ISAIA 49:2 - AMÜSÜH HÜM CL Bible (BSI)

² Apinü I mün nukshang ayuk nangde kamshih, api khah alamme ching I jika zo; apinü I ananshahshah hühzo khülang kamshih, api hühzopung ching I jika zo.

ISAIA 49:2 Iomraidhean Croise

MUNGSHIKHÜN 91:1

Shepü Khide Achang ajik dangpung ching lachonü Wuto alamme khüp labah.

ABEKHIT 33:22

Küyimki I müretahkhi hobanü, inü nü lungkhün ching yüzahshihbah, tüsho I muhoyi khiungde I khahnü ahümdobah.

ISAIA 11:4

tüshe thiyuro lungkinü apinü zhochihrü mahkhapbah tüsho alomi ching azhihayihrü thsungkheak alungkinü khikzhakbah; apinü api mün tsonü alomi shikbah, tüsho amün sheaknü apinü mihbukmuyuk laksahbah.

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 50:10

Nüsa bolung shepünü Atungpuh trecho tüsho api yamlarü düsheak anicho, shepünü amiting ching tsahcho tüsho ayin müla, tütüshe Atungpuh mung ching kincho tüsho api Thrünpuh kheak düthsün angücho?

ISAIA 50:4

Atungpuh Thrünpuhnü I kilim thsangyupü mulo khülang jih, junangde inü keaksahrü thiyu khülangnü reangzahshihpü mükheahbah. Yapsu aban apinü I yihmusuchoh– khürükhüh thsangyukhi anipü nangde I nükhün dukoshih.

ISAIA 51:16

Inü nü mün ching I yubo yukjihdo, tüsho I khah me khüp nü jikshihdo, thüningbo jashihde tüsho alomi khimtande, tüsho Zion ki tha, “ Nü I mihtsürü ah.”

JEREMIA 1:18

Tüsho kheahang, khihni inü nü kilim chipi ayünkhi kiuto, yinchi dungjing, müwayinchi rhü, lomi alala azhihde– Juda kiulongthsürübo, yakzanshuhrübo, amükeamrübo tüsho lomi mihtsürü azhihde thsüjihdo.

HOSEA 6:5

Jumonü inü arübo wukihrübo hode lipshaka bahshih, I yubo hode inü arü laksah, tüsho I mahkhapkhi tsün nangde mikhuh yüchoh.

HABAKKUK 3:11

Nü hühzobo phürapkhi ching, nü thsüh rakrakkhi ching, ani tüsho khinu thüningbo ching zhikde zhip.

LUKNÜ ATHRÜTKHI THIYUSHEAK-ATSÜ HUHTANYU 23:46

Jisunü düsheak achangnü zhide tha, “Abuh, nü khah ching I me zojihchoh.” Tüsho ha thabah api sheak kheamabah.

EFISIA 6:17

Akhümkhit kuthran luang, tüsho küpü Thrünpuh yu lanü, Me nukshang luang.

IBRI 4:12

Tümüde Thrünpuh yu ju arhang tüsho adukathri, khülim khülim ahüyuk nukshang kheaknü ayukbe, rhangdung le me chamnakkhi tüsho amüchinbo le khiuk khiungde achinkhitkhi, tüsho lümkhibo le mulong ching lümkhibo mütsankhitbe lah.

AMIKHEAKAKHIUKKHI 1:16

api khah tsülim apinü chining thüne shuh, amün chingnü nukshang khülang khülim khülim ahüyuk akhiuk, tüsho api miro ju ani müzhakde athsahkhi nangde alakheah.

AMIKHEAKAKHIUKKHI 19:15

Amün chingnü trükshihbo kiumülünpü nukshang ayuk khülang akhiukshihchoh, tüsho yinchi tsonü apinü arü yakzan shuhbah; apinü Wuto Thrünpuh bukakhiukkhi kurungaso nitpung ching nitchoh.

AMIKHEAKAKHIUKKHI 2:12

“Tüsho Pergamum ching borü yunirü ki thrütang: ‘Khülim khülim ahüyuk nukshang labuh yubo.

AMIKHEAKAKHIUKKHI 2:16

Jumonü mulong müthriang. Jude yungsho, I nü kilim arübah tüsho I mün chingnü akhiukkhi nukshangnü arü azhihde thirithsübah.