ISAIA 45:21 - AMÜSÜH HÜM CL Bible (BSI)

²¹ Thaang tüsho nü lümkhi handarang; arünü rukhüh keokhikeorashang! Ha adüsonü shenü akhipkhitkhea? Ha müngühlimnü shenü athakhea? I Atungpuhnü yung de? I hobah püpü thrünpuh müla, thiyuro-lungki tüsho Akhümkhitbuh; I hobah she müla.

ISAIA 45:21 Iomraidhean Croise

MUNGSHIKHÜN 26:7

makshe jihkhi khün thsüchoh tüsho nü amüyinsahbe rhimobo thachoh.

MUNGSHIKHÜN 83:18

junangde arünü nü mung ju lang Atungpuh ah de, nü alomi alala kurungkheak Khide Achang mükheahbah.

MUNGSHIKHÜN 96:10

Trükshihbo lung thaang, “Atungpuhnü kiulongthsüchoh; alomiküp she düngde thsüa lah, ha maphap; apinü thiyuro-lungkinü mihtsürübo mahkhapbah.”

ISAIA 19:20

Ha Ijip lomi ching Wuto Atungpuh kilim amütsan tüsho thiyumütsan khülang labah; küyimki ajunorü dünkheaknü arünü Atungpuh ki zhibanü, apinü arü kilim akhümkhitrü khülang yüshihbah, tüsho atsungdobah tüsho arü bekhitbah.

ISAIA 41:26

Shepünü atankih chingnü ha müchita lakhea, junangde isanü mükheah-a labah, tüsho akhuhlimnü a, junangde isanü athabah, “Api alungki ah?” Ha khipkhitpü she mülakheah, azhiyukpü she mülakheah, nü yubo sorü she mülakheah.

ISAIA 43:11

I, I Atungpuh ah, tüsho I hobah akhümkhitrü she müla.

ISAIA 43:3

Tümüde I Atungpuh nü Thrünpuh, Amüsüh Israel Thrünpuh, nü Khümkhitbuh. Inü nü rhokhitpü Ijip, nü müthri Ethiopia tüsho Seba jihchoh.

ISAIA 43:9

Trükshih alala rukhüh mukhungshang tüsho mihtsürübo mukhungshang. Arü bolung shepünü ha khipkhitkhukba tüsho atsokhibo thakhukba? Arünü mütsanmükhipü arü thiyumütsanbo hande arüshang, tüsho arünü soshang tüsho thashang, “Ha thiyuro.”

ISAIA 45:14

Atungpuhnü ha thachoh: Ijip lakhit tüsho Ethiopia yinzüyindo, Seba atoashangbonü nü kilim arübah tüsho nü yo thsübah, arünü nü yanbah; arübo wuhrünliu yukbah arübah tüsho nü ki khukningbah. Arünü nü ki mushude athabah, “Thrünpuh nü lung lang lah, tüsho püpü müla; api hobah püpü thrünpuh müla.”

ISAIA 45:18

Tümüde Atungpuhnü ha thachoh, shepünü thüningbo thrünkhea, api Thrünpuh ah; shepünü alomi kamshihkhea tüsho athsükhea, apinü thrünkihdo; apinü akeangkeang zopü müthrün, apinü alashihpü kamshih: I Atungpuh tüsho püpürü müla.

ISAIA 45:25

Atungpuh kheak Israel tsührü alala alim kambah tüsho müretahbah.

ISAIA 45:5

I Atungpuh tüsho püpü müla; I hobah thrünpuh müla. Nünü I mümükheahkheah she inü nü düjitlobah,

ISAIA 48:14

Nüsa alala mukhungang, tüsho aniang! küpü sangthsünü ha müchitkhea? Atungpuhnü api muzholah, apinü anihbuh lümkhi Babilon kheak rhimobah, tüsho api khahnü Kaldea azhihkhi labah.

ISAIA 48:3

Adünjipü lakhi adüsonü inü müchitdo, arübo I mün chingnü wukhiuk tüsho inü arübo mükheahshih; jushu nahdü lang inü rhimo tüsho dünji.

ISAIA 60:16

Nünü trükshihbo kheaknü niuhke dukbah, nünü kiulongthsürübo niuh dukbah; tüsho I Atungpuh , nü Khümkhitbuh tüsho nü Rhokhitrü, Jakob yo Wuto Khülang ah de nünü amükheahbah.

ISAIA 63:1

“ Edom ching lakhi Bozra chingnü rung-khiungkhi khim yihbah arücho ju shepü a? Müretahkhinü züt thsübah, wu ato chingnü arücho ju shepü a?” “Ha I, thiyuro-lungki ching asukchoh, akhümkhitpü wu lah.”

JEREMIA 50:2

Trükshih bolung thaang tüsho zhiyukang, riphin khimang tüsho zhiyukang, ha düram, thaang: Babilon dümdo, Bel achih ngüdo, Merodak mulong ninido. Anihbe mejak achih ngüdo, anihbe sangthsü mulong ninido.

HOSEA 13:4

Tütüshe Ijip lomi chingnü I Atungpuh nü Thrünpuh thsüde arüchoh; nünü tümü Thrünpuh mümükheah tüshe I ah, tüsho I hobah akhümkhitrü she müla.

ZEPHANIA 3:17

Atungpuh , nü Thrünpuh, nüsa bolung lah, Wuto Khülangnü nü khümkhitbah; apinü nü kurungkheak asühbah, apinü api muzho ching nü aso kamshihbah; apinü nü kurungkheak asühde khün thsübah,

ZEPHANIA 3:5

Ju ching lakhi Atungpuh ju thiyuro-lungki; apinü amülim mürhimo. Yapsu aban apinü mahkhapchoh, anipdokhün mülakphah; tüshe thiyuro mülakhinü achihbe tümü mümükheah.

ZEKARIA 14:7

Tüsho ju ching mutukzhakde animung labah (Atungpuhnü ha mükheahlah), animung tüsho are müla, tümüde azhing kim ching ayin labah.

ZEKARIA 14:9

Tüsho Atungpuh ju lomi alala kurungkheak kiulongthsüpuh kambah; ju nimung Atungpuh khülang tüsho api mung khülang labah.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

YUNIRÜBO RHIMO 15:18

adüsonü harü mükheahshihbuh Atungpuhnü thachoh.’