ISAIA 45:11 - AMÜSÜH HÜM CL Bible (BSI)

¹¹ Atungpuhnü ha thachoh, Israel Amüsüh Thrünpuh, tüsho Athrünrü: I tsührü yungsho I khah rhimo dünkheak nünü I ki keokhiba de?

ISAIA 45:11 Iomraidhean Croise

THRÜNTAN 32:26

Tüsho apinü anihbuh ki tha, “I tsoshang, tümüde ayinkhipü thsüchoh.” Tüshe apinü tha, “Nünü I mümüngühjihsho inü nü mutsoshih!”

ISAIA 19:25

sherübo ki Wuto Atungpuhnü müngühjihde tha, “ I mihtsürü Ijip müngühmühi thsang, tüsho I khahnü rhimokhi ju Asiria, tüsho I yamrüplurüp ju Israel.”

ISAIA 29:23

Tümüde küyimki apinü api lung inü ajihkhi tsührübo ngübanü, arünü I mung müsühkhitbah; arünü Jakob yo Amüsühbuh Khülang müsühkhitbah, tüsho Israel Thrünpuh wüntrekhi ching zhipbah.

ISAIA 43:1

Tüshe kheakü Atungpuhnü ha thachoh, shepünü nü thrünkhea, O Jakob, shepünü nü kamshihkhea, O Israel: Dütre, tümüde inü nü rhokhit; inü nü mungnü ji, nü I yo.

ISAIA 43:15

I Atungpuh nü yo Amüsüh Thrünpuh, Israel Thrünrü, nü kiulongthsüpuh.

ISAIA 43:21

mihtsürü sherü I thsungkheak kamshihkhea, junangde arünü I mung shikhi khipkhitbah.

ISAIA 43:3

Tümüde I Atungpuh nü Thrünpuh, Amüsüh Israel Thrünpuh, nü Khümkhitbuh. Inü nü rhokhitpü Ijip, nü müthri Ethiopia tüsho Seba jihchoh.

ISAIA 43:7

Sherübo I mung chingnü jia la, sherü I müretahpü inü thrün, sherü inü kamshih tüsho thrün.”

ISAIA 44:2

Atungpuhnü ha thachoh, shepünü nü thrünkhea, shepünü nü nuyam chingnü kamshihkhea tüsho nü rungpü la: Dütre, O I yamlarü Jakob, Jeshurun, shepü inü mokhitkhea.

ISAIA 45:10

Shenü buhrü ki ha thachonü are, “ Nü tümü ngükhea?” yungsho berü ki, “ Nü tümü zübekhea?”

ISAIA 48:17

I Atungpuhnü ha thachoh, nü Rhokhitrü, Amüsüh Israel Thrünpuh: shepünü nü tsüpü thsungkheak thsangyucho, shepünü nü yüpü lakhi limro ching nü becho, I Atungpuh nü Thrünpuh.

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

ISAIA 60:21

Nü mihtsürü alala thiyuro-lungki labah; arünü lünnü alomi lubah. Arübo inü akhimkhi dübit, I khah rhimo, junangde I müretahbah.

ISAIA 63:16

Tümüde nü isa abuh, Abrahamnü isa mümükheahkheah she tüsho Israelnü isa mümütsantsan she; nü, O Atungpuh , isa abuh lah; adüsonü isa Rhokhitbuh ju nü mung ah.

ISAIA 64:8

Tütüshe, O Atungpuh , nü a isa Abuh; isa ju alo, tüsho nü isa phühdamrü; isa alala nü khah rhimo ah.

ISAIA 8:19

Küyimki mihtsürübonü dapdaprururü mesherü tüsho me-larü ki keoang de nü ki thabanü, mihtsürübonü arü Thrünpuh ki mükeobea de? Tümüde arhang larü thsung thsüde asherü ki keokhicho?

JEREMIA 3:19

I tsührü bolung küde thsah nü zojihpü; tüsho alo atsü, trükshih alala yo akheahakham yamrüplurüp küde ajihpü de inü tha. Tüsho nünü I ki, abuh de ajibah tüsho I kilimnü rholode mutso de inü tha.

JEREMIA 31:1

Atungpuhnü thachoh, ju kim ching I Israel yamkhün alala Thrünpuh thsübah, tüsho arübo I mihtsürü thsübah.

JEREMIA 31:9

Tripde arübo arübah tüsho shukheamde inü arü belodarübah, inü arübo yungzü ke yeande atsahshihbah, limro mukhiungkhi ching arü jing mümükhe; tümüde I Israel abuh kamdo tüsho Ephraim ju I tsührü adüjibuh.

JEREMIA 33:3

I ki jiang tüsho inü nü ki alobah, tüsho nünü mümükheahkhi ato tüsho aramyu nü ki thabah.

EZEKIEL 36:37

Atungpuh Thrünpuhnü ha thachoh: kheaküshe Israel yamkhün mihtsürübo namfimihnu boto nangde akamshihpü rhimopü thsüde arünü I ki keokhibah.

EZEKIEL 39:7

Inü I mihtsürü Israel bolung I mung amüsüh mükheahshihbah; tüsho inü kheaküa I mung amüsüh mümüneanshih; tüsho trükshihbonü I Atungpuh Israel ching Amüsüh Khülang de mükheahbah.

DANIEL 2:18

tüsho ha amüthakhukkhi aramyu dünkheaknü Daniel tüsho api müyamrübo Babilon lümlung larü mihtsürü lung müdükheakpü thsüde yinmi Thrünpuh kilimnü mihmuzho yimshihpü arü ki tha.

HOSEA 1:10

Tütüshe Israel mihtsürü khekhi ju madünkhuk yungsho mükhekhukkhi keto loyi nangde alabah; tüsho arü ki, “ Nüsa I mihtsürü yung,” de athakhi müthri arü ki thabah, “Arhang Thrünpuh tsührü.”

HOSEA 12:4

Apinü yunirü bede shochih tüsho kuk; apinü trip tüsho api amuzho yim; apinü Bethel ching Thrünpuh shoru, tüsho ju ching apinü anihbuh ki asuk.

MARK 11:24

Jumonü inü nüsa ki thachoh, tümüpürü nüsanü tamkhüntamnüde akheangbanü nüsanü jurü leangkhipü akin laang, tüsho nüsanü jurü ngübah.

2 KORINT 6:18

I nüsa abuh thsübah, tüsho nüsa I tsührübo le tsührübebo thsübah, Wuto Atungpuhnü thachoh.”

EFISIA 2:10

Tümüde isa ju Thrünpuhnü amüngühnü jurü ching isa tsahshihpü thsakhamjihkhi rhimo atsübo thsungkheak Jisu Khrista ching thrünkhi api rhimo ah.

JIHUSUA 10:12

Atungpuhnü Israel mihtsürü kilim Amorrü kheak akuk ngüshihkhi nimung mihtsürübo lungnü Jihusuanü Atungpuh ki tha, “ Ani, Gibeon kumung dütsahde zhipang; khinu, Aijalon jindükhün ching zhipang.”

MAHKHAPRÜ 16:23

Kheakü Filistia kiulongthsürübo arü thrünpuh Dagon kilim laksah-a kingaünkhi ato jihpü tüsho asühachihpü mukhung. Tüsho arünü tha, “Isa thrünpuhnü isa riri Samson isa khah ching jihdo!”