ISAIA 48:11 - AMÜSÜH HÜM CL Bible (BSI)

¹¹ I mung chingnü inü ha rhimochoh, tümüde I mung müneanshihpü? I müretah inü püpü kilim müjih.

ISAIA 48:11 Iomraidhean Croise

MUNGSHIKHÜN 106:8

Judüalalashe api mung chingnü apinü arü khümkhit, junangde apinü api wu ato mükheahshihpü lakheah.

MUNGSHIKHÜN 115:1

Isa kilim yung, O Atungpuh , isa kilim yung, tüshe nü amüthsüm tüsho nü thiyuro dünkheaknü nü mung müretahshang.

MUNGSHIKHÜN 25:11

O Atungpuh , nü mung chingnü I mülimkhi bahjang, tümüde ha tode lah.

MUNGSHIKHÜN 25:7

I athunu neakbo yungsho inü alakmihkhibo dülümkhitjih; nü muzhodakkhi tüsho nü tsükhi ching I lümkhitang, O Atungpuh !

ISAIA 37:35

Tümüde I tüsho I yamlarü David mung chingnü ha kiuto khümkhitpü inü atsunglobah.”

ISAIA 42:8

I Atungpuh ah, ju I mung; I müretahkhi püpürü kilim, yungsho I mungshi sangthsübo kilim müjih.

ISAIA 43:25

I, I api shepünü I mung chingnü nünü alakmihkhibo nankhita bahjih, tüsho inü nü neakbo mülümkhit.

ISAIA 48:5

adüsonü inü jurübo nü ki thado, arü müdünjiyide inü nü ki mükheahshihdo, junangde nünü müthabah, “ I sangthsünü jurü rhimokheah, I yo asümkhi sangthsü tüsho anungkhi sangthsünü arübo thiyukhüm jihkheah.”

ISAIA 48:9

I mung chingnü inü I bukakhiukkhi ashuchoh, I mungshi mung chingnü inü nü thsungkheak tuklochoh, junangde nü müdükheak.

ISAIA 52:5

Kheakü jumonü I ha ching tümü la, Atungpuhnü tha, amütsan mülade I mihtsürü bede atsokhea? Arü yakzanshuhrübonü keangrümünechoh, tüsho mutukzhakde nimungroro I mung mükhemükim thsüchoh.

JEREMIA 14:7

Isa mülimkhibonü isa azhihde thiyumütsan thsüthsü she, O Atungpuh , nü mung chingnü rhimoang; tümüde isa ashitlokhi tode lah tüsho isanü nü azhihde neak yihbeakdo.

EZEKIEL 20:14

Tüshe I mung chingnü rhimode trükshihbo miki mümüneanshihpü inü arü mikinü inü arübo bekhit.

EZEKIEL 20:22

Tüshe inü I khah tuklo, tüsho I mung chingnü arü mikinü arü bekhitkhi trükshihbo miki mümüneanshihpü inü rhimo.

EZEKIEL 20:39

Nü thsungkheaknü, O Israel yamkhün, Wuto Atungpuhnü ha thachoh: Nüsa mihbüm abannü yüang tüsho nüsa sangthsübo tankihang! Tüshe ju dunglim tsükjide nüsanü I ki anibah tüsho kheaküa nüsa thsambahbo le nüsa sangthsübonü I mung amüsüh mümüneanjih.

EZEKIEL 20:44

Küyimki inü I mung chingnü nüsa ki rhimorhiyibo tüsho nüsa amütsü limrobo tüsho athsümünim rhimobo yande mürhimobanü, I Atungpuh de nüsanü mükheahbah, O Israel yamkhün, Wuto Atungpuhnü thachoh.

EZEKIEL 20:9

Tüshe I mung chingnü arü lapung trükshihbo miki mümüneanpü inü rhimo tüsho arü mikinü Israelrü Ijip chingnü bekhitde I akhiuka huh.

EZEKIEL 36:22

Jumonü Israel yamkhün ki thaang, Atungpuh Thrünpuhnü ha thachoh: Ha nü thsülimnü inü arhimopü thsüchoh yung, O Israel yamkhün, tüshe nü arüpung trükshih bolung nünü müneanjihkhi I mung amüsüh thsülimnü ah.

DANIEL 9:17

Jumonü kheakü, O isa Thrünpuh, nü yamlarü tamkhüntamnükhi tüsho apinü mushukhi sojang, tüsho O Atungpuh , nü mung chingnü, thsümünima lakhi nü arüngakopung kheak nü miro yinshang.

JOHAN 5:23

junangde arünü Abuh wüntre jihkhi nangde alalanü atsührü wüntre jihbah. Shepünü atsührü wüntre müjihbanü api thiyibuh Abuh wüntre müjihchoh.

ROMRÜ KILIM PAULNÜ ATHRÜTKHI KIHÜM HUHTANYU 2:24

Tümüde ha thrüta lah, “Nü dünkheaknü khiungkerü bolung Thrünpuh mung mükhemükima lah.”

1 SAMUEL 12:22

Tümüde api mung ato dünkheaknü Atungpuhnü amihtsürübo mübahyuk, tümütüsho nüsabo api mihtsürü thsüpü Atungpuhnü asühdo.