ISAIA 46:1 - AMÜSÜH HÜM CL Bible (BSI)

¹ Belnü khukningchoh, Nebonü mükhümchoh, arü sangthsübo shiwüh tüsho moshibo kheak lah; nüsanü ahankhibo ha akeakpü lakhi shiwühbo kheak hahmülang lah.

ISAIA 46:1 Iomraidhean Croise

JOB HU H T ANYU 39:11

Api sühmüh tomonü nünü ju kheak düthsün angüba de, tüsho nü rhimo api ki zojihba de?

ABEKHIT 12:12

Tümütüsho ju tsüngre I Ijip lomi hode ayübah tüsho Ijip lomi ching adüjirü, mihtsürü tüsho shiwüh chido laksahbah; tüsho Ijip thrünpuhbo alala azhihde inü mahkhapbah: I Atungpuh ah.

ISAIA 2:18

Sangthsübo abümnü mülade akambah.

ISAIA 2:20

Ju nimung mihtsürübonü arü shotoyinchi le suna sangthsübo ju udungbo le phihnubo kilim jipa bahbah, küpü arünü kingaünpü thsungkheak thsükhea,

ISAIA 21:9

Kheahang, ju ching arü arüchoh, khoraberübo, khoraberü mahnene!” Tüsho apinü thalo, “Babilon lungdo, lungdo; tüsho anihbe sangthsü thrünpuhbo alala alo kheak keamthünaka yaplah.”

ISAIA 30:6

Negeb shiwühbo dünkheak thiyusheak. Küpkhuk tüsho lümthsünü lomi hode, kekhüzü dre tüsho arungkhi kekhüzü, phuruto tüsho aphinkhi phuruto, arünü arü lakhitbo donkibo kheak hanchoh, tüsho arü rahpungbo kemelbo ngam kheaknü hanbah arü kilim alü müthsüjihrü mihtsürü kilim yüchoh.

ISAIA 45:20

Nüsa shomukhungang tüsho rukhüh arang, phünide arang, nüsa trükshih chingnü tsokhita larübo! Arübo mükheahmudu müla– sherünü arü sangthsübo hancho, tüsho mükhümkhitkhukbe thrünpuh ki tamkhüntamnücho.

ISAIA 46:7

Arünü ju dubuh kheak shuhkih-a hanchoh, arünü azopung ching zochoh, tüsho ju ching zhipchoh; ha ju chingnü matrütkhuk. Khürünü ju ki zhisho, malojih yungsho sheshe küpkhuk chingnü mükhümkhit.

JEREMIA 10:5

Arü sangthsübo ju liuheak lu ching wuhnu-dütrütbe nangde lah, tüsho arünü masukachihkhuk; arübo ahanbeah, tümüde arünü mütsahkhuk. Arü ki dütre, tümüde amütsü müthsükhuk, yungsho arü kheak atsü thsüpü müla.

JEREMIA 50:2

Trükshih bolung thaang tüsho zhiyukang, riphin khimang tüsho zhiyukang, ha düram, thaang: Babilon dümdo, Bel achih ngüdo, Merodak mulong ninido. Anihbe mejak achih ngüdo, anihbe sangthsü mulong ninido.

JEREMIA 50:38

Kebo azhihde akung lah, junangde jurübo angahbah! Tümüde ha mejakbo lomi khülang tüsho arünü sangthsübo dunglim bünde yüchoh.

JEREMIA 51:44

Inü Babilon thrünpuh Bel thsümüchibah, tüsho apinü amuyukhi mülümkhitshihbah. Trükshihbonü kheaküa api ki shode müyü; Babilon chipi keamdo.

JEREMIA 51:47

Tsükjide inü Babilon mejakbo thsümüchipü kim arüchoh; anihbe lomi abümnü achih ngübah, tüsho alaksahkhi alala anihbe bolung labah.

JEREMIA 51:52

Jumonü inü anihbe sangthsübo thsümüchipü kim tsükjide arüchoh, tüsho anihbe lomi alala ching yurirünü ashearabah.

DANIEL 11:8

Apinü arü thrünpuh mejakbo tüsho thrünpuhbo kilim müsühkhitkhi suna tüsho shotoyinchi kukrukbo Ijip lim hanlode ayübah. Tüsho kam anükhüh kheak apinü dukulim kiulongthsüpuh yanpü chingnü atuklobah.

DANIEL 3:14

tüsho Nebukednezarnü arü ki tha, “Shadrak, Meshak tüsho Abednego, nüsanü I thrünpuhbo yungsho inü thsüa zhipshihkhi suna mejak mütankihkhi ju atsütsüa de?

NAHUM 1:14

Atungpuhnü nü dünkheak thiyukhüm jihdo: “ Nü mung lapü thsüde tsühsoniusobo müla; nü thrünpuhbo yam chingnü inü nü sangthsübo thsümünimjihbah. Inü nü kiuyuk thsübah, tümüde nü amo mülakhi lah.”

WÜHKHE 32:38

kheaküshe Nebo le Baal Meon (harü mungbo müthrikheah) tüsho Sibma tüsho arünü athsükhi kiutobo mung ji.

MATHI 23:4

Tümüde arünü hah amülangbo rhükchoh tüsho mihtsürübo dubuh kheak yihkihjihchoh, tüshe jurü hanrungpü yingkhing khülang she mülüplüpne.

1 SAMUEL 5:3

Küyimki Ashdod mihtsürü ashidopü mükikde asürükhea, ju ching Dagon ju Atungpuh sangdan miki mühüplimnü alo kheak lunga yapa lakheah. Jumonü arünü Dagon ju lubah api zopung ching zolo.