ISAIA 48:4 - AMÜSÜH HÜM CL Bible (BSI)

⁴ Tümütüsho nü anihnih ah de inü mükheahlah, nü hung ju yinchi-süh ah tüsho nü kingkang ju khahrih-yinchi,

ISAIA 48:4 Iomraidhean Croise

2 KIULONG THSÜRÜ 17:14

Arü jipürünü Atungpuh arü Thrünpuh kheak mükinkhi nangde, arünü mani tüshe nihnihde la.

2 KIUTHSÜYUKHEAN 30:8

Nüsa jipürü nangde yihkhro düla, tüsho Atungpuh ki mihyuaniang tüsho apinü lün thsungkheak tsangkhitkhi api amüsüh dangpung ching arang, tüsho Atungpuh nüsa Thrünpuh tankihang, junangde api bukakhiukkhi amüshak nüsa kheaknü rholode atsobah.

2 KIUTHSÜYUKHEAN 36:13

Apinü Thrünpuh mung ching anihbuh ki thiyuchihchimshihkhi kiulongthsüpuh Nebukednezar kheak she azhih, apinü anihbuh hung chungthülang tüsho Atungpuh Israel Thrünpuh kilim rholopü api mulong müküpde kam.

NEHEMIA 9:28

Küyimki mungtsü alodarükhea, arünü neak yihbeaklo, tüsho nünü arübo arü riri khah ching jihabah. Judüalalashe küyimki mulong rholode arü khümkhitshihpü nü ki keokhea, kim kim ching, nünü yinmi chingnü so, nü amüthsüm ato ching arü khümkhit.

MUNGSHIKHÜN 75:5

Nü juh achang kheak düshuhkih; hung chungthülangde dasuk.’ ”

MUNGSHIKHÜN 78:8

Arübo arü jipürü anihnih tüsho azhihkhi lün arü mulong tüsho me Thrünpuh ki thiyuro mülakhi nangde mülade alabah.

ABEKHIT 32:9

Tüsho Atungpuhnü Mosa ki tha, “Inü ha mihtsürübo ngüdo, tüsho arübo anihnih mihtsürü ah.

ABEKHIT 33:3

Niuhke tüsho mukhuke bukkhi lomi ching wutuang; tüshe I a nüsa bolung matu, jude yungsho inü nüsa limro ching dükheakshihbah tümüde nüsa anihnih mihtsürü ah.”

ABEKHIT 33:5

Tümüde Atungpuhnü Mosa ki tha, Israelrü ki thaang, “Nüsa anihnih mihtsürü ah. I nüsa lung anükhüh kheak lang she yükhülaa, inü nüsa shahde adükheakshihbah. Kheakü nüsa zülubo yihkhitang, tüsho nüsa kheak tümü rhimobanü inü apungkhibah.”

ABEKHIT 9:7

Pharaonü yimakheahpü thiyia yüshih, tüsho Israelrü akam-shiwüh khülang she müshede alakheah. Tüshe Pharao mulong müküpde kam, tüsho apinü mihtsürübo müyüshih.

MÜCHITMUDU 29:1

Shepü alochode thsülangjihjih she mulong müküpchonü, müthsüngukhukpü thsüde zukleangnü athsümünimbah.

ISAIA 30:9

Tümüde arübo azhihrü mihtsürü, akin mülakhi tsührübo, Atungpuhnü thsangdankhi manipü lakhi tsührübo;

ISAIA 46:12

I ki aniang, nüsa mulong müküprü, nüsa sherü abekhitpü chingnü limshude la:

JEREMIA 19:15

Wuto Atungpuh , Israel Thrünpuhnü ha thachoh: Kheakü inü ha kiuto tüsho kiutobo kheak inü azhihde athakhi thsümütsü alala handarüchoh, tümütüsho arünü I yubo anipü reanglode arü hung chungthülangdo.

JEREMIA 3:3

Jumonü müngühmühi tsüngbo tholoabah, tüsho mükhean tsüngbo marü; nü a müzammüramrü miro ah, nünü machih.

JEREMIA 5:3

O Atungpuh , nü müknü thiyuro mükheahcho de? Nünü arü shik, tüshe arünü thsünükhi mümütsan; nünü arü muyuabah, tüshe arünü thsülangkhi lupü reanglo. Arünü arü miro lung kheaknü amürangbe kamshih; arünü arholopü thsunglo.

JEREMIA 7:26

tütüshe arünü I ki mani yungsho manguh, tüshe arü hungbo chungthülangde la. Arünü arü jipürü kheaknü amütsübe rhimodo.

EZEKIEL 2:4

Inü nü yüshihpung mihtsürü ju arhükrhük tüsho anihnih ah. Arü ki thaang, ‘ Wuto Atungpuh Thrünpuhnü ha thachoh.’

DANIEL 5:20

Tüshe küyimki api mulong müküpde tüsho kükheangde kamkhea, api kiulongthsü-binkiu kheaknü akishih tüsho api müretahkhi luabahjih.

YUNIRÜBO RHIMO 7:51

“Nüsa achungthülang mihtsürübo, mulong tüsho nükhün ching tsütamübahrü, nüsanü kamruhroro Amüsüh Me reanglochoh. Nüsa jipürübonü arhimokhi nangde nüsanü rhimochoh.

ROMRÜ KILIM PAULNÜ ATHRÜTKHI KIHÜM HUHTANYU 2:5

Tüshe nü nihnihkhi tüsho nü mulong müküpkhinü Thrünpuh bukakhiukkhi, api thiyuro-lungki mahkhap amikheak akhiuk nimung thsungkheak nü azhihde bukakhiukkhi zomukhungchoh.

YUZÜNGTHALO 10:16

Jumonü nüsa mulong tsütabahang, tüsho kheaküa nihnihde düla.

YUZÜNGTHALO 31:27

tümüde nüsanü azhihkhi tüsho yihkhrokhi inü mükheahlah. Khihni I nüsa lung lachokiyamnü nüsanü Atungpuh azhihde lado, dale I sheshu a küdükhüh laba?

IBRI 3:13

Tüshe neak rükakikhinü nüsa sheshe mulong mümüküpshihpü thsüde “Khihni” de ajikhi la khiungde nimung aban nüsa khülangnü khülang tuthsukachihang.