ISAIA 45:1 - AMÜSÜH HÜM CL Bible (BSI)

¹ Ha Atungpuhnü apinü mujude-mokhitkhi ki thachoh, shepü khah tsülim inü ramlola, api müngüh trükshihbo kukshihpü tüsho kiulongthsürübo zülu thokhipü, api müngüh khimdopü khimshuhpü– tüsho chipiripitbo mürih:

ISAIA 45:1 Iomraidhean Croise

1 KIULONG THSÜRÜ 19:15

Judüki Atungpuhnü api ki tha, “Yüang, Damaska sunglo ching nü limro lim rholoang; küyimki nü akhiungbanü, nünü Aram kurungkheak kiulongthsürü thsüpü Hazael mujudemokhitang.

EZRA 1:1

Sairusnü Persia kiulongthsükhi akhuhbe kam ching, Jeremia mün hode Atungpuh yu dünjishihpü thsüde, Atungpuhnü Persia kiulongthsüpuh Sairus me tuthsukmusu tüsho api kiulongthsü bukkhüp lomi alala ching thrüta zhiyukshihpü tha:

EZRA 1:2

“Ha Persia kiulongthsüpuh Sairus yukhüm ah: Atungpuh , yinmi Thrünpuhnü I kilim kiulongthsü alala jihdo, tüsho apinü Juda ching lakhi Jirusalem ching api thsungkheak arüngyam thsüpü I kilim mülüjih.

JOB HU H T ANYU 12:21

Apinü yakzanshuhrübo bahyukchoh tüsho sühmüh larü chimrümbe trünjihchoh.

MUNGSHIKHÜN 73:23

Judüalalashe I nü lung mutuklode lah; nü khah tsülimnü I tholoang.

ISAIA 13:2

Awung achang kheak riphin khülang shuhkihang, arü ki achangnü zhiang; mükheahmudurü ripit ching yüzahpü arü thsungkheak nü khah ayitang.

ISAIA 13:3

Inü müsühkhitrübo inü thiyukhüm jih, I rithsürübo, I lung asühachihrübo I bukakhiukkhi rhimoshihpü jimukhungdo.

ISAIA 41:13

Tümüde, I, Atungpuh nü Thrünpuh, nü khah tsülim ramlolah; inü nü ki thachoh, “Dütre, inü nü rungbah.”

ISAIA 41:2

Shepünü aniakhiuklimnü khülang asürüshihkhea, api tankihpü thiyuro ching jikhea? Apinü trükshihbo api kilim jih tüsho kiulongthsübo müphü khüp thrüm; apinü arübo api nukshangnü asungthulung nangde, api sanglühnü yüna tsoshihkhi müneang nangde kamshih.

ISAIA 41:25

Inü khülang dukulim thurumusudo, tüsho api arüdo, aniakhiuklimnü I mung chingnü jido. Apinü yakzanshuhrübo kheak loyi kheak nangde, phühdamrünü alo damkhi nangde ajungbah.

ISAIA 42:6

I Atungpuh , inü thiyuro-lungki ching jikheah, nü I khahnü bea lu tüsho zo; inü nü mihtsürübo kilim tangzüng khülang, trükshihbo kilim ayin nangde jih,

ISAIA 44:28

shepünü Sairus dünkheak tha, “Api I mihnu neakrü, tüsho apinü I lümkhi alala rhimode ayübah;” tüsho shepünü Jirusalem dünkheak tha, “Ha athsülobah,” tüsho arüngyam dünkheak, “ Nü khimtan khimbah.”

ISAIA 45:5

I Atungpuh tüsho püpü müla; I hobah thrünpuh müla. Nünü I mümükheahkheah she inü nü düjitlobah,

ISAIA 48:15

I, inü she asuk tüsho api jikheah, inü api bedarü, tüsho api limro ching akuk ngübah.

JEREMIA 27:6

Kheakü inü harü lomi alala I yamlarü, Babilon kiulongthsüpuh Nebukednezar khah ching jihdo, tüsho inü api kilim mütüm shiwühbo she api tankihpü jihdo.

JEREMIA 43:10

tüsho arü ki thaang, Wuto Atungpuh , Israel Thrünpuhnü ha thachoh: Inü Babilon kiulongthsüpuh I yamlarü Nebukednezar bedarübah, tüsho inü ayangkhi lungbo kheak api kiulongthsü zobah, tüsho apinü jurü kheak kiulongthsü-khim phukihbah.

JEREMIA 50:3

Tümüde dukulimnü trükshih khülang anihbe azhihde arübah; junü anihbe lomi zhikshihbah, tüsho ju ching she müla; mihtsürü tüsho shiwühbo chido tsoabahbah.

JEREMIA 50:35

Kaldearü tüsho Babilon ching larü azhihde, tüsho anihbe torübo tüsho lümlung larü azhihde nukshang khülang lah, Atungpuhnü thachoh!

JEREMIA 51:11

Hühzobo züang! Tsungbo thsakhamang! Atungpuhnü Midia kiulongthsürübo me thurumusudo, tümütüsho Babilon dünkheak api lümkhi ju athsümünimpü lah, tümüde ju Atungpuh royimkhi, api arüngyam royimkhi lah.

JEREMIA 51:30

Babilon thirithsürübonü keochihpü tuklodo, arübo chipi ayünkhi ching lah; arü sühmüh keaka lah, arübo azoberü kamdo; anihbe yambo keak mo takkihdo, akhrihbebo zhaka lah.

JEREMIA 51:58

Wuto Atungpuhnü ha thachoh: Babilon chipi ato ju alo arihde akambah, tüsho anihbe chipiripit achangbo monü atakbah. Mihtsürübo akeangkeang ching khichoh, tüsho trükshihbonü mo thsungkheak lang rhimochoh.

EZEKIEL 29:20

Inü apinü arhimokhi dün khinusho nangde api kilim Ijip lomi jihdo, tümütüsho arünü I thsungkheak rhimodo, Atungpuh Thrünpuhnü thachoh.

DANIEL 5:6

Judüki kiulongthsüpuh miro pheakmulukdo kam, tüsho api lümkhilümduhnü anihbuh trede kamshih. Api jingkhahbo shekhiabah, tüsho amukhukbo lakachih.

DANIEL 7:5

Püpü mahnepü shiwüh akhiuk, ju akheahpü kuto nangde alakheah. Ju thripkhühnü zhip, tüsho amün ching ahü bolung arheangro mahsam lakheah tüsho tha, “Asürang, shih ahihdo tsühang!”

DANIEL 8:3

Inü abinkih-a kheah tüsho namfimihnupung khülang ayung yean zhipkhi ngü. Ju ajuh mahne kihde alakheah. Ajuh ane chido ashang lakheah, tüshe khülang ju püpü kheaknü ashangbe lakheah, tüsho ashangbe ju ashude akhiuk.

DANIEL 8:4

Namfimihnupung junü aniyüzahlim tüsho dukulim tüsho düjinglim khude inü ngü. Ju thsolopü tümü shiwüh she mülakheah, tüsho shenü she ju wu chingnü mütsokhitkhuk; apinü alümkhi nangde apinü rhimo tüsho müküpde kam.

NAHUM 2:6

Ayung yean chipiripitbo lakashunga lah, kiulongthsürü-yam ajanchoh.

NAHUM 3:13

Nü rithsürübo kheahang: arübo azoberü nangde lah, nü lomi chipiripitbo nü riribo kilim khimshuhmülih-a lah; nü chipiripit rihbebo monü aniuabahdo.