ISAIA 48:17 - AMÜSÜH HÜM CL Bible (BSI)

¹⁷ I Atungpuhnü ha thachoh, nü Rhokhitrü, Amüsüh Israel Thrünpuh: shepünü nü tsüpü thsungkheak thsangyucho, shepünü nü yüpü lakhi limro ching nü becho, I Atungpuh nü Thrünpuh.

ISAIA 48:17 Iomraidhean Croise

THRÜNTAN 24:48

Inü I ku mükhüm tüsho Atungpuh kingaün, tüsho I putungrü tsührü thsungkheak aniurü tsührübe lupü I thiyuro limro ching bebuh Atungpuh I putungrü Abraham Thrünpuh shijih.

1 KIULONG THSÜRÜ 8:36

judüki yinmi chingnü sojang, tüsho nünü arünü atsahpü limro atsü arü ki thsangyuchoki, nü yamlarübo, nü mihtsürü Israel neak bahjang; tüsho nünü nü mihtsürü kilim yamrüplurüp jihkhi nü lo kheak tsüng arüshang.

JOB HU H T ANYU 36:22

Kheahang, Thrünpuh a api wu ching shuhkih-a lah; api nangde thsangyurü she la?

MUNGSHIKHÜN 25:12

Atungpuh trekhi mihtsürü ju shepü a? Anihbuh thsungkheak mokhitkhi limro apinü thsangdanbah.

MUNGSHIKHÜN 32:8

Nü yüpü limro inü nü ki thsangdanbah tüsho thsangyubah; I müknü inü nü kheahbah.

MUNGSHIKHÜN 71:17

O Thrünpuh, nünü I athunuchokinü thsangyu; tüsho ha nimung inü nü amüyinsahbe rhimobo khipkhitchoh.

MUNGSHIKHÜN 73:24

Nü lümthiyannü I bebah, tüsho ju dunglim müretahkhi lim I leangkhia lubah.

ISAIA 2:3

mihtsürü ahihdo arübah tüsho athabah. “Arang, isanü Atungpuh wung lim, Jakob Thrünpuh yam ching wutuanü; junangde apinü api limrobo isa ki thsangyubah tüsho isanü api jingshubo ching tsahbah.” Tümüde Zion chingnü yakzan, tüsho Jirusalem chingnü Atungpuh yu wukhiukbah.

ISAIA 28:9

Apinü she ki mükheahmudu thsangyuba, tüsho she ki apinü thiyusheak anikhitshihba? Jurü niuh chamrü, kheakü niuh kheaknü shukkhia bahrü a shi?

ISAIA 30:20

Atungpuhnü nüsa ki azhihlokhi yikhap yungsho thsünükhi ke jihjih she, nüsa thsangyurübonü kheaküa müjik, tüshe nüsa müknü nüsa thsangyurübo ngübah.

ISAIA 30:21

Tüsho küyimki nüsanü tsülim yungsho huzulim rholoba, nüsa nükhünnü nüsa dunglim thakhi yu sobah, “Ha limro ah; ju ching tsahang.”

ISAIA 41:14

Dütre, nü ari Jakob, nü loriloko Israel! Inü nü rungbah, Atungpuhnü thachoh; nü rhokhitbuh ju Amüsüh Israel Thrünpuh lah.

ISAIA 43:14

Nü Rhokhitrü Israel Amüsüh Thrünpuh Atungpuhnü thachoh: Nü dünkheaknü inü bonungrü Babilon ching yüshihbah tüsho sangkaplakbo alala yihshakbah, tüsho Kaldearü ahokhi ju atüzhokhi kambah.

ISAIA 43:16

Atungpuhnü ha thachoh, shepünü keto ching limro thsücho tüsho ke amülak ching tsahpung thsücho,

ISAIA 45:11

Atungpuhnü ha thachoh, Israel Amüsüh Thrünpuh, tüsho Athrünrü: I tsührü yungsho I khah rhimo dünkheak nünü I ki keokhiba de?

ISAIA 48:20

Babilon chingnü wukhiukang, Kaldea chingnü tsoang, ha asühkhinü zhide thaang, zhiyukang, ha alomi akheam ching yüshang; thaang, “Atungpuhnü api yamlarü Jakob rhokhitdo!”

ISAIA 49:26

Inü nü junorübo ki arü shih tsühloshihbah, tüsho arü thiyihnü yukhunü nangde amüshangbah. Judüki mihtsürü alalanü I Atungpuh nüsa Khümkhitrü tüsho nüsa Rhokhitrü, Jakob yo Wuto Khülang de amükheahbah.”

ISAIA 49:7

Atungpuhnü ha thachoh, Israel Rhokhitrü tüsho api Amüsüh Khülang, sükde jingmükhea lakhi kilim trükshihbonü athraneankhi, yakzanshuhrü yo azhorü, “ Kiulongthsürübonü angübah tüsho wusurübah, yakzanshuhrübonü angübah tüsho arünü amükhümbah, tümütüsho Atungpuh hode shepü athülün la, Israel Amüsüh Thrünpuh shepünü nü mokhitkhea.”

ISAIA 54:13

Nü tsührü alala Atungpuhnü thsangyubah, tüsho nü tsührü mungtsü tüsho latsühlayung labah.

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

ISAIA 54:8

Kim khülang thsungkheak bukakhiukkhinü I miro nü kheaknü jik tüshe akheam mülakhi amuzhonü inü nü kheak amuzho labah, Atungpuh , nü Rhokhitbuhnü thachoh.

JEREMIA 6:16

Atungpuhnü ha thachoh: Limbeakbo kheak zhipang tüsho kheahang, tüsho jipü limrobo keoang, küching limro atsü la; tüsho ju ching tsahang, tüsho nüsa mebo thsungkheak sühakhim ngüang. Tüshe arünü tha, “ Isanü ju ching mütsah.”

MIKA 4:2

tüsho trükshih ahihdonü arübah tüsho athabah: “Arang, isanü Atungpuh müzüng, Jakob Thrünpuh yam ching wutuanü; junangde apinü isa ki api limrobo thsangyubah tüsho isanü api tsahpungbo ching tsahbah.” Tümüde Zion chingnü thsangdankhi, tüsho Jirusalem chingnü Atungpuh yu mikhuh ching yübah.

JOHAN 6:45

Ha wukihrübonü thrüta lah, ‘Tüsho arü alala Thrünpuhnü thsangyubah.’ Jumonü Abuh kilimnü asorü tüsho anikhitrü abannü I kilim arüchoh.

EFISIA 4:21

dükdüpüa nüsanü api dünkheak sodo tüsho Jisu kheak lakhi thiyuro nüsa ki thsangyudo.

JIHUSUA 3:4

junangde nüsa yüpü limro nüsanü amükheahbah tümüde nüsa püpüki ha limro arüamükheah, tüshe tangzüng sangdan phünide düyü; kilomitir 1 ngüm ching tsahang.”