ISAIA 48:14 - AMÜSÜH HÜM CL Bible (BSI)

¹⁴ Nüsa alala mukhungang, tüsho aniang! küpü sangthsünü ha müchitkhea? Atungpuhnü api muzholah, apinü anihbuh lümkhi Babilon kheak rhimobah, tüsho api khahnü Kaldea azhihkhi labah.

ISAIA 48:14 Iomraidhean Croise

THRÜNTAN 49:1

Judüki Jakobnü atsührübo ji, tüsho tha, “Nüsa rukhüh mukhungang, junangde arübe nimungbo ching nüsa kheak tümü dünjipü lanü inü nüsa ki thaanü:

THRÜNTAN 49:2

Mukhungang tüsho soang, O Jakob tsührübo, tüsho nüsa abuh Israel ki aniang.

ISAIA 13:19

Tüsho kiulongthsübo müretahkhi Babilon, Kaldea atsüdak tüsho mungthu ju Thrünpuhnü Sodom tüsho Gomorra dükheakshihchoki nangde akambah.

ISAIA 21:9

Kheahang, ju ching arü arüchoh, khoraberübo, khoraberü mahnene!” Tüsho apinü thalo, “Babilon lungdo, lungdo; tüsho anihbe sangthsü thrünpuhbo alala alo kheak keamthünaka yaplah.”

ISAIA 41:22

Arünü arübo bede arüshang tüsho tümü dünjibanü isa ki thaang. Ahokhi ching dünjikhi isa ki thaang, arü tümü lakhea, junangde isanü arü mükheahbah, tüsho arünü arhimokhi isanü amükheahbah; yungsho arüpü lakhi isa ki khipkhitbah.

ISAIA 43:9

Trükshih alala rukhüh mukhungshang tüsho mihtsürübo mukhungshang. Arü bolung shepünü ha khipkhitkhukba tüsho atsokhibo thakhukba? Arünü mütsanmükhipü arü thiyumütsanbo hande arüshang, tüsho arünü soshang tüsho thashang, “Ha thiyuro.”

ISAIA 44:28

shepünü Sairus dünkheak tha, “Api I mihnu neakrü, tüsho apinü I lümkhi alala rhimode ayübah;” tüsho shepünü Jirusalem dünkheak tha, “Ha athsülobah,” tüsho arüngyam dünkheak, “ Nü khimtan khimbah.”

ISAIA 44:7

I nangde shepü la? Arünü zhiyukshang, arünü khipkhitshang tüsho I miki bede arüshang. Shepünü adüso chingnü adünjipü thakhea? Tümü dünjipü lanü arünü isa ki thashang.

ISAIA 45:13

Inü thiyuro-lungki ching Sairus asürüshihdo, tüsho inü api limro alala mukhiungshihbah; apinü I kiuto thsübah tüsho I yo ramtsorübo zuzu thsüde dükhebah, adün yungsho thsambah thsungkheak yung, Wuto Atungpuhnü thachoh.

JEREMIA 50:44

Kekhüzü khülang Jordan rim akheah chingnü rimlopung aphüyak azhihde atukhi nangde, inü nahde arübo anihbe kheaknü yanyuka bahbah; tüsho inü mokhitkhi sherüanü anihbe kurungkheak zojihbah. Tümüde shepü I ruk la? Shenü I münitkhukla? I miki zhipkhukpü thsüde shepü namfimihnu neakrü a?

MARK 10:21

Judüki Jisunü api kheahbah muzho, tüsho tha. “Nü khülangnü maban: Nü limro ching yübah nü lakhi alala yinang tüsho zhochihrü kilim jihang, tüsho yinmi ching nü rahpung labah; tüsho arang, I yanang.”