ISAIA 49:12 - AMÜSÜH HÜM CL Bible (BSI)

¹² Kheahang, harü limshu chingnü arübah, tüsho kheahang, harü dukulim tüsho aniyüzahlimnü, tüsho Sinim lomi chingnü arübah.

ISAIA 49:12 Iomraidhean Croise

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MUNGSHIKHÜN 72:17

Api mung lünnü alabah; ani la khiungde api mung mutuklode alabah. Tüsho mihtsürübo api lung müngühmühibah; trükshih alalanü api ki müngühmühi de ajibah.

ISAIA 11:12

Apinü trükshihbo thsungkheak amütsan riphin khülang shuhkihbah, tüsho müzüta lakhi Israel tüsho hiumüzüta lakhi Juda alomi mühit phüyi chingnü bemukhungbah.

ISAIA 45:22

I kilim rholoang tüsho khümkhitang, alomi alala akheambo! Tümüde I Thrünpuh ah, tüsho püpü müla.

ISAIA 49:1

I ki aniang, O keyean lobo, tsüde aniang, nüsa limshu mihtsürübo! müzübechokinü Atungpuhnü I jikheah, I be nuyam ching lachoki apinü I mung jijihkheah.

ISAIA 49:18

Nü mük züngkihang tüsho mühide kheahang; arü alala mukhungchoh, arübo nü kilim arüchoh. I lale, Atungpuhnü thachoh, zülu nangde arü alala nünü ayihbah, tüsho arhangberü nangde nünü arü yihbah.

ISAIA 55:5

Kheahang, nünü mümükheahkhi trükshihbo nünü ajibah, tüsho nü mümükheahkhi trükshihbonü, Atungpuh , nü Thrünpuh, Israel Amüsüh Thrünpuh dünkheaknü nü kilim arübah; tümüde apinü nü müretahshih.

ISAIA 59:19

Jumonü aniyüzahlim Atungpuh mung trebah, tüsho aniakhiuklimrünü api müretahkhi trebah; tümüde ke bukkhi nangde api arübah, junangde Atungpuh pung yünbah.

ISAIA 60:4

Nü mükbo züngkihang tüsho mükamde kheahang; arü alala rukhüh mukhungchoh, arübo nü kilim arüchoh; nü tsührübo limshu chingnü arübah, tüsho nü tsührübebo arü mütrürü bin kheak shuhbah.

JEREMIA 30:10

Tüshe nü thsungkheak a, dütre, I yamlarü Jakob, Atungpuhnü thachoh, tüsho mulong dübah, O Israel; tümüde inü nü limshu chingnü akhümkhitbah, tüsho nü tsührübo arübo ramde ayükhi lomi chingnü akhümkhitbah. Jakob alodarübah tüsho mungtsü le keamramkhi labah, tüshe shenü api mümüyinsahshih.

MIKA 4:2

tüsho trükshih ahihdonü arübah tüsho athabah: “Arang, isanü Atungpuh müzüng, Jakob Thrünpuh yam ching wutuanü; junangde apinü isa ki api limrobo thsangyubah tüsho isanü api tsahpungbo ching tsahbah.” Tümüde Zion chingnü thsangdankhi, tüsho Jirusalem chingnü Atungpuh yu mikhuh ching yübah.

ZEKARIA 2:11

Trükshih ahihdonü ju nimung Atungpuh lung bebah, tüsho I mihtsürü thsübah; tüsho I nüsa bolung labah. Tüsho Wuto Atungpuhnü I nüsa kilim thiyido de nüsanü mükheahbah.

ZEKARIA 6:15

Sherübo limshude lanü arübah tüsho Atungpuh yam thsüpü rungbah; tüsho Wuto Atungpuhnü I ju nü kilim thiyikheah de nünü amükheahbah. Nünü düshihde Atungpuh nü Thrünpuh yu anisho ha adünjibah.

MATHI 8:11

Tüsho aniakhiuklim le aniyüzahlimnü ahihdo arübah yinmi kiulongthsü ching Abraham, Isak, tüsho Jakob ki binbah de inü nüsa ki thachoh.

LUKNÜ ATHRÜTKHI THIYUSHEAK-ATSÜ HUHTANYU 13:29

Mihtsürübo aniakhiuklim le aniyüzahlim, dukulim le düjinglimnü arübah tüsho Thrünpuh kiulongthsü ching binbah.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 7:9

Ha dunglim inü kheah, tüsho mihtsürü shenü akhepü mukukkhi, trükshih aban, trük alala, mihtsürü tüsho thiyutha aban chingnü, shulünkhimbo amüye yihbah, arü khahbo ching ashisang düchibo shuhbah kiulongthsü-binkiu miki zhipde alakheah,