ISAIA 47:6 - AMÜSÜH HÜM CL Bible (BSI)

⁶ Inü I mihtsürü kheak bukakhiuk, inü I yamrüplurüp müneanjih; inü arübo nü khah ching jih, nünü arü ki mihmüthsüm muhuh; ashinbuhrü kheak nünü khide hah mülangshih.

ISAIA 47:6 Iomraidhean Croise

2 SAMUEL 24:14

Judüki Davidnü Gad ki tha, “I lümthsünü ato ching lah; ikenü Atungpuh khah ching yüzahanü, tümüde api mihmüthsüm tolah; tüshe inü mihtsürü khah ching müyüzahnü.”

2 KIUTHSÜYUKHEAN 10:11

Kheakü, I buhnü nüsa kheak hahmülang yihkihjihdo, inü nüsa hahmülang khiojihbah. I buhnü nüsa rhaptsonü dando, tüshe inü nüsa kheak lungthsührinü adanbah.’ ”

2 KIUTHSÜYUKHEAN 28:9

Tüshe ju ching Atungpuh yo wukihrü khülang lakheah, api mung Oded; apinü Samaria ching arükhi bonungrü shorupü wukhiuk, tüsho arü ki tha, “Nüsa jipürü Thrünpuh, Atungpuhnü Juda kheak bukakhiukmonü, apinü arübo nüsa khah ching jih, tüshe nüsanü bukakhiukde arü laksahkhinü yinmi khiung.

2 KIUTHSÜYUKHEAN 36:17

Jumonü apinü arü azhihde Kaldearü kiulongthsüpuh bede wutu, apinü athunubo arü arüngyam ching nukshangnü laksah, tüsho athrününgtsüng mihtsürü yungsho anünürü, ashinbuhrü yungsho azobankhi kheak mihmuzho mülade kam; apinü arü alala api khah ching jih.

2 KIUTHSÜYUKHEAN 36:20

Nukshang chingnü atsokhitrü apinü Babilon ramtso ching hanbah yü, tüsho Persia kiulongthsükhi khiungde arübo api le api tsührübo yamlarübo kam.

EZRA 5:12

Tüshe isa jipürü yinmi Thrünpuh bukakhiukshihkhi hode arübo Nebukednezar Babilon kiulongthsüpuh, Kaldeabuh khah ching jihabahbah, jurü hode ha yam thsümünim tüsho mihtsürübo Babilon ramtso ching bede yü.

MUNGSHIKHÜN 69:26

Tümüde arünü nünü ashikbuh thsümüchichoh, tüsho nünü yuria thsünüshihbuh dünkheak thachoh.

ISAIA 10:6

Thrünpuh mümükheahkhi trükshih azhihde inü api yüshih tüsho I bukakhiukkhi mihtsürü azhihde inü api ki thiyukhüm jih, kukruk yankhia lupü tüsho ahühpü, tüsho kiudunglimro akhimniuhniuh nangde arü kheak jungpü lah.

ISAIA 13:16

Arü tsührü aninibo arü mük kinü adütre kamde yihthünakbah; arü khorabo yankhia lubah, tüsho arü niuberübo thsümünimbah.

ISAIA 14:17

shepünü alomiküp loshelo nangde kamshih tüsho kiutobo yanabahkhea, shepünü nihbuh aramrübo thüyam lim müyüshihkhea?

ISAIA 14:6

küpünü bukakhiukkhi ching mutuklode mihtsürübo shika lungshihkhea, küpünü bukakhiukkhi ching trükshihbo yakzan shuhde mihmuzho mülakhi thsümüchikhea.

ISAIA 43:28

jumonü inü arüngyam yakzanshuhrü ki mümüsühkhi khejih, inü Jakob muthrumüneanpü tüsho Israel luhmünepü jih.

JEREMIA 50:42

Arünü sanglüh tüsho thsüh shuhlah, arübo bukmüke tüsho mihmüthsüm müla. Arü düsheak ju keto arungkhi nangde lah; arübo khorabo kheak binlah, keochihpü thirithsürü nangde duklanglah, nü azhihde, O tsührübe Babilon!

TÜZHOKHI 1:14

Inü alakmihkhi sangkaplakbo api khahnü thsünru; jurübo I hung kheak nokih, I sühmüh keakeashih; inü azhihde müzhipkhukrü kilim Atungpuhnü I jih.

TÜZHOKHI 1:21

I ashearakhi arünü sodo, shenü I mushukheam. I riribo alalanü I küpkhuk sodo; nünü ha rhimokhinü arü asühchoh. Nünü alokhikhi nimung hande arang tüsho arü she I ruk lashang.

TÜZHOKHI 2:2

Atungpuhnü mihmüthsüm mülade Jakob lapungbo alala muyuabah; api bukakhiukkhi ching apinü Juda tsührübe chipibo lukkheamjih; apinü kiulongthsü tüsho yakzanshuhrübo wüntre mülakhi ching alo lim thokhi.

TÜZHOKHI 4:16

Atungpuhnü aküdah thsüde arü hiumüzütshih, apinü arü kheaküa mükheahyuk; amükeamrübo ki wüntre tümü muhuh, azothsürübo ki amuzho tümü müla.

TÜZHOKHI 5:12

Yakzanshuhrübo arü khahbo kheaknü zhinlah; azothsürübo ki wüntre müjih.

EZEKIEL 24:21

Israel yamkhün ki thaang, Atungpuh Thrünpuhnü ha thachoh: Inü nüsanü lülüshishikhi, nüsa mükbo asühkhi, tüsho nüsa mulongnü akünkhi I yo arüngyam müneanbah; tüsho nüsanü aninga lashihkhi nüsa tsührübo le tsührübebo nukshangnü akeambah.

EZEKIEL 28:16

Nü shothsümolo suhdahkhi ching athsümünimnü nü mide la, tüsho nünü neak yihbeak; jumonü amünean kukruk nangde Atungpuh müzüng chingnü inü nü bah, tüsho akümbuh cherubnü azhingzhing shotolung bolungnü nü yanabah.

OBADIA 1:10

Nü niurü Jakob laksahkhi tüsho thiyih bukkhi dünkheak achihnü nü zhidobah, tüsho nü lünnü lipkhia bahbah.

OBADIA 1:16

Tümüde nünü I yo amüsüh müzüng kheak yungkhi nangde, nü mühirü trükshih alalanü ayungbah; arünü ayungbah tüsho ayingyingbah, tüsho arünü küyimkishe müthsüa kheahkhi ruk labah.

ZEKARIA 1:12

Judüki Atungpuh yunirünü tha, “ O Wuto Atungpuh , nünü kam nerü bukakhiukkhi Jirusalem tüsho Juda kiutobo kheaknü külokhüh nünü mihmüthsüm tholoba?”

ZEKARIA 1:15

Tüsho keamramde alakhi trükshihbo kheak inü khitode bukakhiukchoh; tümüde I bukakhiukkhi anikhüh lachoki arünü tukthsü amütsübe kamshih.

MATHI 7:2

Tümütüsho nüsanü mührü yukhapkhi yande nüsa yukhapbah, tüsho nüsanü akeara ahorikhi yande nüsa akearabah.

YUZÜNGTHALO 28:50

Arü ju bukmüshak tüsho azürü yungsho azorü she ki she mihmüthsüm muhuhrü labah.

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.