ISAIA 47:10 - AMÜSÜH HÜM CL Bible (BSI)

¹⁰ Tümüde mihbukmuyuk ching nünü kindo; nünü tha, “Shenü I müngü.” Nü lümlung tüsho nü mükheahnü nü bephülapdo, tüsho nünü mulong ching tha, “ I ah tüsho I hobah she müla.”

ISAIA 47:10 Iomraidhean Croise

MUNGSHIKHÜN 10:11

Apinü amulong ching thachoh, “Thrünpuhnü mihabahdo; api miro jiklah, apinü küyimkishe I müngü.”

MUNGSHIKHÜN 52:7

“Thrünpuh ju nihbuh sühmüh müthsükhi mihtsürü ha ching lah, tüshe api lakhit suhdahkhi ching kin, tüsho api mihbukmuyuk ching düküngde kam.”

MUNGSHIKHÜN 64:5

Arünü amütsü lümkhi kheak düngde tholochoh; arünü ramde qimürip zopü thade lümchoh, “Shenü isa ngüpü kukla?

T H S AN GYU T H S AN GR ARÜ 8:8

Apung yanlopü she kheak wu müla, yungsho ashepü nimung kurungkheak wu müla; thirithsü chingnü atuklokhi müla, yungsho mihbukmuyuk rhimorü junü mübekhit.

ISAIA 28:15

Tümütüsho nüsanü tha, “ Isanü ashekhi kheak tangzüng khülang thsüdo, tüsho Ashe-lomi kheak thiyuchihchim khülang lah; küyimki thsümütsü arübanü, ju isa kheak marü; tümüde isa jikpung isanü akeangyu thsakhamdo, tüsho akeangyu ching isa jika lah”;

ISAIA 29:15

Are! Nüsa sherünü Atungpuh kheaknü limshude lümkhi khide sükde ramcho, shepü rhimobo amiting ching la, tüsho shepünü thacho, “Shenü isa ngüla? Shenü isa mükheahla?”

ISAIA 44:20

Apinü awahbo tsühchoh; rükaki lümkhinü api bephülapdo, tüsho apinü anihbuh mükhümkhitkhuk yungsho müthakhuk, “ I khah tsülim ching lakhi kukruk ha arükchih yung de?”

ISAIA 47:8

Kheakü jumonü ha aniang, nüsa shih muzhorübo, shepü keamramde la, shepünü mulong ching thacho, “ I ah, tüsho I hobah she müla; I khimoberü kama mübin yungsho tsührü dükheakkhi mümükheah.”

ISAIA 5:21

Nüsa shepü nihbuh küdah lümlung lah tüsho rükri lah de lümchonü are!

ISAIA 59:4

Shenü she thiyuro thsungkheak müji, yungsho thiyuro thsungkheak mumushu; arünü akeangkeang atsangachihkhi kheak düthsün angüchoh, arünü akeangyu thachoh, küpkhuk mihlashihchoh tüsho amülim zübechoh.

JEREMIA 23:24

Inü arü müngükhukpü thsüde sherünü ajik dangpungbo ching jikpü kukla? Atungpuhnü thachoh. Inü yinmi tüsho alomi mümi de? Atungpuhnü thachoh.

JEREMIA 9:23

Atungpuhnü ha thachoh: Lümlung larü arü lümlung ching dükükheangshih, sühmüh larü arü sühmüh ching dükükheangshih, alarü arü lakhit ching dükükheangshih;

EZEKIEL 8:12

Apinü I ki tha, “Mihtsürü tsührü, Israel yamkhün azothsürübonü nihbuh sangthsü kingaünpung ching ramde tümü rhimochonü ngünah? Arünü tha, ‘Atungpuhnü isa müngü; Atungpuhnü alomi bahyukdo.’”

EZEKIEL 9:9

Apinü I ki alo, “ Israel tüsho Juda yamkhün neak khide tolah; alomi ju thiyih bukkhinü milah tüsho kiuto thiyuro mülakhinü milah. Arünü thachoh, ‘Atungpuhnü alomi bahyukdo; Atungpuhnü mükheah.’

DANIEL 4:27

Jumonü, O kiulongthsüpuh, inü athakhi yanang. Neak yihbeakpü tukloang, tümü alim lanü rhimoang, tüsho zhochihrü ki müthsümang. Junangde nü lalim tsüde alabah.”

ZEPHANIA 2:15

Ha lülüshishi tüsho tsüde lah dükhi kiuto, anihbenü tha, “ I lah tüsho sheshe müla!” Anihbe küdükhüh athsümünimkhi kamde, mütüm shiwüh yam lah! Anihbe tsahhorü abannü ish thsüchoh tüsho khahduthrung hitchoh.

ROMRÜ KILIM PAULNÜ ATHRÜTKHI KIHÜM HUHTANYU 1:22

Lümlung lah de athakhinü, arü makharü kam,

1 KORINT 3:19

Tümütüsho ha lomi lümlung ju Thrünpuh miki makhakhi lah, tümüde ha thrüta lah, “Apinü arü rükri chingnü lümlung tholochoh,”