ISAIA 45:3 - AMÜSÜH HÜM CL Bible (BSI)

³ Inü amiting chingnü rahpungbo tüsho rama lakhi dangpungbo chingnü lakhitbo nü jihbah, junangde I Atungpuh de nünü mükheahbah, Israel Thrünpuh, shepünü nü mungnü jicho.

ISAIA 45:3 Iomraidhean Croise

2 KIUTHSÜYUKHEAN 6:17

Jumonü, O Atungpuh , Israel Thrünpuh, nünü nü yamlarü David ki alokhikhi yu dünjishang.

EZRA 1:2

“Ha Persia kiulongthsüpuh Sairus yukhüm ah: Atungpuh , yinmi Thrünpuhnü I kilim kiulongthsü alala jihdo, tüsho apinü Juda ching lakhi Jirusalem ching api thsungkheak arüngyam thsüpü I kilim mülüjih.

ABEKHIT 33:12

Mosanü Atungpuh ki tha, “Harü mihtsürü bepü nünü I ki thade la, tüshe I lung shepü yübanü nünü I ki mümükheahshih. Inü nü mungnü mükheahlah tüsho I miki mihmüthsüm ngüdo de nünü tha.

ABEKHIT 33:17

Judüki Atungpuhnü Mosa ki tha, “Nünü athakhi inü arhimobah; tümüde nü I miki mihmüthsüm ngüdo, tüsho inü nü mungnü mükheahlah.”

ISAIA 41:23

Ha dunglim tümü arübanü isa ki thaang, junangde nüsa ju thrünpuhbo ah de isanü amükheahbah; atsü thsang, yungsho thsümünimang, junangde isanü atrebah tüsho müyinsahbah.

ISAIA 43:1

Tüshe kheakü Atungpuhnü ha thachoh, shepünü nü thrünkhea, O Jakob, shepünü nü kamshihkhea, O Israel: Dütre, tümüde inü nü rhokhit; inü nü mungnü ji, nü I yo.

ISAIA 48:15

I, inü she asuk tüsho api jikheah, inü api bedarü, tüsho api limro ching akuk ngübah.

ISAIA 49:1

I ki aniang, O keyean lobo, tsüde aniang, nüsa limshu mihtsürübo! müzübechokinü Atungpuhnü I jikheah, I be nuyam ching lachoki apinü I mung jijihkheah.

JEREMIA 41:8

Tüshe arü bolung ching mihtsürü 10nü Ishmael ki tha, “ Isa dülaksah, tümüde isa lubo ching wheat hi, barli hi, müdangke, tüsho mukhuke rama zokhi lah.” Jumonü apinü arü bemuwuh tüsho arü borü lungnü mülaksah.

JEREMIA 50:26

Thrip aban chingnü anihbe azhihde arang; anihbe jakambo khimshuhang; hi wumujungkhi nangde anihbe mujungshang, tüsho shahde anihbe thsümünimang; anihbe yo tümü she daningshih.

JEREMIA 50:37

Anihbe khorabo tüsho khora-lolungbebo azhihde nukshang lah, tüsho anihbe bolung khiungkerü thirithsürübo azhihde lah, junangde arübo azoberü kamabah! Anihbe rahpungbo alala azhihde nukshang lah, junangde jurübo yankhia lubah!

JEREMIA 51:13

Nüsa sherü ke ahihdo yean lacho, rahpungbo ching lakhit la, nüsa yo akheam arüdo, nü rhangdung liu yihshakdo.

JEREMIA 51:53

Babilonnü thüning lim yükihkih she, tüsho anihbenü chipi changde ayünyün she, I kilimnü athsümünimrü anihbe kheak arübah, Atungpuhnü thachoh.