ISAIA 5:17 - AMÜSÜH HÜM CL Bible (BSI)

¹⁷ Judüki namfimihnunubo arü yimtsühpung ching nangde yimtsühbah, amüdangkhi tüsho anunubo athsümünimkhi bolung yimkipbah.

ISAIA 5:17 Iomraidhean Croise

NEHEMIA 9:37

Tüsho isa neak hode alo chingnü akhiukkhibo nünü isa kurungkheak zojihkhi kiulongthsürübo kilim jihchoh; arünü isa pang tüsho isa shiwüh kheak arü künkhi rhimochoh, tüsho isa mulong kimikhi ching lah.

MUNGSHIKHÜN 119:70

Harü mihtsürübo anikhitkhi müla, tüshe inü nü yakzan ching asühpü ngüchoh,

MUNGSHIKHÜN 17:10

Arü kheak mihmuzho müla tüsho kükheangde asukchoh.

MUNGSHIKHÜN 17:14

O, Atungpuh , hadürü mihtsürü ha rhangdung ching shihcham larü, jika lakhi nü lakhitnü bukthsüshihkhi khah chingnü I khümkhitang. Arü tsührübo kheak arü reangkeamchoh, tüsho arünü arü tsührübo khilim lakhit thsakhama zochoh.

MUNGSHIKHÜN 73:7

Arü mükbo shihkihkhinü bümchoh, arü mulongbo amütsünü zhikhiuklah.

ISAIA 1:7

Nüsa lomi zhikrangkhündo lah, nüsa kiutobo monü taka lah; nüsa mikinü khiungkerünü nüsa lo thsümünimdo; khiungkerünü lahyuka bahkhinü zhikrangkhündo lah.

ISAIA 10:16

Jumonü Wuto Atungpuhnü athrih tukthsü adüküng thirithsürübo kilim yüshihbah, tüsho api müretahkhi bukkhüp mo takkhi nangde atakpü takkihbah.

ISAIA 17:2

Anihbe kiutobo lünnü bahyuka labah; arübo mihnu boto yimtsühpung labah, küpü zuhyuka yapba, tüsho shenü she arü mütreshih.

ISAIA 32:14

Tümüde kiulongthsürüyambo mihabahbah, sünthülanga lakhi kiuto bahkhitbah, awung tüsho aheangpungbo lünnü shiwüh lapung, mütüm donki asühachihpung, mihnu boto yimtsühpung kambah;

ISAIA 40:11

Apinü api mihnubo ki mihnu neakrünü nangde yimkipbah; apinü namfimihnunubo api bin kheak bemukhungbah, tüsho arübo api khüh kheak hanbah, tüsho namfimihnu abebo mükhihde abebah.

ISAIA 65:10

I yimrü I mihtsürübo thsungkheak Sharon ju mihnu boto yimtsühpung kambah, tüsho Akor jindükhün ju moshibo yappung kambah.

ISAIA 7:25

tüsho thuwuh müzheannü awochakkhi wungbo alala ching khingphu tüsho ayangrungbo trekhinü nünü ju ching müyü; tüshe jurübo moshi tüsho namfimihnu mungpung kambah.

JEREMIA 5:28

arübo wu tüsho lakhit lah. Arünü mihbukmuyuk rhimobo ching mahiung; akuk ngüshihpü thsüde arünü thiyuronü mürerü mahmükhap, tüsho müthsümülarü alim mutsungdojih.

TÜZHOKHI 5:2

Isa yamrüplurüp mihsorü kilim tsodo, isa yambo khiungkerü kilim tsodo.

HOSEA 4:16

Israelrü ju khoranunu nangde yihkhro ah; küde thsah Atungpuhnü rimlopung amülih ching arü yimkippü?

HOSEA 8:7

Tümüde arünü apung yangchoh, tüsho arünü chitmühean yimlubah. Hidung ju munoyuk, hanü jim makhiuk; khükikhüh akhiuka lasho, khiungkerünü tsühabahbah.

MIKA 2:12

Inü tsükjide nüsa alala bemukhungbah, O Jakob, inü Israel arhang larü bemukhungbah; inü arübo rimlopung ching namfimihnu boto nangde, ayam ching bemukhungbah; ju mihtsürünü mide akambah.

ZEPHANIA 2:14

Moshi, mihnu tüsho mütüm shiwüh lüpdükhi ju ching labah; loshelo lungru tüsho amüsükbe lungru dungjingku kheak labah; lungrunü ayinripit kheak khungbah, khüjaknü ripit-limro kheak khungbah; tümüde cedar sangnü arhimokhi ju aleangkheak labah.

ZEPHANIA 2:6

Tüsho nü, O kemungyean ju rimlopung kambah, namfimihnu neakrü ku alampung tüsho mihnu boto yambo kambah.

LUKNÜ ATHRÜTKHI THIYUSHEAK-ATSÜ HUHTANYU 21:24

Arübo nukshangnü akeambah, tüsho trükshih alala ching ramde ayübah, tüsho khiungkerü kimbo müdünjiyikia Jirusalem ju khiungkerünü ajungbah.

YUZÜNGTHALO 28:33

Nünü mümükheahkhi trükshihnü nü lo chingnü akhiukkhi sangaso tüsho nünü arhimokhitkhi tsühbah, tüsho nüsa mutuklode ajunobah tüsho azünakbah.

YUZÜNGTHALO 32:15

Tüshe Jeshurun shihkihde zokhit, tüsho azhihde kam; bukthsüde tsühbah api mülangrüpdo tüsho lütlütde kam. Apinü api thrünrü Thrünpuh bahyuk, tüsho api khümkhitpü lung bahyuk.