ISAIA 49:8 - AMÜSÜH HÜM CL Bible (BSI)

⁸ Atungpuhnü ha thachoh: Amulongkhi kim khülang ching inü nü ki alojihdo, akhümkhit nimung khülang ching inü nü rungdo; inü nü kümde zodo tüsho nü tangzüng khülang nangde lomi laloshihpü, thsümünima lakhi yamrüplurüp arünü alushihpü mihtsürübo kilim jihdo;

ISAIA 49:8 Iomraidhean Croise

2 SAMUEL 7:13

Apinü I mung thsungkheaknü thüyam khülang thsübah, tüsho inü api kiulongthsü-binkiu lün thsungkheak thsakhamjihbah.

MUNGSHIKHÜN 2:8

I ki kheangang, tüsho inü trükshihbo nü yamrüplurüp, tüsho alomi athrünkhi nü yamalo thsüshihbah.

MUNGSHIKHÜN 69:13

Tüshe I a, nünü amulongkhi kim ching I tamkhüntamnü nü kilim lah, O Atungpuh ; O Thrünpuh, nü amüthsüm todakkhi ching, nü thiyuro akhümkhit ching I ki anijang.

MUNGSHIKHÜN 75:3

Alomi tüsho ju ching lakhi alala niukrua lah; inü dungjingbo düküngde khimlah.

ISAIA 26:3

Sherü lümkhi dükünglanü nünü mungtsü ching zochoh– tümütüsho arünü nü kheak kinchoh.

ISAIA 27:3

I Atungpuhnü ha neakchoh; kim abande inü ke duhchoh. Inü azhing ayin aheangchoh, junangde shenü müthsümünim;

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 42:6

I Atungpuh , inü thiyuro-lungki ching jikheah, nü I khahnü bea lu tüsho zo; inü nü mihtsürübo kilim tangzüng khülang, trükshihbo kilim ayin nangde jih,

ISAIA 44:26

shepünü api yamlarü yu mütsanmükhishih, tüsho api yunithsürünü müchitkhi dünjishih; shepünü Jirusalem dünkheak tha, “Ha ching mihtsürü labah,” tüsho Juda kiutobo dünkheak, “Arübo athsülobah, tüsho inü arü athsümünimkhi yihmusubah;”

ISAIA 49:19

Tsükjide nü yo athsümünimkhi tüsho zhikrangkhündo alakhi dangpungbo, tüsho abahkhitkhi nü lomi tsükjide kheakü lapü larü thsungkheak mathsangde alabah, tüsho nü muyurübo limshude alabah.

ISAIA 51:16

Inü nü mün ching I yubo yukjihdo, tüsho I khah me khüp nü jikshihdo, thüningbo jashihde tüsho alomi khimtande, tüsho Zion ki tha, “ Nü I mihtsürü ah.”

ISAIA 51:3

Tümüde Atungpuhnü Zion mulong shukheambah; apinü anihbe yo thsümünimkhi dangpungbo alala shukheambah, tüsho anihbe sunglo ju Eden nangde kamshihbah, anihbe loshelo ju Atungpuh shahwün nangde kamshihbah; asühachih tüsho asühkhi anihbe kheak labah, makshe jihkhi tüsho khün düsheak labah.

ISAIA 54:3

Tümüde nü tsülim tüsho huzulim bude ayübah, tüsho nü tsühsoniusobonü trükshihbo lubah tüsho abahkhitkhi kiutobo ching labah.

ISAIA 55:6

Api ngüpü lachoki Atungpuh yimang, api thüninde lachoki api ki jiang;

ISAIA 57:13

Küyimki nünü azhibanü, nünü akümukhungkhi sangthsübonü nü bekhitshang! Apungnü arü yünde atsobah, sheak khülangnü arü yünde atsobah. Tüshe sherünü I kheak tsoyukbanü alomi lubah tüsho I yo amüsüh awung yamrüplurüp lubah.

ISAIA 58:12

Nü yo adüso thsümünimkhibo thsülobah; nünü lün ahihdo yo khimtanbo khimbah; nü ju azhakkhi thsülorü de ajibah, lapung kiudunglimrobo thsülorü labah.

ISAIA 58:5

Inü mokhitkhi khümkeak ha, nihbuh azhihayihpü nimung yung de? Sangrung nangde aku koyupü, tüsho shungliukhim le awah ching yapbea de? Nünü ha Atungpuhnü leangkhikhukbe nimung, khümkeak ah de ajiba de?

ISAIA 61:2

Atungpuh mulongkhi kam zhiyukpü, tüsho isa Thrünpuh royimkhi nimung zhiyukpü; tüzhode alarü alala shukheampü;

ISAIA 61:4

Adüso thsümünimkhibo arünü athsülobah, akhuhlim thsünimthsüshikhi arünü shuhmusulobah; lün ahihdo ching thsümünimkhi kiuto arünü athsülobah.

ISAIA 65:9

Inü Jakob kheaknü tsühsoniuso, tüsho I wungbo yamrüplurüp lurü Juda chingnü handarübah; inü mokhitkhinü ju yamrüplurüp lubah, tüsho I yamlarübo ju ching labah.

MATHI 26:28

Tümüde ha aso tangzüngkhi, ahihkhüh neak bahjihpü bukkhi I thiyih ah.

2 KORINT 6:2

Tümüde apinü thachoh, “Aleangkhipü kim ching inü nüsa ki anido, tüsho akhümkhit nimung ching nüsa rungdo.” Kheahang, kheakü aleangkhipü kim ah; kheahang, kheakü akhümkhitpü nimung ah.

EFISIA 1:6

ju apinü muzhodakbuh lung isa kheak akeangnü ajihkhi api müretahkhi amüthsüm shijihpü lakheah.

IBRI 12:24

tüsho aso tangzüng limburü Jisu kilim, tüsho Abel thiyih kheaknü alü muzhode athakhi arhakkihkhi thiyih kilim.

IBRI 5:7

Jisunü api rhangdung lachoki achangnü zhide tüsho chike bukde api khümkhitkhukpü labuh ki tamkhüntamnüde amushukhibo lakheah, tüsho apinü wüntre lade amushukhinü api ki sojih.

IBRI 8:6

Tüshe api tangzüng yo limburü thsükhi awünbe kheaknü atobe lakhi nangde Jisunü aleangkhikhi tankihpü ju arü yo kheaknü atobe ah, tüsho ju alokhikhibo atsübe kheak ningkihlah.