ISAIA 45:5 - AMÜSÜH HÜM CL Bible (BSI)

⁵ I Atungpuh tüsho püpü müla; I hobah thrünpuh müla. Nünü I mümükheahkheah she inü nü düjitlobah,

ISAIA 45:5 Iomraidhean Croise

1 KIULONG THSÜRÜ 8:60

junangde lomi mihtsürü alalanü Atungpuh ju Thrünpuh ah de amükheahbah; ju ching püpü müla.

EZRA 1:2

“Ha Persia kiulongthsüpuh Sairus yukhüm ah: Atungpuh , yinmi Thrünpuhnü I kilim kiulongthsü alala jihdo, tüsho apinü Juda ching lakhi Jirusalem ching api thsungkheak arüngyam thsüpü I kilim mülüjih.

JOB HU H T ANYU 12:18

Apinü kiulongthsürübo binkiu chingnü akishihchoh tüsho ramyukrü kamshihchoh;

JOB HU H T ANYU 12:21

Apinü yakzanshuhrübo bahyukchoh tüsho sühmüh larü chimrümbe trünjihchoh.

MUNGSHIKHÜN 18:31

Atungpuh kheak hode Thrünpuh ju she a? Tüsho isa Thrünpuh kheak hode Lungto ju she a?

MUNGSHIKHÜN 18:32

Thrünpuhnü sühmüh hode I züt thsüjih, tüsho I limro banthsangshih.

MUNGSHIKHÜN 18:33

Apinü I jingbo shihmüchi jing nangde kamshih, tüsho achangbo kheak tsüde zojih.

MUNGSHIKHÜN 18:39

Tümüde nünü thirithsü thsungkheak sühmühnü I züt thsüjih; I azhihde wusurü nünü I khüp juyuk.

MUNGSHIKHÜN 86:10

Tümüde nü ato ah, tüsho amüyinsahbe rhimochoh; nü lang Thrünpuh ah.

ABEKHIT 9:14

tümütüsho hakhip a inü arüm ju nü mulong ching, nü yamlarübo le nü mihtsürübo kheak arüshihbah, junangde alomi alala ching I ruk müla de nünü amükheahbah.

ISAIA 22:21

tüsho api kheak nü yo shulünkhim phukihbah tüsho api kheak nü chimrümbe rümjihbah. Inü nü hahmülang api khah ching jihbah, tüsho api ju Jirusalem ching larü tüsho Juda yamkhün ching abuh khülang labah.

ISAIA 37:20

Jumonü kheakü, O Atungpuh isa Thrünpuh, api khah chingnü isa khümkhitang, junangde alomi kiulongthsübo alalanü nü lang Thrünpuh ah de amükheahbah.”

ISAIA 43:10

Nüsa I yumütsan thsürübo, Atungpuhnü thachoh, tüsho inü mokhitkhi I yamlarü, junangde nüsanü mükheahbah tüsho I kinbah tüsho I api ah de anikhitbah. I müngüh thrünpuh sheshe mükamde alakheah, yungsho I dunglim sheshe müla.

ISAIA 44:6

Atungpuhnü ha thachoh, Israel kiulongthsüpuh, tüsho api Rhokhitrü, Wuto Atungpuh : I atankih tüsho akheam; I hobah Thrünpuh she müla.

ISAIA 44:8

Dajan, yungsho dütre; inü nü ki adüso chingnü mütha de yungsho mükhipkhit de? Nüsa I yumütsan thsürübo! I hobah püpü thrünpuh la shi? Ju ching Lung püpü müla; inü mükheahlah, she müla.

ISAIA 45:1

Ha Atungpuhnü apinü mujude-mokhitkhi ki thachoh, shepü khah tsülim inü ramlola, api müngüh trükshihbo kukshihpü tüsho kiulongthsürübo zülu thokhipü, api müngüh khimdopü khimshuhpü– tüsho chipiripitbo mürih:

ISAIA 45:6

junangde I hobah she müla de aniakhiuklimnü aniyüzahlim khiungde mihbüm abannü amükheahbah; I Atungpuh tüsho püpü müla.

ISAIA 46:9

Adüso dünjikhibo lümkhitang; tümüde I Thrünpuh ah, tüsho püpürü müla; I Thrünpuh ah, tüsho I nangde she müla,

ISAIA 47:8

Kheakü jumonü ha aniang, nüsa shih muzhorübo, shepü keamramde la, shepünü mulong ching thacho, “ I ah, tüsho I hobah she müla; I khimoberü kama mübin yungsho tsührü dükheakkhi mümükheah.”

EZEKIEL 30:24

Inü Babilon kiulongthsüpuh bin düküngshihbah, tüsho I nukshang akhah ching yukjihbah; tüshe inü Pharao bin yihshakbah, tüsho ashepü yurirü nangde api miki anihbuhnü ashearabah.

JOEL 2:27

I Israel bolung lah de nüsanü mükheahbah, tüsho I, Atungpuh nüsa Thrünpuh ah tüsho püpü she müla. Tüsho kheaküa I mihtsürübo küyimkishe achih müngühshih.

JOHAN 1:1

Atankih ching Thiyu lakheah, Thiyu ju Thrünpuh lung lakheah tüsho Thiyu ju Thrünpuh lakheah.

YUZÜNGTHALO 32:39

Kheakü kheahang I, I lang, Thrünpuh ah, tüsho I hobah tümü thrünpuh müla; inü laksahchoh tüsho inü rhangdung lashihchoh; inü yurijihchoh tüsho inü ngushihchoh; tüsho I khah chingnü abekhitkhukpü thsüde sheshe müla.

YUZÜNGTHALO 4:35

Atungpuh ju Thrünpuh ah de ahuhpü thsüde ha nüsa ki rhimodo; api hode sheshe müla.

YUZÜNGTHALO 4:39

Jumonü khihni ha mükheahang, tüsho Atungpuh ju thüning tüsho alomi ching Thrünpuh ah de nüsa mulong ching lümang; ju ching püpü sheshe müla.