ISAIA 44:8 - AMÜSÜH HÜM CL Bible (BSI)

⁸ Dajan, yungsho dütre; inü nü ki adüso chingnü mütha de yungsho mükhipkhit de? Nüsa I yumütsan thsürübo! I hobah püpü thrünpuh la shi? Ju ching Lung püpü müla; inü mükheahlah, she müla.

ISAIA 44:8 Iomraidhean Croise

THRÜNTAN 46:3

Tüsho apinü tha, “I a Thrünpuh, nü buh Thrünpuh ah; Ijip lim yükipü dütre, tümüde inü nü ju ching trükshih ato khülang kamshihbah.

THRÜNTAN 48:19

Tüshe abuhnü reanglo tüsho tha, “Inü mükheahlah, I tsah-a, inü mükheahlah. Api she mihtsürü khülang kambah, tüsho api ato kambah; tüshe tsükjide akheambuh ha api kheaknü atobe labah, tüsho api tsühsoniusobo ju ahihdakkhi trükshihbo kambah.”

2 SAMUEL 22:32

Tümüde Atungpuh hobah shepü Thrünpuh a? Tüsho isa Thrünpuh hobah shepü lungto a?

EZRA 1:2

“Ha Persia kiulongthsüpuh Sairus yukhüm ah: Atungpuh , yinmi Thrünpuhnü I kilim kiulongthsü alala jihdo, tüsho apinü Juda ching lakhi Jirusalem ching api thsungkheak arüngyam thsüpü I kilim mülüjih.

EZRA 8:22

Limro ching isa riribo aheangshihpü bonungrübo tüsho khoraberübo kiulongthsüpuh ki kheangpü inü achih; tümüde Thrünpuhnü api kheak kinrü aban müngühjihchoh, tüshe api kheaknü chamkhide atsorü a apinü masüh tüsho thsümüchichoh de inü kiulongthsüpuh ki thakheah.

MUNGSHIKHÜN 18:31

Atungpuh kheak hode Thrünpuh ju she a? Tüsho isa Thrünpuh kheak hode Lungto ju she a?

MUNGSHIKHÜN 18:32

Thrünpuhnü sühmüh hode I züt thsüjih, tüsho I limro banthsangshih.

MUNGSHIKHÜN 86:10

Tümüde nü ato ah, tüsho amüyinsahbe rhimochoh; nü lang Thrünpuh ah.

ISAIA 17:10

Tümüde nüsanü nüsa khümkhitbuh Thrünpuh mihabahdo, tüsho nüsa tsoyukpung Lung mülümkhit; jumonü, nüsanü sangdung atsü khimkhim she tüsho khiungke lim yo kurungasobo khimkhim she,

ISAIA 26:4

Lünnü Atungpuh kheak kinang, tümüde Atungpuh T H RÜ NPU H ju akheam mülakhi Lung ah.

ISAIA 30:29

Amüsüh thünio tsüngre nangde nüsanü khün thsübah; tüsho Israel Lung, Atungpuh wung lim tsahmusuchoki khürünü khungpi khungkhi nangde, mulong asühkhi labah.

ISAIA 41:23

Ha dunglim tümü arübanü isa ki thaang, junangde nüsa ju thrünpuhbo ah de isanü amükheahbah; atsü thsang, yungsho thsümünimang, junangde isanü atrebah tüsho müyinsahbah.

ISAIA 42:9

Kheahang, adüso müchitkhibo dünjido tüsho inü aso khipkhitchoh; arübo mumukhuhkhityi khiungde inü arü dünkheak nüsa ki thachoh.

ISAIA 43:10

Nüsa I yumütsan thsürübo, Atungpuhnü thachoh, tüsho inü mokhitkhi I yamlarü, junangde nüsanü mükheahbah tüsho I kinbah tüsho I api ah de anikhitbah. I müngüh thrünpuh sheshe mükamde alakheah, yungsho I dunglim sheshe müla.

ISAIA 43:11

I, I Atungpuh ah, tüsho I hobah akhümkhitrü she müla.

ISAIA 43:12

Inü khipkhit, khümkhit tüsho zhiyukjih, küyimki khiungkerü thrünpuh nüsa lung mülakhea; tüsho nüsa I yumütsan thsürübo, Atungpuhnü thachoh, I Thrünpuh ah.

ISAIA 43:9

Trükshih alala rukhüh mukhungshang tüsho mihtsürübo mukhungshang. Arü bolung shepünü ha khipkhitkhukba tüsho atsokhibo thakhukba? Arünü mütsanmükhipü arü thiyumütsanbo hande arüshang, tüsho arünü soshang tüsho thashang, “Ha thiyuro.”

ISAIA 44:2

Atungpuhnü ha thachoh, shepünü nü thrünkhea, shepünü nü nuyam chingnü kamshihkhea tüsho nü rungpü la: Dütre, O I yamlarü Jakob, Jeshurun, shepü inü mokhitkhea.

ISAIA 44:6

Atungpuhnü ha thachoh, Israel kiulongthsüpuh, tüsho api Rhokhitrü, Wuto Atungpuh : I atankih tüsho akheam; I hobah Thrünpuh she müla.

ISAIA 45:19

Inü amiting lomi ching ramde masuk, inü Jakob tsührü ki mütha, “Akeangkeang ching I yimang.” I Atungpuhnü thiyuro asukchoh, inü alungki thachoh.

