ISAIA 45:14 - AMÜSÜH HÜM CL Bible (BSI)

¹⁴ Atungpuhnü ha thachoh: Ijip lakhit tüsho Ethiopia yinzüyindo, Seba atoashangbonü nü kilim arübah tüsho nü yo thsübah, arünü nü yanbah; arübo wuhrünliu yukbah arübah tüsho nü ki khukningbah. Arünü nü ki mushude athabah, “Thrünpuh nü lung lang lah, tüsho püpü müla; api hobah püpü thrünpuh müla.”

ISAIA 45:14 Iomraidhean Croise

THRÜNTAN 27:29

Mihtsürübonü nü tankihshang, tüsho trükshihbonü nü ki mükhümshang. Nü keoniorü alala kurungkheak aputungrü thsang, tüsho nü be tsührübonü nü ki mükhümshang. Nü athrurü muthrumüneanshang, tüsho nü müngühjihrü müngühshang!”

2 SAMUEL 21:20

Kheaküshe Gath ching thirithsü lakheah, ju ching mihtsürü khülang trungdung ato lakheah, akhah abande yingkhing 6, tüsho amüphü abande yingmünüpü 6, alala thsürubah 24; api she Rabha tsührü-tsührü lakheah.

ESTER 8:17

Kiuto tüsho lomi aban ching kiulongthsüpuh yusheak küyimki khekhea, Jihudarübonü mude asühkhi thünio niode mung. Tüsho lomi ching püpürü mihtsürübo she ahihkhüh Jihudarü kam, tümüde kheaküa arübonü Jihudarübo treabah.

JOB HU H T ANYU 1:15

Sabeanrübo arübah arü lubah tsodo, tüsho yamlarübo nukshangnü laksahdo; nü ki thapü I lang atsokhitkheah.”

JOB HU H T ANYU 11:19

Nü zuh-a yapbah, tüsho shenü nü mütreshih; ahihdonü nü arung lupü mürühbah.

MUNGSHIKHÜN 149:6

Arünü arü khah ching ayuk nukshangbo shuhbah achangnü zhide Atungpuh shishang,

MUNGSHIKHÜN 149:8

arü kiulongthsürübo wuhrünliubonü, tüsho arü limberübo yinchiliubonü arhükpü;

ABEKHIT 11:8

Tüsho nü yamlarübo alalanü I ki arübah athabah, ‘Nü tüsho nü lung yürü alala wukhiukang!’ Jushu I wukhiukbah.” Tüsho Pharao mikinü apinü khide bukakhiukde wukhiuk.

ISAIA 10:33

Kheahang, Wuto Atungpuhnü atrebe wunü sangkhahbo ngamshakbah; sangdung ashangshangbo kiushakbah, tüsho achangbo ju abobe kamshihbah.

ISAIA 18:1

Ah, Ethiopia ayungbo hobahle aghi adankhi,

ISAIA 18:7

Ju kim ching Wuto Atungpuh kilim, mihtsürü ashang tüsho küpshahshah, trede alakhi mihtsürü aphüni tüsho limshu, wulakhi tüsho akuk ngükhi trükshih, ayungbonü chamnakbah alakhi lomi ching larünü Wuto Atungpuh mung lapung Zion Müzüng ching thsambahbo handarübah.

ISAIA 19:21

Atungpuhnü anihbuh Ijiprü ki mükheahshihbah; tüsho ju nimung Ijiprünü Atungpuh mükheahbah, tüsho shuhmülanga jihde taka kingaünbah, tüsho arünü Atungpuh ki thiyuchihchimbah tüsho jurü rhimobah.

ISAIA 19:22

Atungpuhnü Ijip shikbah tüsho athsüngubah; arünü Atungpuh kilim rholobah tüsho apinü arünü mushukhibo anibah tüsho arü thsüngujihbah.

ISAIA 23:18

Anihbenü shothsümolokhi tüsho mihkhah mulokhibo Atungpuh kilim müsühkhitbah; anihbenü alü thsükhibo ju muzomukhung yungsho rama muzo, tüshe anihbenü amulokhi ju Atungpuh miki larü thsungkheak tsühyungpü tüsho khimmih suhdahde ahiuh-a jihbah.

ISAIA 43:3

Tümüde I Atungpuh nü Thrünpuh, Amüsüh Israel Thrünpuh, nü Khümkhitbuh. Inü nü rhokhitpü Ijip, nü müthri Ethiopia tüsho Seba jihchoh.

ISAIA 44:8

Dajan, yungsho dütre; inü nü ki adüso chingnü mütha de yungsho mükhipkhit de? Nüsa I yumütsan thsürübo! I hobah püpü thrünpuh la shi? Ju ching Lung püpü müla; inü mükheahlah, she müla.

ISAIA 45:24

Atungpuh kheak lang thiyuro-lungki tüsho sühmüh lah de arünü I dünkheak thabah; bukakhiukde api azhihrü alala api ki arübah tüsho achih ngübah.

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

ISAIA 54:3

Tümüde nü tsülim tüsho huzulim bude ayübah, tüsho nü tsühsoniusobonü trükshihbo lubah tüsho abahkhitkhi kiutobo ching labah.

ISAIA 55:5

Kheahang, nünü mümükheahkhi trükshihbo nünü ajibah, tüsho nü mümükheahkhi trükshihbonü, Atungpuh , nü Thrünpuh, Israel Amüsüh Thrünpuh dünkheaknü nü kilim arübah; tümüde apinü nü müretahshih.

ISAIA 60:3

Trükshihbonü nü yo ayin lim arübah, tüsho khiungkerübonü nü yo yapsu ayinatrüm lim arübah.

ISAIA 61:9

Arü tsühsoniusobo trükshih bolung mükheahbah, tüsho arü münübo mihtsürü bolung mükheahbah, arü ngürü alalanü arübo ju Thrünpuhnü müngühjihkhi mihtsürü de amükheahbah.

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

EZEKIEL 23:42

Anihbe mühide lümamükheahrü boto düsheak lakheah, ju lung alanaji mihtsürü ahihdo sunglo chingnü müshanga bedarü; tüsho arünü aliberübo binbo kheak bingkhümbo yukjih, tüsho ane ku kheak akheahakham kuthranbo thranjih.

EZEKIEL 31:3

Asiria lümakheahang, Lebanon cedar khülang, akhahbo atsü tüsho alamdokhi murung, tüsho tode amo khiungde achangkhi.

JOEL 3:8

Inü nüsa tsührübo tüsho tsührübebo Juda mihtsürü ki yinbah, tüsho arünü arübo ju limshude alakhi trükshih khülang, Sabeanrü ki yinbah; tümüde Atungpuhnü asukdo.

WÜHKHE 13:32

Jumonü arübonü zütakheahkhi dünkheak thiyusheak amütsü Israel mihtsürübo ki tha, “ Isanü zütakheahkhi lonü ju ching larübo lang she tsühyungpü suhdahde akhiuka mükip, isanü angürübo alala atoshang lang ah.

1 KORINT 14:25

tüsho api mulong ching rama lakhi lahkhitbah; junangde apinü khukningde Thrünpuh kingaünbah tüsho Thrünpuh nüsa bolung lah de athabah.

1 TESALONIKA 1:9

Künangde nüsanü isa leangkhikheanü, tüsho sangthsübo kilimnü arhang tüsho thiyuro Thrünpuh tankihpü rholokhi,

AMIKHEAKAKHIUKKHI 3:9

Arimri sinagog ching larübo, arü Jihudarü ah de akeangyu tharü nü jing ki khukningshihbah tüsho inü nü muzhokhi mükheahshihbah.