ISAIA 49:4 - AMÜSÜH HÜM CL Bible (BSI)

⁴ Tüshe inü tha, “ I akeangkeang ching rhimodo, tümü mülakhi tüsho akeangkeang ching I sühmüh bahdo; tüshe I ngüpü lakhi Atungpuh lung lah, I thsambah I Thrünpuh lung lah.”

ISAIA 49:4 Iomraidhean Croise

1 KIULONG THSÜRÜ 19:10

Apinü alo, “Wuto Thrünpuh, Atungpuh thsungkheak I khide künsahde alakheah; tümüde Israelrünü nünü tangzüngkhi bahyukbah nü kingaün sadam lukkheamdo, tüsho nü yo wukihrübo nukshangnü laksahkhamdo. I lang aninga lah, tüsho arünü I laksahpü yimchoh.”

MÜCHITMUDU 29:26

Ahihkhühnü yakzanshuhrü amuzho yimchoh, tüshe mihtsürü thsungkheak thiyuro ju Atungpuh kilimnü ngüchoh.

ISAIA 25:1

O Atungpuh , nü I Thrünpuh ah; inü nü shuhkihbah, inü nü mung shibah; tümüde nünü adüsonü lüma zokhi thülünde tüsho tsükjide amüyinsahbe rhimodo.

ISAIA 35:4

Mulong ajande alarü ki thaang, “ Reangzahang, dütre! Ha ching nüsa Thrünpuh lah. Apinü atrebe thsüde athrihlopü royimjihpü arübah. Api arübah tüsho nüsa khümkhitbah.”

ISAIA 40:10

Kheahang, Atungpuh nüsa Thrünpuh wulade arüchoh, tüsho api binnü api thsungkheak yakzan shuhchoh; api thsambah api lung lah tüsho apinü bekhitkhi api müngüh lah.

ISAIA 40:27

Tümüde nünü thacho, O Jakob, tüsho asukcho, O Israel, “ I limro Atungpuh kheaknü jika lah, tüsho I alim Thrünpuhnü mümükheahjih?”

ISAIA 57:21

Ju ching mihbukmuyuk thsungkheak mungtsü müla, I Thrünpuhnü thachoh.

ISAIA 59:18

Arü rhimobo yande apinü ju ruk jihlobah; api azhihrübo kilim bukakhiukbah, api riribo kilim athrihlobah; keyean lomibo ching apinü athrihlobah.

ISAIA 61:10

Inü Atungpuh lung tode asühachihbah, I menü I Thrünpuh lung asühbah; tümüde apinü akhümkhit khimmih I kheak phuyujih, apinü thiyuro-lungki shulünkhimnü, yamkhün-kambuhnü sangbün laknü züt thsükhi nangde, tüsho arhangberünü zülubonü züt thsükhi nangde I muhiudojih.

ISAIA 62:11

Atungpuhnü alomi akheam khiungde zhiyukdo: Zion tsührübe ki thaang, “ Kheahang, nü khümkhitbuh arado; api thsambah anihbuh lung lah tüsho apinü bekhitrü api müngüh belah.”

ISAIA 65:2

Inü nimung amuyung mihtsürü azhihrü kilim I khah chungkih, shepü limro amütsü ching nihbuh lümkhi yande tsahcho;

ISAIA 65:23

Arünü akeangkeang ching mürhimo, yungsho thsümütsü thsungkheak tsührü müzübe; tümüde arübo Atungpuhnü müngühjihkhi münü labah, tüsho arü tsühsoniusobo she ju ruk labah.

EZEKIEL 3:19

Tüshe nünü mihbukmuyuk mihtsürü ki düh de thasho, tüsho apinü anihbuh mihbukmuyuk tüsho amütsü limrobo chingnü murholosho, nihbuh neak dün api shebah; tüshe nü a akhümkhitbah.

LEVI 26:20

Nüsa sühmüh akeangkeang ching bahbah, tümütüsho nüsa lonü hi makhiukshih tüsho sangdungbonü aso masojih.

MATHI 17:17

Jisunü alo, “O akin mülakhi tüsho lakshi lün, külokhüh I nüsa lung laba? Tüsho inü nüsa lung külokhüh arümkheamba? Api I kilim ha ching bede arang.”

MATHI 23:37

“O Jirusalem, Jirusalem, shepünü wukihrübo laksah tüsho anihbe kilim yüshihrü lungnü rusahkhea! Thunu dretonü ajipjipbo aghidükeang khüp bemukhungkhi nangde, küdükhüh ki lang inü nü tsührübo bemukhungpü künkhea, tüshe nünü mümulong!

LUKNÜ ATHRÜTKHI THIYUSHEAK-ATSÜ HUHTANYU 24:26

Khristanü harü thsünübah api müretahkhi ching müyüzahbea de?”

JOHAN 1:11

Api nihbuh lomi lim arü, tüshe nihbuh mihtsürünü api müleangkhi.

ROMRÜ KILIM PAULNÜ ATHRÜTKHI KIHÜM HUHTANYU 10:21

Tüshe Israel dünkheak apinü thachoh, “Mihyumanirü tüsho azhih mihtsürü kilim inü nimung amuyung I khah chungkih.”

2 KORINT 12:15

Nüsa me thsungkheaknü inü asühde bahzübahdobah tüsho I she shuhmülanga jihbah. Inü nüsa khide muzhosho, I a nükde amuzhoba de?

2 KORINT 2:15

Tümüde isa ju akhümkhitrü tüsho adükheakrü bolung Thrünpuh kilim Khrista yo arhümthüneabe nangde lah.

GALATIA 4:11

Nüsa thsungkheak I akeangkeang ching rhimoa lashi de I mulong sansanlah.

FILIPI 2:16

rhangdung yu kheak düngde aramrihbah, junangde Khrista nimung ching I akeangkeang ching malih yungsho akeangkeang ching mükhisah de inü akükheangbah.

IBRI 12:2

Isanü isa akin putungpuh tüsho khiukchimshihbuh Jisu kheak mük kheahkihanü. Api müngüh asühpü lakhi hode sangkim kheak shepü mungchih ah de mülüm, tüsho kheakü Thrünpuh kiulongthsübinkiu tsülim binlah.