ISAIA 45:7 - AMÜSÜH HÜM CL Bible (BSI)

⁷ Inü ayinatrüm kamshih tüsho amiting thrünchoh, inü müngühmühi tüsho thsümütsü thrünchoh; I Atungpuhnü ha alala thsüchoh.

ISAIA 45:7 Iomraidhean Croise

2 KIULONG THSÜRÜ 19:25

Müngühlimnü inü lümkihdo de nünü muso de? Awün nimungbo chingnü inü lüm, kheakü tümü inü hande arücho, junangde nünü chipi ayünkhi kiutobo müneanmuru mujung kamshihdo.

JOB HU H T ANYU 10:13

Tütüshe hadürü nünü nü mulong ching ram; ha nü lümkhi lakheah de inü mükheahlah.

JOB HU H T ANYU 2:10

Tüshe apinü anihbe ki tha, “Mudukmüke liberü nangde nünü thachoh. Isanü Thrünpuh khah chingnü atsü leangkhibah amütsü müleangkhiba de?” Ha alala ching Jobnü amün hode neak müyihbeak.

JOB HU H T ANYU 34:29

Trükshih yungsho bümlangzü thsungkheak thsüthsü, küyimki apinü zhikde alabanü shepünü küpkhuk jihkhukba? Api miro ramchoki shepünü api ngükhukba?–

MUNGSHIKHÜN 105:28

Apinü amiting yüshih, tüsho ju mitingde kam; tüsho arünü api yu mazhih.

MUNGSHIKHÜN 29:11

Atungpuhnü api mihtsürü kilim sühmüh jihchoh; Atungpuhnü api mihtsürü mungtsü müngühmühi jihchoh.

MUNGSHIKHÜN 74:16

Nimung nü yo, azhing she nü yo; nünü ayin tüsho ani thsakham.

MUNGSHIKHÜN 75:7

Tüshe Thrünpuh ju mahkhaprü ah; apinü khülang keamshihchoh, tüsho püpürü shuhkihchoh.

MUNGSHIKHÜN 8:3

Küyimki inü nünü athsükhi thüning kheahba, nünü arü dangpung lashihkhi khinu tüsho chiningbo–

ABEKHIT 14:20

Junangde Ijip bonungrü le Israel bonungrü dükeak arü. Hanangde amo lakhinü khülang lim amiting la, tüsho püpü lim azhing ching ayin jih, junangde tsüngre amuyung sheshe phüniachihde marü.

ISAIA 31:2

Tütüshe api she lümlung lah tüsho thsümütsü handarüchoh; apinü anihbuh yubo matrütchoh, tüshe amütsü rhimorü yamkhün azhihde wusubah tüsho amülim rhimorü rungrü azhihbah.

ISAIA 42:16

Inü müktukrü arünü mümükheahkhi limronü abebah, arünü mümükheahkhi tsahpung ching limbebah. Inü arü müngüh amitingnü ayin kamshihbah, mutromutruk dangpungbo alo arih kamshihbah. Harü ha inü arhimobebo lah tüsho inü harü mübahyuk.

ISAIA 44:24

Atungpuhnü rhokhitrünü ha thachoh, Shepünü nuyam chingnü kamshihkhea: I Atungpuh , shepünü alala thrünkhea, shepünü lang thüningbo züngshangkhea, shepünü I küdahnü alomi jashih;

ISAIA 47:11

Tüshe amütsü rhimo nünü wurüknü müthsükhikhukkhi nü kheak arübah; nünü müyanlokhukde thsümütsü nü kheak keambah; tüsho nünü tümü she mümükheahkhi zukleangnü nü kheak athsümünim arübah.

JEREMIA 10:16

Jakob Thrünpuh a harü ruk yung, tümüde nü kukruk alala thrünkhi ju api lah, tüsho Israel ju api yamrüplurüp trük ah; Wuto Atungpuh ju api mung lah.

JEREMIA 13:16

Atungpuh nüsa Thrünpuh kilim apinü amiting mühandarüyide, tüsho shuhyini ching awungbo kheak nüsa jing mümükheyide müretahshang; nüsanü ayin kheahchoki, apinü ju bünangdo kamshihchoh tüsho mükjikhünkhit thsüde mitingshihchoh.

JEREMIA 31:35

Atungpuhnü ha thachoh, Shepünü animung yinshihpü ani jihcho tüsho azhing ching yinshihpü khinu tüsho chining zojihla, shepünü keto rhucho, junangde arungde abükcho– Wuto Atungpuh ju api mung lah:

JEREMIA 51:20

Nü a I yo thirithsü yümlung, I yo keochih thsühnuk; nü shuhbah inü trükshihbo yümnakchoh; nü shuhbah inü kiulongthsübo thsümünimchoh;

TÜZHOKHI 3:38

Ha Khide Achang mün chingnü atsü tüsho amütsü arüchoh yung de?

EZEKIEL 32:8

Thüningbo ayinatrüm alala inü nü kurungkheak mitingshihbah, tüsho nü lomi kheak amiting yukjihbah, Atungpuh Thrünpuhnü thachoh.

DANIEL 2:22

Apinü asük tüsho rama lakhibo akhiuka huhchoh; apinü amiting ching tümü lanü mükheahlah, tüsho api lung ayin lah.

JOEL 2:2

amiting tüsho azhingdokhi nimung, amobo lakhi tüsho kheahde amitingkhi nimung khülang! Müzüngbo kheak amürak liukihkhi nangde ato tüsho wulakhi tangkho bonungrü arüchoh; arü nangde adüsonü mülaakheah, yungsho arü dunglim arüpü lünbo ching mülalo.

AMOS 3:6

Kiuto ching hulipungpung mütbah mihtsürübonü mütrecho de? Atungpuhnü mürhimode kiuto ching thsümütsü dünjicho de?

AMOS 4:13

Tümütüsho, shepünü müzüngbo thrünchonü, apung thrünchoh, api lümkhi mihtsürübo ki huhchoh, yapsu ju amiting kamshihchoh tüsho alomi achangbo kheak tsahchoh– Atungpuh , Wuto Thrünpuh ju api mung lah!

AMOS 5:6

Atungpuh yimang tüsho laang, yungsho mo nangde apinü Josep yamkhün azhihde atrumusubah, tüsho hanü Bethel aniubah, shenü ju müzünmüt.

NAHUM 1:8

Tüshe azündokhi kekingnü apinü api azhihrü shahde akheamshihbah, tüsho apinü api riribo amiting ching yanyukbah.

YUNIRÜBO RHIMO 4:28

ju nü wu tüsho nü lümkhinü pungkhia lakhi dünjipü rhimopü lakheah.

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

JUDNÜ ATHRÜTKHI KIHÜM HUHTANYU 1:13

keto müküpde abükkhi, arü nihbuh achihbe arhukrhukke thurukihchoh; arü khilim lün thsungkheak amiting akheah akhua zokhi tsahde alakhi chiningbo ah.

JUDNÜ ATHRÜTKHI KIHÜM HUHTANYU 1:6

Tüsho yunirübonü arü lapung dükde mülade amüthrikhi mahkhap ato nimung khiungde akheam müla wuhrünliunü rhüka amiting ching zo;