ISAIA 49:7 - AMÜSÜH HÜM CL Bible (BSI)

⁷ Atungpuhnü ha thachoh, Israel Rhokhitrü tüsho api Amüsüh Khülang, sükde jingmükhea lakhi kilim trükshihbonü athraneankhi, yakzanshuhrü yo azhorü, “ Kiulongthsürübonü angübah tüsho wusurübah, yakzanshuhrübonü angübah tüsho arünü amükhümbah, tümütüsho Atungpuh hode shepü athülün la, Israel Amüsüh Thrünpuh shepünü nü mokhitkhea.”

ISAIA 49:7 Iomraidhean Croise

THRÜNTAN 27:29

Mihtsürübonü nü tankihshang, tüsho trükshihbonü nü ki mükhümshang. Nü keoniorü alala kurungkheak aputungrü thsang, tüsho nü be tsührübonü nü ki mükhümshang. Nü athrurü muthrumüneanshang, tüsho nü müngühjihrü müngühshang!”

MUNGSHIKHÜN 47:9

Abraham Thrünpuh mihtsürü yakzanshuhrübo rukhüh mukhunga lah. Tümüde alomi tsungbo ju Thrünpuh yo; api changde shuhkih-a lah.

MUNGSHIKHÜN 68:31

Limberübo Ijip chingnü akhiukbah; Ethiopianü nahde anihbe khahbo Thrünpuh kilim chungkihbah.

MUNGSHIKHÜN 69:19

Nünü I mükhemükim, I achih, tüsho I wüntre müjihkhi mükheahlah; I azhihrübo alala nü miki lah.

ISAIA 14:1

Tüshe Atungpuhnü Jakob kheak mihmüthsüm labah tüsho kheaküshe Israel mokhitbah, tüsho arü lomi ching lashihbah; khiungkerünü arü lung arihbah tüsho arünü Jakob yamkhün lung labah.

ISAIA 19:21

Atungpuhnü anihbuh Ijiprü ki mükheahshihbah; tüsho ju nimung Ijiprünü Atungpuh mükheahbah, tüsho shuhmülanga jihde taka kingaünbah, tüsho arünü Atungpuh ki thiyuchihchimbah tüsho jurü rhimobah.

ISAIA 19:23

Ju nimung Ijip chingnü Asiria khiungde limto khülang labah, tüsho Asiriarünü Ijip ching arübah, tüsho Ijiprünü Asiria ching yübah, tüsho Ijiprünü Asiriarü lungnü kingaünbah.

ISAIA 27:13

Tüsho ju nimung Asiria tüsho Ijip ching larü Israelrü ramtsorü alala jilopü hulipungpung mütbah. Arünü arübah tüsho Jirusalem ching amüsüh wung kheak Atungpuh kingaünbah.

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 48:17

I Atungpuhnü ha thachoh, nü Rhokhitrü, Amüsüh Israel Thrünpuh: shepünü nü tsüpü thsungkheak thsangyucho, shepünü nü yüpü lakhi limro ching nü becho, I Atungpuh nü Thrünpuh.

ISAIA 48:7

Arübo kheakü thrünkheah, adüsonü yung; khihni müngüh kheak nünü küyimkishe arü muso, junangde nünü müthakhuk, “ Inü arübo mükheah-a lakheah.”

ISAIA 49:1

I ki aniang, O keyean lobo, tsüde aniang, nüsa limshu mihtsürübo! müzübechokinü Atungpuhnü I jikheah, I be nuyam ching lachoki apinü I mung jijihkheah.

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

ISAIA 49:26

Inü nü junorübo ki arü shih tsühloshihbah, tüsho arü thiyihnü yukhunü nangde amüshangbah. Judüki mihtsürü alalanü I Atungpuh nüsa Khümkhitrü tüsho nüsa Rhokhitrü, Jakob yo Wuto Khülang de amükheahbah.”

ISAIA 50:6

Inü I shikrü kilim I düthsün jih, tüsho mükhühnam rukrü kilim I ngobo jih; inü mükhemükim tüsho mükeke mukhiukkhi chingnü I miro müjik.

ISAIA 52:15

Junangde apinü trükshih ahihdo müyinnimshihbah; api dünkheaknü kiulongthsürübo arü mün yihdobah; tümütüsho arü ki müthakhi arünü angübah, tüsho arünü musokhi anikhitbah.

ISAIA 53:3

Api ju mihtsürübonü mükhemükim tüsho bahyuk; mulong tukthsü mihtsürü tüsho thsünümih lakheah; tüshe mihtsürübonü api kheaknü miro ramabah, api mükhemükim thsü, tüsho isanü api mükheyuk.

