ISAIA 46:11 - AMÜSÜH HÜM CL Bible (BSI)

¹¹ aniakhiuklimnü shihtsüh wuhnu khülang, I lümkhi thsungkheak limshu lomi chingnü mihtsürü khülang jichoh. Inü asukdo, tüsho ha dünjibah; inü lümkhi thsüdo, tüsho ju arhimobah.

ISAIA 46:11 Iomraidhean Croise

EZRA 1:2

“Ha Persia kiulongthsüpuh Sairus yukhüm ah: Atungpuh , yinmi Thrünpuhnü I kilim kiulongthsü alala jihdo, tüsho apinü Juda ching lakhi Jirusalem ching api thsungkheak arüngyam thsüpü I kilim mülüjih.

JOB HU H T ANYU 23:13

Tüshe api büthsülah tüsho shenü api müthrikhukpü? Apinü tümü künla, apinü rhimochoh.

MUNGSHIKHÜN 119:24

Nü yukhümbo I asühpü tüsho I lümthiyanrü lah.

MUNGSHIKHÜN 76:10

Mihtsürü bukakhiukkhinü nü mung shipü lang akhiukshihchoh, tüsho thirithsü ching aninga larünü nü yo thünio niobah.

ISAIA 10:12

Küyimki Atungpuhnü Zion Müzüng tüsho Jirusalem kheak arhimo alala banbanü, apinü Asiria kiulongthsüpuh bukakhiukde kükheangkhi dünkheak thsümüchibah.

ISAIA 18:6

Arü alala awung shihtsüh wuhnubo kilim tüsho alomi shiwühbo kilim zojihbah. Tüsho muzhu ching shihtsüh wuhnubonü jurü tsühbah, tüsho lomi shiwüh alalanü tsüngkam ching jurü tsühbah.

ISAIA 22:25

Wuto Atungpuhnü thachoh, Ju nimung adüküng dangpung ching müzam müsümkhi aniukkhia bahbah, tüsho ju kheak ajapkhi hah dükheakbah, tümüde Atungpuhnü asukdo.

ISAIA 25:1

O Atungpuh , nü I Thrünpuh ah; inü nü shuhkihbah, inü nü mung shibah; tümüde nünü adüsonü lüma zokhi thülünde tüsho tsükjide amüyinsahbe rhimodo.

ISAIA 37:26

“ Inü adüsonü lümkihdo de nünü muso de? Kheakü inü tümü handarüchonü inü awün nimungbo chingnü lümkhi thsükheah, junangde nünü chipi ayünkhi kiutobo kingnaka müneanmuru mujung kamshihpü lakheah.

ISAIA 38:15

Tüshe inü tümü thakhea? Tümüde apinü I ki asukdo, tüsho apinü ha rhimokheah. I me khühkhi hode I ayapnepü alala tsoabahdo.

ISAIA 41:2

Shepünü aniakhiuklimnü khülang asürüshihkhea, api tankihpü thiyuro ching jikhea? Apinü trükshihbo api kilim jih tüsho kiulongthsübo müphü khüp thrüm; apinü arübo api nukshangnü asungthulung nangde, api sanglühnü yüna tsoshihkhi müneang nangde kamshih.

ISAIA 41:25

Inü khülang dukulim thurumusudo, tüsho api arüdo, aniakhiuklimnü I mung chingnü jido. Apinü yakzanshuhrübo kheak loyi kheak nangde, phühdamrünü alo damkhi nangde ajungbah.

ISAIA 44:28

shepünü Sairus dünkheak tha, “Api I mihnu neakrü, tüsho apinü I lümkhi alala rhimode ayübah;” tüsho shepünü Jirusalem dünkheak tha, “Ha athsülobah,” tüsho arüngyam dünkheak, “ Nü khimtan khimbah.”

ISAIA 45:13

Inü thiyuro-lungki ching Sairus asürüshihdo, tüsho inü api limro alala mukhiungshihbah; apinü I kiuto thsübah tüsho I yo ramtsorübo zuzu thsüde dükhebah, adün yungsho thsambah thsungkheak yung, Wuto Atungpuhnü thachoh.

ISAIA 56:9

Nüsa mütüm shiwüh alala, murung ching mütüm shiwüh alala, amuyupü arang!

JEREMIA 44:28

Tüsho nukshang chingnü atsokhitrü akhekhi nükde Ijip lomi chingnü Juda lomi lim alodarübah; tüsho aningkhi Juda Ijip lomi ching lapü arürübonü I yu a shi arü yu zhipbanü amükheahbah!

JEREMIA 50:29

Babilon azhihde hühzo-kiprü, sanglüh hünrü alala jimukhungang. Anihbe mükamde alala binang; sheshe dütsokhishih. Anihbe rhimobo yande anihbe ki jihloang; anihbenü arhimokhi nangde, anihbe ki rhimoang–tümüde anihbenü bukakhiukde Atungpuh , Israel Amüsühbuh ki keochihdo.

JEREMIA 50:44

Kekhüzü khülang Jordan rim akheah chingnü rimlopung aphüyak azhihde atukhi nangde, inü nahde arübo anihbe kheaknü yanyuka bahbah; tüsho inü mokhitkhi sherüanü anihbe kurungkheak zojihbah. Tümüde shepü I ruk la? Shenü I münitkhukla? I miki zhipkhukpü thsüde shepü namfimihnu neakrü a?

JEREMIA 50:45

Jumonü Atungpuhnü Babilon tüsho Kaldearü lomi azhihde apinü lümkhi thsükhi aniang: Tsükjide mihnu nunubo yanyuka bahbah; apinü arü dünkheaknü arü rimlopung shahde thsümünimbah.

EZEKIEL 39:4

Nü tüsho bonungrü le nü lung lakhi mihtsürü alala Israel müzüngbo kheak keambah. Inü nü shihtsüh wuhnu mungjibo tüsho mütüm shiwühbo tsühshihpü jihbah;

WÜHKHE 23:19

Thrünpuh ju akeangyu thapü thsüde mihtsürü ruk yung, yungsho lümkhi müthripü thsüde mihtsürü tsührü ruk yung. Apinü thabah mürhimocho de? Apinü alokhibah akuk müngücho de?

YUNIRÜBO RHIMO 4:28

ju nü wu tüsho nü lümkhinü pungkhia lakhi dünjipü rhimopü lakheah.

YUNIRÜBO RHIMO 5:39

tüshe ha Thrünpuh kilimnü a sho nüsanü arü mukuk. Nüsanü Thrünpuh azhihde keochihkhi kambah!”

EFISIA 1:11

Lüpdükhi api lümthiyan yande rhimobah, api lümkhi yande akhujungkhinü, isanü api lung yamrüplurüp ngü,

EFISIA 3:11

ha isa Atungpuh Jisu Khrista hode akuk ngüshihkhi lün yo lümkhi yande,

AMIKHEAKAKHIUKKHI 16:12

Athurukpü yunirünü api phurusük Euphra ayung kheak dunga bah, tüsho aniakhiuklim kiulongthsürübo limro thsakhampü ke ju ngahabah.