ISAIA 48:2 - AMÜSÜH HÜM CL Bible (BSI)

² Tümüde arünü amüsüh kiuto mihkhung ah de thachoh, tüsho Israel Thrünpuh kheak angükihchoh; shepü mung ju Wuto Atungpuh la.

ISAIA 48:2 Iomraidhean Croise

NEHEMIA 11:1

Limberübo Jirusalem ching la, tüsho mihtsürü püpürübo thürü ching khülang mokhitbah amüsüh Jirusalem kiuto ching lashihpü thsüde azan thsü, tüshe aningkhi shihcham tuku ju a püpü kiutobo ching la.

NEHEMIA 11:18

Levirü alalanü 284 amüsüh Jirusalem kiuto ching la.

MUNGSHIKHÜN 48:1

Atungpuh ju ato ah, tüsho isa Thrünpuh kiuto, api amüsüh wung kheak tode ashijihpü lah.

MUNGSHIKHÜN 87:3

Müretahkhibo ju nü dünkheak thakhi lah, O Thrünpuh kiuto!

ISAIA 10:20

Ju nimung aningkhi Israel tüsho Jakob yamkhün rhangdung larübonü kheaküa arü shikrü kheak düthsün mangükih, tüshe Israel yo thiyuro Amüsühbuh kheak angükihbah.

ISAIA 47:4

Isa Rhokhitrü– Wuto Atungpuh ju api mung– Israel Amüsüh Thrünpuh.

ISAIA 51:13

Nünü nü Thrünrü, thüningbo jashihkhi tüsho alomi khimtanbuh Atungpuh mihdo. Nü mutuklode nimungroro ajunorü bukakhiukkhi hode trechoh, shepü athsümünimpü mükhüma la. Tüshe ajunorü bukakhiukkhi kükheak la?

ISAIA 51:15

Tümüde I Atungpuh nü Thrünpuh, shepünü keto chamnakcho, junangde ahukde abükcho– Wuto Atungpuh ju api mung lah.

ISAIA 52:1

Asürang, asürang, nü sühmüh zahang, O Zion! Akheahakhamkhi nü khimmihbo yihang, O Jirusalem, amüsüh kiuto, tümüde tsütamübahkhi tüsho mümüsühkhi kheaküa nü lung mazah.

JEREMIA 10:16

Jakob Thrünpuh a harü ruk yung, tümüde nü kukruk alala thrünkhi ju api lah, tüsho Israel ju api yamrüplurüp trük ah; Wuto Atungpuh ju api mung lah.

JEREMIA 21:2

“Muzhobah isa thsung thsüde Atungpuh ki keojang, tümüde Babilon kiulongthsüpuh Nebukednezarnü isa azhihde thirithsüchoh; khükia apinü rhimode alakhi nangde Atungpuhnü amüyinsahbe isa thsungkheak rhimobah, tüsho isa kheaknü api tsoloshihbah.”

JEREMIA 44:26

Jumonü Atungpuh yu aniang, Ijip lomi ching larü nüsa Judarü alala: Kheahang, I mung ato hode inü thiyuchihchimchoh, Atungpuhnü thachoh, Ijip lomi alala ching Juda mihtsürü shepü münküp kheak she ‘ Atungpuh T H RÜ NPU H lah’ de dütha.

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

MIKA 3:11

Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

MATHI 27:53

arünü kiuyukbo chingnü akhiuk tüsho Jisu arhang kamloshu arünü amüsüh kiuto ching yüzah tüsho ahihkhüh ki akhiuka huh.

MATHI 4:5

Judüki arimrinü api ju amüsüh kiuto ching bede yü tüsho arüngyam mün kheak binshih,

ROMRÜ KILIM PAULNÜ ATHRÜTKHI KIHÜM HUHTANYU 2:17

Tüshe nünü nü küdah thsüde Jihudarü de jisho tüsho yakzan kheak mulong tode Thrünpuh kheak chingkihkhi kükheangsho,

AMIKHEAKAKHIUKKHI 11:2

tüshe arüngyam aleanglim a dake; ju aninga zojang, tümüde ju trükshihbo kilim jihdo, tüsho arünü khinu yirükheak mahne amüsüh kiuto kheak jungbah.

AMIKHEAKAKHIUKKHI 21:2

Tüsho amüsüh kiuto, Jirusalem aso, ayamkhünbuh thsungkheak züt thsükhi yamkhünbe nangde Thrünpuh kilimnü yinmi chingnü akide inü ngü;

AMIKHEAKAKHIUKKHI 22:19

tüsho khürünü ha hüm ching müchitkhi yubo yihkhita bahsho, ha hüm ching thakhi rhangdung sangdung tüsho amüsüh kiuto chingnü api shihcham Thrünpuhnü lude atsobah.

MAHKHAPRÜ 17:13

Mikanü tha, “ Kheakü Atungpuhnü I ki tsüde alabah de mükheahlah, tümütüsho I a Levirü amükeamrü khülang lah!”