ISAIA 46:9

Adüso dünjikhibo lümkhitang; tümüde I Thrünpuh ah, tüsho püpürü müla; I Thrünpuh ah, tüsho I nangde she müla,

ISAIA 48:3

Adünjipü lakhi adüsonü inü müchitdo, arübo I mün chingnü wukhiuk tüsho inü arübo mükheahshih; jushu nahdü lang inü rhimo tüsho dünji.

ISAIA 48:5

adüsonü inü jurübo nü ki thado, arü müdünjiyide inü nü ki mükheahshihdo, junangde nünü müthabah, “ I sangthsünü jurü rhimokheah, I yo asümkhi sangthsü tüsho anungkhi sangthsünü arübo thiyukhüm jihkheah.”

JEREMIA 10:7

Shenü nü mütrepü, O trükshihbo kiulongthsüpuh? Tümüde hoju nü khuh lah; trükshihbo lümlung larü alala bolung tüsho arü kiulongthsübo alala ching sheshe nü nangde müla.

DANIEL 2:28

tüshe aramyu akhiuka huhbuh Thrünpuh khülang yinmi ching lah, tüsho Apinü akheam nimungbo ching tümü dünjibanü kiulongthsüpuh Nebukednezar ki huhdo. Nü yapkiu ching yapshea lachoki nü milim tüsho michih harü lakheah:

DANIEL 2:47

Kiulongthsüpuhnü Daniel ki tha, “Tsükjide nü Thrünpuh ju thrünpuhbo bolung Thrünpuh tüsho kiulongthsürübo bolung Atungpuh tüsho aramyu thakhita huhrü lah, tümüde nünü ha aramyu thakhita huhkhukdo.”

DANIEL 4:25

Nü mihtsürü bolungnü yanabahbah, tüsho nü lapung ju mütüm shiwüh bolung labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü kilim ju jihchoh de nünü manikhityi khiungde kam thüne rünkhitbah.

DANIEL 6:22

I Thrünpuhnü api yunirü arüshihbah kekhüzübo mün khimdoshih, junangde arünü I muyuri, tümütüsho I api miki amülim mülade ngü; tüsho nü miki she, O kiulongthsüpuh, inü amülim tümü mürhimo.”

JOEL 2:27

I Israel bolung lah de nüsanü mükheahbah, tüsho I, Atungpuh nüsa Thrünpuh ah tüsho püpü she müla. Tüsho kheaküa I mihtsürübo küyimkishe achih müngühshih.

JOHAN 1:1

Atankih ching Thiyu lakheah, Thiyu ju Thrünpuh lung lakheah tüsho Thiyu ju Thrünpuh lakheah.

JOHAN 10:30

I tüsho I Buh khülang ah.”

JOHAN 6:10

Judüki Jisunü tha, “Mihtsürübo binshang.” Ju dangpung ching rimkiu hihde alakheah. Jumonü mihtsürübo akhekhi 5000 bande bin.

YUNIRÜBO RHIMO 1:8

Tüshe küyimki Amüsüh Me nüsa kheak arübanü nüsanü wu leangkhibah; tüsho nüsabo ju Jirusalem, Judea tüsho Samaria alala ching, tüsho alomi akheam khiungde I thsungkheak thiyumütsanbo labah.”

YUNIRÜBO RHIMO 14:15

“Mihtsürübo, tümüde nüsanü ha rhimocho? Isa she nüsa ruk mihtsürü ah, tüsho nüsanü harü akeangkeang chingnü rholobah thüning le alomi tüsho boto le ju ching lakhi alala thrünrü arhang Thrünpuh kilim yüshihpü thiyusheak atsü hande arükheah.

YUZÜNGTHALO 32:31

Tümüde arü thrünpuh ju isa Thrünpuh ruk yung, isa riribonü she arü küdah thsüde mütsanlah.

YUZÜNGTHALO 32:39

Kheakü kheahang I, I lang, Thrünpuh ah, tüsho I hobah tümü thrünpuh müla; inü laksahchoh tüsho inü rhangdung lashihchoh; inü yurijihchoh tüsho inü ngushihchoh; tüsho I khah chingnü abekhitkhukpü thsüde sheshe müla.

YUZÜNGTHALO 32:4

Api ju lung, api rhimo khiukdahlah; tümüde api limro alala alungki. Athülünkhi Thrünpuh tüsho amülim mülakhi, api alungki tüsho dükde lah.

YUZÜNGTHALO 4:35

Atungpuh ju Thrünpuh ah de ahuhpü thsüde ha nüsa ki rhimodo; api hode sheshe müla.

YUZÜNGTHALO 4:39

Jumonü khihni ha mükheahang, tüsho Atungpuh ju thüning tüsho alomi ching Thrünpuh ah de nüsa mulong ching lümang; ju ching püpü sheshe müla.

IBRI 12:1

Jumonü boto ato thiyumütsanbonü isa mükamdoa lale, isa kheak kapkihde arükhi limkhudo tüsho neak bahkhianü, tüsho mikhuh lümkihbah alihanü.

1 JOHAN 1:2

rhangdung ju amikheak akhiukshih tüsho isanü ju ngü, ju thiyumütsan thsü, tüsho Abuh lung lakhi lün rhangdung tüsho isa ki amikheak akhiukkhi nüsa ki zhiyuk–

1 SAMUEL 2:2

“Atungpuh nangde sheshe Amüsüh müla, nü hobah sheshe müla; isa Thrünpuh nangde sheshe Lung müla.