ching laang; dükükheang, tüshe abobe kuhi mihtsürü lung arihpü mulongang. Nü küdahnü lümlung larü ah de dülüm.