ISAIA 5:14 - AMÜSÜH HÜM CL Bible (BSI)

¹⁴ Jumonü Ashe-lominü alü künde kamdo tüsho amün münchi hode khimshuhlah; Jirusalem mükheahmudurü, boto tüsho anihbe lung asühakorü alala yükichoh.

ISAIA 5:14 Iomraidhean Croise

MUNGSHIKHÜN 49:14

Namfimihnu nangde ashepü arü akhua lah; ashekhinü arü aheangbah; alungkirünü arü kheak yapsu yakzan shuhbah; arü pangbo ju arü lapung chingnü limshude alakhi kiuyuk ching shuh-a bahbah.

MUNGSHIKHÜN 55:15

Ashepünü arü tholoshang; arübo arhangnü Ashe-lomi ching yüshang, tümüde mihbukmuyuk arü lapungbo tüsho arü bolung ching lah.

MÜCHITMUDU 1:12

isanü arübo arhangnü Ashe-lomi nangde tüsho alokhün ching abümnü yüzahrü nangde muyuanü;

MÜCHITMUDU 27:20

Ashekhi tüsho Athsümünim küyimkishe mümi; junangde mihtsürü mükbo küyimkishe reangmükeam.

MÜCHITMUDU 30:16

Ashe-lomi, aniungyüh liberü, küyimkishe kemürikhi lo, müphimütkhukde atakkhi mo.

ISAIA 14:11

Nü yo akinashu tüsho nü bingshang düsheakbo Ashe-lomi ching hande yüzahdo; musobo ju abukkhüp nü yapkiu ah, tüsho aribo ju nü muhiudobe ah.’

ISAIA 14:9

“ Nü arüchoki shorupü abukkhüp lakhi Ashe-lomi rhumusua lah; nü shorupü mebo asürüchoh, sherübo alala alomi limberübo lakhea; trükshih kiulongthsürü mebo alala arü kiulongthsü-binkiu kheaknü asürüchoh.

ISAIA 21:4

I lümkhi heanchoh, atrebenü I müyinsahshihdo; inü mürheangde alakhi shuhyini I thsungkheaknü ajanpü kamdo.

ISAIA 24:8

Züpzüppü düsheak kheamdo, asühachihkhi düsheak tuklodo, bingkhung kingkhi düsheak tuklodo.

ISAIA 30:33

Tümüde adüsonü Asiria kiulongthsüpuh takpü dangpung tsanglunga lah; atakpung ju asük tüsho aküngküng, mo tüsho atakbe-sang suhdahlah, ju takkihpü Atungpuh sheak motru ayung nangde thsükhitchoh.

EZEKIEL 7:12

Kim arüdo, nimung khiungdo. Athulorü dasühachihshih yungsho ayinrü dülungrishih, tümüde mulong zhipzhip ju alomi athrünkhi kheak lah.

DANIEL 5:30

Ju tsüngrenü Kaldea kiulongthsüpuh Belshazzar ju laksah.

NAHUM 1:10

Arübo ayangbo nangde thrukrama lah, amüshangrü nangde arübo müshanga lah; arübo amukuh sünit nangde aniua lah.

HABAKKUK 2:5

Judüalalashe, yukhunü api thsungyukchoh; api bukmüke tüsho keamramde müla. Tümütüsho apinü Ashe-lomi nangde yihnelunelah; Ashekhi nangde küyimkishe api musuhdah. Apinü nihbuh thsungkheak trükshih alala bemukhungchoh, tüsho arü yo thsüpü mihtsürü alala kitmukhungchoh.

MATHI 7:13

“Chipimurung amütsümbe chingnü yüzahang; tümüde chipimurung aküngküng tüsho amülih ju adükheakbe lim bekhi lah tüsho ju chingnü ayüzahrü hihlah.

LUKNÜ ATHRÜTKHI THIYUSHEAK-ATSÜ HUHTANYU 17:27

Arünü Noanü sangkung ching yüzahkhi, tüsho keking arübah arü alala müdükheakyi khiungde tsühyung, niuberübo lu, arübo rhangshih.

LUKNÜ ATHRÜTKHI THIYUSHEAK-ATSÜ HUHTANYU 21:34

“Tüshe nüsa kurhangang, jude yungsho aniojikhi, müshangmuru, ha rhangdung mulong sansannü nüsa mulong mülangrüpdo alabah, tüsho ju nimung nüsa phuhpü müthsübitde arübah.