ISAIA 47:14 - AMÜSÜH HÜM CL Bible (BSI)

¹⁴ Kheahang, arübo sünit nangde lah, monü arübo aniuchoh; arünü motru wu chingnü arü nihbuh mükhümkhitkhuk. Ha arü thüyüpbe mokhih yung, amiki binbe mo yung!

ISAIA 47:14 Iomraidhean Croise

ABEKHIT 5:12

Jumonü mihtsürübonü müneang yimdarüpü Ijip lomi alala ching hiumüzüt.

ISAIA 10:17

Israel ayin ju mo khülang kambah, tüsho api Amüsüh Khülang motru kambah; ju atakbah tüsho api yangbo le khingphubo nimung khülangnü aniuabahbah.

ISAIA 30:14

ha trükhi ju phühdamrü phüh nangde mütsüdakde kingrüpbah, junangde atrüthünakkhi bolung amünkheam ju mokin chingnü mo rhukhitpü yungsho kekhip chingnü ke khipkhitpü thsüde müngü.

ISAIA 33:14

Zion ching aneakrübo trede lah; Thrünpuh mümükheahrü ajande lah; “ Isa bolung shepünü aniuabahbe mo ching laba? Isa bolung shepünü akheam müla motru ching laba?”

ISAIA 40:24

Nükde arübo khimdo, nükde yangdo, nükde adungbonü alo ching aying chinyuk, küyimki apinü arü kheak yünkhea, arübo yiuhabah, tüsho chinthrümnü arübo lungjinim nangde hanbah tso.

ISAIA 41:2

Shepünü aniakhiuklimnü khülang asürüshihkhea, api tankihpü thiyuro ching jikhea? Apinü trükshihbo api kilim jih tüsho kiulongthsübo müphü khüp thrüm; apinü arübo api nukshangnü asungthulung nangde, api sanglühnü yüna tsoshihkhi müneang nangde kamshih.

ISAIA 44:16

Sang chamkhüh apinü mo ching takchoh; chamkhüh mikheak apinü shih nguchoh, tsühchoh tüsho reangkeamchoh. Api nihbuh she thüyüpa luchoh tüsho thachoh, “Ah, I lamlamlah, inü mo ngülah!”

ISAIA 5:24

Jumonü mo mulonü müneang muliukhi nangde, tüsho sangrung akung motru ching keamyukkhi nangde, arü ying shuhabahbah tüsho apungkhi asungthulung nangde keamkhia bahbah; tümüde arünü Wuto Atungpuhnü thsangdankhi bahyukdo, tüsho Israel Amüsühbuh Khülang yu mükhemükimdo.

JEREMIA 51:30

Babilon thirithsürübonü keochihpü tuklodo, arübo chipi ayünkhi ching lah; arü sühmüh keaka lah, arübo azoberü kamdo; anihbe yambo keak mo takkihdo, akhrihbebo zhaka lah.

JEREMIA 51:32

Kedükihhopung yandoa lah, khiukbo monü takdo, tüsho bonungrübo atrekhi ching lah.

JEREMIA 51:58

Wuto Atungpuhnü ha thachoh: Babilon chipi ato ju alo arihde akambah, tüsho anihbe chipiripit achangbo monü atakbah. Mihtsürübo akeangkeang ching khichoh, tüsho trükshihbonü mo thsungkheak lang rhimochoh.

EZEKIEL 15:7

Arü azhihde I miro kheahbah. Arübo mo chingnü akhiukkhiuk she, monü judü lang arü aniubah. Tüsho küyimki arü azhihde I miro kheahba, I Atungpuh de nünü mükheahbah.

JOEL 2:5

Khora-lolungbebonü atruktrukkhi nangde, arünü müzüng mujukbo kheak jukchoh, motrunü reapreapde sünit aniukhi nangde, wulakhi bonungrü nangde keochihpü shihkhin thsüchoh.

OBADIA 1:18

Jakob yamkhün ju mo nangde, Josep yamkhün ju motru nangde alabah, tüsho Esau yamkhün a hitsüt nangde alabah; arünü jurü takbah tüsho aniuabahbah, tüsho Esau yamkhün chingnü she mülade alabah; tümüde Atungpuhnü asukdo.

NAHUM 1:10

Arübo ayangbo nangde thrukrama lah, amüshangrü nangde arübo müshanga lah; arübo amukuh sünit nangde aniua lah.

MALAKI 4:1

Kheahang, tak-phuru takkhi nangde nimung arüchoh, bukakhiukrü tüsho amütsü rhimorü alala hineang nangde alabah; ju nimung arükhinü arü takabahbah, Wuto Atungpuhnü thachoh, junangde arü ying yungsho khah tümü she maning.

MATHI 10:28

Tüsho shepünü pang laksahcho tüshe me mülaksahkhuknü dütre. Tüshe shepünü me tüsho pang chido thsümüchi ching dükheakshihpü kuklanü api treang.

MATHI 16:26

Mihtsürü khülangnü alomiküp athrünkhi kuka lubah anihbuh me dükheaksho api tümü alü thsüba? Yungsho mihtsürü khülangnü nihbuh me müthri tümü jihba?

AMIKHEAKAKHIUKKHI 18:21

Judüki wuto yunirünü hizübelung ato nangde lung khülang shuh-a lu tüsho keto ching jipa bahde tha, “Hanangde ato kiuto Babilon thsümünimde jipkhia bahbah, tüsho küyimkishe müngülo;