ISAIA 49:17 - AMÜSÜH HÜM CL Bible (BSI)

¹⁷ Nü tsührübo athride arado, tüsho sherünü thsümünima yapshihkheanü nü kheaknü tsoabahdo.

ISAIA 49:17 Iomraidhean Croise

EZRA 1:5

Junangde Juda tüsho Benjamin trük chingnü gukbo aban ching azothsürübo, amükeamrübo, Levirübo tüsho sherü Thrünpuh nü ayüpü mulong athsungkheanü arübo Jirusalem ching arüngyam thsülopü tsahmusu.

NEHEMIA 2:17

Tüshe inü arü ki tha, “ Kheahang isa küdükhüh thsünükhi ching la, tümüde Jirusalem thsümünima lah tüsho chipiripitbo monü taka lah! Arang, isanü Jirusalem chipi thsüloanü, ju hode isa kheak mihmüthsüm mülakhi arün thsüshihanü.”

MUNGSHIKHÜN 137:3

Tümüde isa ramde ayürünü isa ki khün thsüpü tha, isa yankhia lurünü isa ki asühkhi khün thsüpü tha, “Isa ki Zion khün khülang thsang!”

ISAIA 10:6

Thrünpuh mümükheahkhi trükshih azhihde inü api yüshih tüsho I bukakhiukkhi mihtsürü azhihde inü api ki thiyukhüm jih, kukruk yankhia lupü tüsho ahühpü, tüsho kiudunglimro akhimniuhniuh nangde arü kheak jungpü lah.

ISAIA 37:18

Tsükjide, O Atungpuh , Asiria kiulongthsüpuhnü trükshih alala tüsho arü lomibo thsümünima yapshihlah,

ISAIA 49:19

Tsükjide nü yo athsümünimkhi tüsho zhikrangkhündo alakhi dangpungbo, tüsho abahkhitkhi nü lomi tsükjide kheakü lapü larü thsungkheak mathsangde alabah, tüsho nü muyurübo limshude alabah.

ISAIA 51:13

Nünü nü Thrünrü, thüningbo jashihkhi tüsho alomi khimtanbuh Atungpuh mihdo. Nü mutuklode nimungroro ajunorü bukakhiukkhi hode trechoh, shepü athsümünimpü mükhüma la. Tüshe ajunorü bukakhiukkhi kükheak la?

ISAIA 60:4

Nü mükbo züngkihang tüsho mükamde kheahang; arü alala rukhüh mukhungchoh, arübo nü kilim arüchoh; nü tsührübo limshu chingnü arübah, tüsho nü tsührübebo arü mütrürü bin kheak shuhbah.

ISAIA 62:5

Athrününgtsüng khülangnü anünürü kheak yamkhün kamkhi nangde nü thrünrünü nü ki rhangbah, tüsho yamkhün-kambuhnü yamkhün-kambe kheak asühachihkhi nangde, nü Thrünpuhnü nü kheak asühachihbah.

EZEKIEL 28:24

Israel yamkhünnü kheaküa amükeakbe khingphu yungsho achinkhitbe ayang arü bahyukde arhimorü arü yamhingrü bolung müngü. Tüsho I Atungpuh de arünü mükheahbah.

EZEKIEL 36:10

tüsho inü nüsa kheak mihtsürübo wüh bushihbah, Israel yamkhün athrünkhi lashihbah; kiutobo ching lalobah tüsho athsümünimkhi dangpungbo thsülobah;