ISAIA 45:20 - AMÜSÜH HÜM CL Bible (BSI)

²⁰ Nüsa shomukhungang tüsho rukhüh arang, phünide arang, nüsa trükshih chingnü tsokhita larübo! Arübo mükheahmudu müla– sherünü arü sangthsübo hancho, tüsho mükhümkhitkhukbe thrünpuh ki tamkhüntamnücho.

ISAIA 45:20 Iomraidhean Croise

2 KIUTHSÜYUKHEAN 25:15

Atungpuhnü Amazia kheak bukakhiuk tüsho api kilim wukihrü khülang yüshihbah api ki tha, “Tümüde nünü nü khah chingnü arü mihtsürübo mübekhitkhukkhi mihtsürü thrünpuhbo yimkhea?”

2 KIUTHSÜYUKHEAN 28:23

Tümüde apinü Damaska thrünpuhbo kilim kingaün jih, küpünü anihbuh kukkhea, tüsho tha, “Tümütüsho Asiria kiulongthsürübo thrünpuhbonü arü rung, inü arü ki kingaünbah, junangde arünü I rungbah.” Tüshe arü ju anihbuh tüsho Israel alala thsümünimrü lakheah.

MUNGSHIKHÜN 115:8

Sherünü jurü thsükheanü arü nangde lah; jurü kheak kinrü abannü junangde lah.

ISAIA 4:2

Ju nimung Atungpuh sangkhah akheahakhambah tüsho müretahbah, tüsho lomi sangaso ju Israel aninga larü thsungkheaknü kükheangkhi tüsho müretahkhi labah.

ISAIA 41:21

Nüsa lümkhi lubah arang, Atungpuhnü thachoh; nüsa mütsanyubo lubah arang, Jakob kiulongthsüpuhnü thachoh.

ISAIA 43:9

Trükshih alala rukhüh mukhungshang tüsho mihtsürübo mukhungshang. Arü bolung shepünü ha khipkhitkhukba tüsho atsokhibo thakhukba? Arünü mütsanmükhipü arü thiyumütsanbo hande arüshang, tüsho arünü soshang tüsho thashang, “Ha thiyuro.”

ISAIA 44:10

Shepünü nihbuh alü mülakhi thrünpuh yungsho sangthsü thsücho?

ISAIA 44:9

Sangthsü thsürü alala tümü müla, tüsho arü asühkhi kukrukbo alü müla; arü thiyumütsanbo müngü yungsho mümükheah. Jumonü arübo achih ngüshihbah.

ISAIA 46:1

Belnü khukningchoh, Nebonü mükhümchoh, arü sangthsübo shiwüh tüsho moshibo kheak lah; nüsanü ahankhibo ha akeakpü lakhi shiwühbo kheak hahmülang lah.

ISAIA 48:14

Nüsa alala mukhungang, tüsho aniang! küpü sangthsünü ha müchitkhea? Atungpuhnü api muzholah, apinü anihbuh lümkhi Babilon kheak rhimobah, tüsho api khahnü Kaldea azhihkhi labah.

ISAIA 57:13

Küyimki nünü azhibanü, nünü akümukhungkhi sangthsübonü nü bekhitshang! Apungnü arü yünde atsobah, sheak khülangnü arü yünde atsobah. Tüshe sherünü I kheak tsoyukbanü alomi lubah tüsho I yo amüsüh awung yamrüplurüp lubah.

JEREMIA 10:14

Mihbüm aban keakeashahshahlah tüsho mükheahmudu müla; sunakingrübo alala arü sangthsübonü achih ngüshih; tümüde arü sangthsübo akeangyu tüsho arü kheak sheak müla.

JEREMIA 10:5

Arü sangthsübo ju liuheak lu ching wuhnu-dütrütbe nangde lah, tüsho arünü masukachihkhuk; arübo ahanbeah, tümüde arünü mütsahkhuk. Arü ki dütre, tümüde amütsü müthsükhuk, yungsho arü kheak atsü thsüpü müla.

JEREMIA 10:8

Arü chido keakeashahshah-a tüsho makhaa lah; mümokhi sangthsübo kheaknü arünü tümü anikhitpü?

JEREMIA 48:13

Judüki Moab ju Israel yamkhünnü Bethel kheak kinkhi hode achih ngükhi nangde Kemosh dünkheaknü achih ngübah.

JEREMIA 48:47

Judüalalashe inü hashu nimungbo ching Moab kuhi jihlobah, Atungpuhnü thachoh. Ha khiungde Moab kheak mahkhap lah.

JEREMIA 50:28

Aniang! Babilon lomi chingnü tsotsahrümtsahrübo Atungpuh isa Thrünpuh royimkhi, api arüngyam royimkhi Zion ching zhiyukpü arüchoh.

EFISIA 2:12

junangde ju kim ching nüsa Khrista mülade, Israel boto-lakhit chingnü chamkhide tüsho alokhikhi tangzüng chingnü limshude, alomiküp ching mulongram tüsho Thrünpuh mülade alakheah.

EFISIA 2:16

tüsho isa chido sangkim hode pang khülang ching Thrünpuh kheak tsüarihlode mükthsükhi akheam thsüshihpü lakheah.