ISAIA 60:10

Khiungkerübonü nü chipibo thsüjihbah, tüsho arü kiulongthsürübonü nü tankihbah; tümüde I bukakhiukkhi ching inü nü kingmülün, tüshe I mung chingnü nü kheak I amüthsüm lakheah.

ISAIA 60:16

Nünü trükshihbo kheaknü niuhke dukbah, nünü kiulongthsürübo niuh dukbah; tüsho I Atungpuh , nü Khümkhitbuh tüsho nü Rhokhitrü, Jakob yo Wuto Khülang ah de nünü amükheahbah.

ISAIA 60:3

Trükshihbonü nü yo ayin lim arübah, tüsho khiungkerübonü nü yo yapsu ayinatrüm lim arübah.

ISAIA 66:23

Khinu aso tüsho amunimung aban, mihtsürü alalanü I miki kingaünpü arübah, Atungpuhnü thachoh.

ZEKARIA 11:8

Khinu khülang ching inü namfimihnu neakrü mahsam yankhita bahchoh, tümüde arü kheak inü marümkhukde kamdo, tüsho arünü she I mükheahne.

MATHI 20:28

Mihtsürü Tsührü she tankihshihpü yung tüshe tankihpü tüsho ahihdo rhokhitpü api rhangdung jihpü arükheah!”

MATHI 26:67

Judüki arünü api amiro kheak mukhiukkih tüsho lak; tüsho püpürünü arü khah zhimpungbah api shik,

LUKNÜ ATHRÜTKHI THIYUSHEAK-ATSÜ HUHTANYU 22:27

Shepü atobe a, dükhüm ki binbuh a shi ahiuhakhipbuh a? Dükhüm ki binbuh yung de? Tütüshe I a nüsa lung ahiuhakhipbuh nangde lah.

LUKNÜ ATHRÜTKHI THIYUSHEAK-ATSÜ HUHTANYU 23:18

Tüsho arü alalanü zhide tha, “Ha mihtsürü laksahang, tüsho isa kilim Baraba dükheang”–

LUKNÜ ATHRÜTKHI THIYUSHEAK-ATSÜ HUHTANYU 23:23

Tüshe arünü thsokihde düsheak achangnü api yümkihpü tha. Tüsho harü mihtsürübo le amükeam putungrübo düsheaknü kukabah.

LUKNÜ ATHRÜTKHI THIYUSHEAK-ATSÜ HUHTANYU 23:35

Tüsho mihtsürübonü kheahde zhip. Tüshe yakzanshuhrübonü she luhmünede tha, “Apinü mührü khümkhitdo; api Thrünpuhnü amokhitkhi Khrista a sho aküdah thsüde khümkhitshang.”

JOHAN 18:40

Judüki arü alalanü zhide tha, “Ha mihtsürü yung, tüshe Baraba!” Kheakü Baraba ju jangkhijangrarü lakheah.

JOHAN 19:15

Tüshe arünü zhi, “Api sheshang, api sheshang! Api yümkihang!” Pilatnü arü ki tha, “Inü nüsa kiulongthsüpuh yümkihba shi?” Amükeam putungrübonü alo, “Kaesar kheak hode isa kiulongthsürü müla!”

JOHAN 19:6

Jumonü küyimki amükeam putungrü tüsho atorübonü api ngükhea, arünü zhide tha, “Api yümkihang, api yümkihang!” Pilatnü arü ki tha, “Nüsanü api lubah yümkihang, tümüde inü api kheak amülim tümü müyimkhit.”

1 KORINT 1:9

Api tsührü isa Atungpuh Jisu Khrista arihako ching nüsa jikhi Thrünpuh ju thiyuro ah.

YUZÜNGTHALO 7:9

Jumonü Atungpuh nüsa Thrünpuh ju Thrünpuh, thiyuronü tangzüngkhi tüsho amüthsüm chithürü lünbo ching, sherünü api muzhocho tüsho thiyukhüm anirü kheak thiyuro Thrünpuh ah de mükheahang;

1 PETER 2:4

Mihtsürünü abahyukkhi tüshe Thrünpuhnü amokhitkhi tüsho api ki shoto lakhi arhang lung kilim arang;

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 3:7

“Tüsho Philadelphia ching borü yunirü kilim thrütang: ‘Amüsüh tüsho thiyuro, David yo amükhipbe shuhbuh yubo. Apinü tümü khimshuhchonü shenü mürihkhuk, tüsho apinü tümü rihchonü shenü mükhimshuhkhuk.