ISAIA 47:8 - AMÜSÜH HÜM CL Bible (BSI)

⁸ Kheakü jumonü ha aniang, nüsa shih muzhorübo, shepü keamramde la, shepünü mulong ching thacho, “ I ah, tüsho I hobah she müla; I khimoberü kama mübin yungsho tsührü dükheakkhi mümükheah.”

ISAIA 47:8 Iomraidhean Croise

ISAIA 14:14

inü amo kumung kheak yükihbah, inü I küdah thsüde Khide Achang kamshihbah.

ISAIA 32:11

Niukang, nüsa keamramde lakhi liberübo, ajanang, nüsa reangkeamde larübo; nüsa khimmih yihkhitang, tüsho nüsa chim kheak shungliukhim yihang.

ISAIA 32:9

Asürang, nüsa keamramde alakhi liberübo, I düsheak aniang; nüsa reangkeamde alakhi tsührübebo, inü asukkhi aniang.

ISAIA 45:18

Tümüde Atungpuhnü ha thachoh, shepünü thüningbo thrünkhea, api Thrünpuh ah; shepünü alomi kamshihkhea tüsho athsükhea, apinü thrünkihdo; apinü akeangkeang zopü müthrün, apinü alashihpü kamshih: I Atungpuh tüsho püpürü müla.

ISAIA 45:5

I Atungpuh tüsho püpü müla; I hobah thrünpuh müla. Nünü I mümükheahkheah she inü nü düjitlobah,

ISAIA 45:6

junangde I hobah she müla de aniakhiuklimnü aniyüzahlim khiungde mihbüm abannü amükheahbah; I Atungpuh tüsho püpü müla.

ISAIA 47:10

Tümüde mihbukmuyuk ching nünü kindo; nünü tha, “Shenü I müngü.” Nü lümlung tüsho nü mükheahnü nü bephülapdo, tüsho nünü mulong ching tha, “ I ah tüsho I hobah she müla.”

JEREMIA 49:31

Asürang, lalim tsüde akhimahe ching, chipiripit yungsho akhrihbe mülade alangzü lakhi trükshih yanang, Atungpuhnü thachoh.

JEREMIA 50:11

Nü asühachihchih she, nü asüharara she, O I yamrüplurüp yankhia lurübo, moshinü hi jungkhi nangde tüsho khoranü akhungkhi nangde,

JEREMIA 51:53

Babilonnü thüning lim yükihkih she, tüsho anihbenü chipi changde ayünyün she, I kilimnü athsümünimrü anihbe kheak arübah, Atungpuhnü thachoh.

EZEKIEL 16:49

Kheakü ha nü chi Sodom neak lakheah: Alibe tüsho anihbe tsührübebo bukmüke, bukchihbukhean tüsho muzhomüyi mülakhi lakheah; arünü zhochihrü tüsho müthsümülarü murung.

EZEKIEL 28:2

Mihtsürü tsührü, Tair yakzanshuhrü ki thaang, Atungpuhnü ha thachoh: Tümütüsho nü kükheanglah tüsho nünü tha, “ I thrünpuh khülang ah, inü ketobo phulung ching thrünpuhbo binpung binchoh,” tütüshe nünü nü lümkhi thrünpuh lümkhi kheak akeke she nü a mihtsürü khülang ah tüsho thrünpuh yung.

EZEKIEL 30:9

Ju nimung, mulong tomihkhi Ethiopia müzünpü I kinü yunithsürü sangkungbo chingnü awukhiukbah; tüsho Ijip thsümünimpü nimung arü kheak thsünü arübah; tümüde ha arüchoh!

DANIEL 11:36

“ Kiulongthsüpuhnü anihbuh lümkhi rhimobah. Apinü aküdah thsüde anihbuh shuhkihbah tüsho thrünpuh kheaknü atobe lümbah, tüsho thrünpuhbo bolung Thrünpuh azhihde mükhemükimyu thabah. Bukakhiuk kim muhoyi khiungde api kukzamde alabah, tümütüsho tümü lümkihlanü arhimopü tsütsü.

DANIEL 4:22

ju nü ah, O kiulongthsüpuh! Nü tode zokih tüsho düküngde kam. Nü tokhi alü kam tüsho thüning khiung tüsho nü wunü alomi akheambo khiung.

DANIEL 4:27

Jumonü, O kiulongthsüpuh, inü athakhi yanang. Neak yihbeakpü tukloang, tümü alim lanü rhimoang, tüsho zhochihrü ki müthsümang. Junangde nü lalim tsüde alabah.”

DANIEL 4:30

tüsho kiulongthsüpuhnü tha, “ Kheahang Babilon küdükhüh ato a! Ha inü I wu tüsho sühmüh, I müretah tüsho mungthu huhpü I yo kiuying thsükheah.”

DANIEL 4:4

I, Nebukednezar, I yam ching sühakhimde tüsho lalim tsüde alakheah.

DANIEL 5:23

Nünü yinmi Thrünpuh azhihde nihbuh zangrü shuhkihdo! Api arüngyam pungphurubo nü miki lude azah, tüsho nü putungrübo, nü niubebo tüsho nü hanniubebonü jurü chingnü yukhu yung. Nünü shotoyinchi tüsho suna, müwayinchi, yinchi, sang, tüsho lung thrünpuhbo, küpünü müngü yungsho muso yungsho mümükheahnü ju shijih; tüshe Thrünpuh shepü khah ching nü rhangdung la, tüsho shepü kilim nü limro alala lanü, nünü wüntre müjih.

DANIEL 5:30

Ju tsüngrenü Kaldea kiulongthsüpuh Belshazzar ju laksah.

NAHUM 1:10

Arübo ayangbo nangde thrukrama lah, amüshangrü nangde arübo müshanga lah; arübo amukuh sünit nangde aniua lah.

NAHUM 3:4

Tümütüsho mükhebinkhi müzammüram amülim thsükhinü, münitphülapkhi, anihbe wurük, shepünü lomi tüsho mihtsürü anihbenü bemüchihkhi tüsho wurük hode azhorü kamshih,

HABAKKUK 1:7

Atrebe tüsho atrearangbe arü ah; arü ju lang yakzan ah tüsho arü nihbuh küdahnü wüntrepü shuhkihchoh.

ZEPHANIA 2:15

Ha lülüshishi tüsho tsüde lah dükhi kiuto, anihbenü tha, “ I lah tüsho sheshe müla!” Anihbe küdükhüh athsümünimkhi kamde, mütüm shiwüh yam lah! Anihbe tsahhorü abannü ish thsüchoh tüsho khahduthrung hitchoh.

2 TESALONIKA 2:4

Apinü azhihbah tüsho aküdah thsüde Thrünpuh ah de ajikhi yungsho kingaünbe kukruk kurungkheak shuhkihbah, junangde api ju Thrünpuh ah de zhiyukde Thrünpuh arüngyam ching binbah.

MAHKHAPRÜ 18:27

Jumonü arünü Mikanü athsükhi kukrukbo tüsho api yo amükeamrü lu tüsho keamramde tüsho kuram tsüde alarü mihtsürü kilim Laish ching yü; tüsho arünü nukshang mulonü arü laksah tüsho monü kiuto takabah.

MAHKHAPRÜ 18:7

Jumonü mihtsürü phüngü ju chamachih tüsho Laish ching yü. Ju ching mihtsürübo ju Sidonrü yakli nangde keamramde tüsho kuram tsükhi ching lakheah. Arü ki achih kippü thsüde lomi ching yakzanshuhrü mülakheah. Arübo Sidonrü kheaknü limshude alakheah tüsho she kheak she chingkihachihde müla.