ISAIA 5:2 - AMÜSÜH HÜM CL Bible (BSI)

² Apinü alo kiu tüsho lungbo moa bah tüsho amokhitkhi kurungasobo khim; apinü ju ching aheangsadam khülang thsü tüsho yukhu zopung kiu; apinü kurungaso asoshihpü mükkin thsü tüshe kurungaso ju asan aso.

ISAIA 5:2 Iomraidhean Croise

2 SAMUEL 7:10

Tüsho inü I mihtsürü Israel thsungkheak dangpung khülang mokhitbah arü lashihbah, junangde arübo nihbuh lapung ching tümü kimlak mülade alabah; tüsho püpüki nangde amütsü rhimorübonü arü kheak küpkhuk müjih,

NEHEMIA 13:15

Judüki Juda ching mihtsürübo Amuni kurungaso chingnü ake nitkhitde inü ngü. Püpürübo hi, yukhu, kurungaso, khubaso tüsho püpü kukruk hah thsüa donkibo hanshihbah Jirusalem lim yüde ngü; Amuni tümü she düyin de arü ki inü müzündoabah.

MUNGSHIKHÜN 80:8

Nünü Ijip chingnü kurungasoliu khülang lubah arü; nünü trükshihbo yankhit tüsho ju khim.

MUNGSHIKHÜN 80:9

Nünü ju thsungkheak alo wochakkhit, tüsho aying sükde chinyukshih, tüsho alomi mide kam.

ABEKHIT 33:16

Nü isa lung müyüsho, nü mihtsürü tüsho I nü miki mihmüthsüm ngüdo de küde thsah amükheahpü? Nü mihtsürü tüsho I, alomi ching lakhi mihtsürü alala kheaknü büthsükhi labah.”

ISAIA 1:8

Tüsho Zion tsührübe lang kurungasolu ching yün nangde, liuheak lu ching yünshim nangde, azündokhi kiuto nangde aninga lah.

ISAIA 5:7

Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

JEREMIA 11:17

Wuto Atungpuh , shepünü nü khimkheanü, nüsa azhihde amütsü thado, tümütüsho Israel yamkhün tüsho Juda yamkhünnü amütsü rhimode, Baal kilim kingaün jihde I bukakhiukshih.

JEREMIA 2:21

Tütüshe amokhitkhi kurungaso nangde inü mokhita zokhi chingnü nü khimkheah. Dale küde thsah nünü thsümünimkhea tüsho mütüm kurungaso kamkhea?

HOSEA 10:1

Israel a aso hihkhi kurungaso nangde lah. Api aso hih yande, apinü kingaün sadam alü thsü; api lomi lakhit yande, api dungjingbo alü thsü.

MIKA 4:8

Tüsho nü, O namfimihnu aheangsadam, Zion wung, akhuhlim yakzan shuhkhi nü kheak arübah, Jirusalem kheak kiulongthsü arübah.

WÜHKHE 23:9

Lunghü mujuk chingnü inü arü ngüchoh, awungbo chingnü inü arü chinzhina kheahchoh, arübo büthsüde alakhi trükshih khülang ah; tüsho püpü trükshih kheaknü arü alü müngühmühibe de arünü mükheahlah.

MATHI 21:19

Limmungyean khubasodung zhipde ngübah apinü yü, tüsho ju kheak tümü müngü tüshe ayübo lang alakheah. Tüsho apinü ju ki tha, “Küyimkishe nü kheaknü aso dasolo!” Tüsho judüchokinü khubasodung ju yiuhabah.

MATHI 21:33

“Shihdanglimyu püpü: Kurungasolu putungrü khülang lakheah. Apinü ju mükamde shahwün ayün, ju ching anitpung kiu tüsho aheangsadam khülang thsü. Judüki apinü kurungasolu ju thulu-thsürü khürü kilim amüche jihbah hantsah yü.

MATHI 21:34

Küyimki yimlupü kim khiungkhea, apinü thulu-mücherü kilim yimlukhi chingnü shihcham lupü ayamlarübo yüshih;

MARK 11:13

Tüsho limshunü khubasodung ayü kihde ngübah aso kihnahnü de akheahpü yü. Küyimki api ju ki arükhea, ayübo kheak hode apinü tümü müngü, tümüde ju khubaso asopü kim yungde alakheah.

MARK 12:1

Judüki apinü arü ki shihdanglimyu chingnü athapü tankih: “Mihtsürü khülangnü kurungasolu thsübah ju mükamde awündo, anitpung alokhün kiu tüsho aheangsadam thsü. Tüsho apinü thulu-thsürübo ki amüche jihbah lomi ashang ching hantsah yü.

MARK 12:2

Yimlu kim ching apinü yamlarü khülang thulu-thsürübo kilim kurungasolu chingnü kurungaso shihcham lupü yüshih.

ROMRÜ KILIM PAULNÜ ATHRÜTKHI KIHÜM HUHTANYU 9:4

Arü ju tsührü kamkhi müretah, tangzüng, yakzan jihkhi, kingaün, tüsho alokhikhi lakhi ah;

1 KORINT 9:7

Shepünü nihbuh küdahnü bahzübahdode bonungrü rhimo thsücho? Shepünü aso asokhi mütsühde kurungasolu thsücho? Shepünü niuhke müyungde mihnu boto neakcho?

YUZÜNGTHALO 32:6

Nüsanü Atungpuh kheak hade rhimocho de, nüsa abünrü tüsho azhazha mihtsürü? Api ju nü thrünrü nü buh yung de, shepünü nü thrün tüsho trük kamshih?

MAHKHAPRÜ 16:4

Kim anükhüh dunglim, apinü Sorek jindükhün ching lakhi aliberü khülang Delila kheak muzho.