ISAIA 5:20 - AMÜSÜH HÜM CL Bible (BSI)

²⁰ Nüsa shepünü amütsü ki atsü tüsho atsü ki amütsü jichonü, shepünü amiting ju ayin tüsho ayin ju amiting kamshihcho, shepünü akhüh ju aniung tüsho aniung ju akhüh kamshihchonü are!

ISAIA 5:20 Iomraidhean Croise

JOB HU H T ANYU 17:12

Arünü azhing ju animung kamshih; amiting ching arünü thachoh, “Ayin thüninde lah.”

ABEKHIT 23:7

Arükchihbo chingnü nü limshuang; amülim mülarü tüsho thiyuro larü dülaksah. Tümüde inü mihbukmuyuk alim müjih.

MÜCHITMUDU 17:15

Shepünü mihbukmuyuk alim thsüjihcho, tüsho thiyuro-lungkirü bahyukchonü ane chido Atungpuh kilim athraneanbe lah.

MÜCHITMUDU 4:17

Tümüde arünü mihbukmuyuk yikhap tsühchoh, tüsho athsümünimbe yukhu yungchoh.

ISAIA 24:9

Kheaküa arünü khün thsüde yukhu muyung; ayungrü ki ayungbe amüküp ju khühlah.

ISAIA 29:21

sherünü mihtsürübo amülim kamshihcho, shepünü chipiripit ching mahkhaprü thsungkheak azheang zocho, tüsho mütsanmükhi mülade alungki ching larü thiyuro rahlocho.

ISAIA 30:10

shenü angürü ki thacho, “Düngü”; tüsho wukihrü ki, “Alungki lakhi isa ki dümüchit; isa ki atsübo asukang, arükchihbo müchitang,

ISAIA 32:5

Makharü khürükhüh ki mükheahmudurü de müji, yungsho amütsü mihtsürü ju wüntre larü müthsü.

EZEKIEL 13:19

Barli müyikhüh tüsho yikhap dütrekhüh dün nüsanü I mihtsürü bolung I müneanjihdo. I mihtsürü ki akeangyu thaa anishihde, nüsanü müshepü larü laksahdo tüsho mülapü larü lashihdo.

AMOS 5:7

Nüsa thiyuro akhühsang kamshihrü, tüsho thiyuro-lungki alo kheak jipkhia bahrü ayokhe!

MIKA 3:2

nüsa sherünü atsü thraneancho tüsho amütsü muzhocho, sherünü I mihtsürü küp tüsho arü robo kheaknü shihtsü khukkhicho;

HABAKKUK 1:4

Jumonü yakzan niukniukabahdo tüsho thiyuro mürhimo. Mihbukmuyuknü thiyurolungkirü mükamdolah–jumonü thiyuro mahkhapkhi bephülapdo.

MALAKI 2:17

Nüsanü nüsa yubonü A TU N GPU H khishihdo. Tütüshe nüsanü, “ Küde thsah isanü api khishihkhi? Isanü amütsü rhimokhi alala Atungpuh miki atsü lah, tüsho apinü jurü ching asühchoh. Yungsho thiyuro Thrünpuh küching la?” de thachoh.

MALAKI 3:15

Kheakü isanü kükheangküyangrü ju müngühmühi de jichoh; mihbukmuyukrü ju lalim tsükhi lang yung, tüshe küyimki arünü Thrünpuh rükakibanü arü tsokhitchoh.”

LUKNÜ ATHRÜTKHI THIYUSHEAK-ATSÜ HUHTANYU 16:15

Tüsho apinü arü ki tha, “Nüsa ju nüsa küdah thsüde mihtsürübo miki alim thsürübo ah, tüshe Thrünpuhnü nüsa mulongbo mükheahlah. Tümütüsho küpü mihtsürü bolung amo-achak lanü Thrünpuh miki athraneanbe lah.

YUZÜNGTHALO 25:1

“Mihtsürü mahne dükeak neamneamde mahkhappung ching arüsho mahkhaprünü ane dükeak mahkhapjihpü kuklah, tüsho arünü khülang alim tüsho püpü ju amülim jihbah,

2 PETER 2:1

Adüso arükchih wukihrübo mihtsürü bolung lakheah, junangde nüsa bolung she arükchih thsangyurübo akhiukbah. Arünü athsümünimbe akeangyu kingaünyakzan hande arübah, tüsho arü rhokhitbuh arü Putungrü reanglobah, tüsho junangde arünü arü nihbuh kheak zukleangnü athsümünim hande arübah.