ISAIA 48:21 - AMÜSÜH HÜM CL Bible (BSI)

²¹ Apinü arübo loshelo behochoki arü kemüthüri; apinü arü thsungkheak lung chingnü ke bukshih; apinü lung peangrüp tüsho ke bukkhit.

ISAIA 48:21 Iomraidhean Croise

NEHEMIA 9:15

Arü khümde alachoki, nünü yinmi chingnü yikhap kip tüsho arü kethürichoki lung chingnü ke rhapkhita duh. Arü kilim jihpü alokhikhi lo mükühshihpü nünü arü ki tha.

NEHEMIA 9:20

Nü tsüyihkhi chingnü tümü rhimobeanü nünü arü ki tha; nünü arü mün chingnü manna mutuklojih tüsho ayungpü ke jih.

MUNGSHIKHÜN 105:41

Apinü lungto khimshuh, tüsho ke bukkhit; ayung nangde akung dangpungbo ching buk.

MUNGSHIKHÜN 74:15

Nünü kenü tüsho keking khimshuh; nünü ayung atobo ngahshih.

MUNGSHIKHÜN 78:15

Apinü sunglo ching lungtobo trüshih, tüsho ayungbo nangde suhdahde ayungpü jih.

MUNGSHIKHÜN 78:16

Apinü lungto chingnü yungzü akhiukshih, tüsho ayungbo nangde kebo bukshih.

MUNGSHIKHÜN 78:20

Kheahang, apinü lungto kheak rhap, junangde kebo bukkhit, tüsho yungzübo zhikhiukde buk. Apinü yikhap she ajihkhukba shi? Apinü mihtsürü thsungkheak shih jihkhukba shi?”

ABEKHIT 17:6

Kheahang, I nü müngüh Horeb kheak zhipbah; nünü lungto kheak rhapbah tüsho ke akhiukbah, junangde mihtsürübonü ayungbah.” Tüsho Israel azothsürübo mikinü Mosanü jude rhimo.

ISAIA 30:25

Tode alaksahkhi, aheangsadam lungkhi nimung ching awung mujuk tüsho awung achang kheak ke bukkhi ayungbo labah.

ISAIA 49:10

arü mükhüm yungsho kemüthüri yungsho apung atak yungsho aninü arü kheak mütak, tümüde shepünü arü kheak müthsümchonü arü bebah, tüsho ayung limpeang arü bebah.

JEREMIA 31:9

Tripde arübo arübah tüsho shukheamde inü arü belodarübah, inü arübo yungzü ke yeande atsahshihbah, limro mukhiungkhi ching arü jing mümükhe; tümüde I Israel abuh kamdo tüsho Ephraim ju I tsührü adüjibuh.

WÜHKHE 20:11

Jushu Mosanü akhah shuhkihbah atsonü lung kheak mahne ki rhap; tüsho ke suhdahde akhiuk, tüsho boto le arü shiwühbonü yung.