ISAIA 44:6 - AMÜSÜH HÜM CL Bible (BSI)

⁶ Atungpuhnü ha thachoh, Israel kiulongthsüpuh, tüsho api Rhokhitrü, Wuto Atungpuh : I atankih tüsho akheam; I hobah Thrünpuh she müla.

ISAIA 44:6 Iomraidhean Croise

MUNGSHIKHÜN 86:10

Tümüde nü ato ah, tüsho amüyinsahbe rhimochoh; nü lang Thrünpuh ah.

ISAIA 33:22

Tümüde Atungpuh ju isa mahkhapbuh, Atungpuh ju isa yakzanshuhrü, Atungpuh ju isa kiulongthsüpuh; apinü isa khümkhitbah.

ISAIA 37:16

“ O Wuto Atungpuh , Israel Thrünpuh, shepü cherubim kumung binla, nü lang alomi kiulongthsü alala Thrünpuh; nünü yinmi tüsho alomi thrün.

ISAIA 37:20

Jumonü kheakü, O Atungpuh isa Thrünpuh, api khah chingnü isa khümkhitang, junangde alomi kiulongthsübo alalanü nü lang Thrünpuh ah de amükheahbah.”

ISAIA 40:18

Nünü Thrünpuh ju shepü kheak akeba? Tümü sangthsünü api akeba?

ISAIA 41:14

Dütre, nü ari Jakob, nü loriloko Israel! Inü nü rungbah, Atungpuhnü thachoh; nü rhokhitbuh ju Amüsüh Israel Thrünpuh lah.

ISAIA 41:21

Nüsa lümkhi lubah arang, Atungpuhnü thachoh; nüsa mütsanyubo lubah arang, Jakob kiulongthsüpuhnü thachoh.

ISAIA 41:4

Atankih chingnü lünbo lümkhitlode, shenü ha külüpkhea tüsho rhimokhea? I, Atungpuh , akhuhbuh tüsho akheam lung labah.

ISAIA 42:8

I Atungpuh ah, ju I mung; I müretahkhi püpürü kilim, yungsho I mungshi sangthsübo kilim müjih.

ISAIA 43:1

Tüshe kheakü Atungpuhnü ha thachoh, shepünü nü thrünkhea, O Jakob, shepünü nü kamshihkhea, O Israel: Dütre, tümüde inü nü rhokhit; inü nü mungnü ji, nü I yo.

ISAIA 43:9

Trükshih alala rukhüh mukhungshang tüsho mihtsürübo mukhungshang. Arü bolung shepünü ha khipkhitkhukba tüsho atsokhibo thakhukba? Arünü mütsanmükhipü arü thiyumütsanbo hande arüshang, tüsho arünü soshang tüsho thashang, “Ha thiyuro.”

ISAIA 44:24

Atungpuhnü rhokhitrünü ha thachoh, Shepünü nuyam chingnü kamshihkhea: I Atungpuh , shepünü alala thrünkhea, shepünü lang thüningbo züngshangkhea, shepünü I küdahnü alomi jashih;

ISAIA 44:8

Dajan, yungsho dütre; inü nü ki adüso chingnü mütha de yungsho mükhipkhit de? Nüsa I yumütsan thsürübo! I hobah püpü thrünpuh la shi? Ju ching Lung püpü müla; inü mükheahlah, she müla.

ISAIA 48:12

I ki aniang, O Jakob, tüsho Israel, shepü inü ajikhea: I api ah; I akhuhbuh, tüsho I ashubuh.

ISAIA 48:17

I Atungpuhnü ha thachoh, nü Rhokhitrü, Amüsüh Israel Thrünpuh: shepünü nü tsüpü thsungkheak thsangyucho, shepünü nü yüpü lakhi limro ching nü becho, I Atungpuh nü Thrünpuh.

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

ISAIA 59:20

Rhokhitrü Zion ching, tüsho Jakob ching arü neak chingnü rholorü kilim api arübah, Atungpuhnü thachoh.

ISAIA 63:16

Tümüde nü isa abuh, Abrahamnü isa mümükheahkheah she tüsho Israelnü isa mümütsantsan she; nü, O Atungpuh , isa abuh lah; adüsonü isa Rhokhitbuh ju nü mung ah.

JEREMIA 10:1

Atungpuhnü nü ki asukkhi yu aniang, O Israel yamkhün.

JEREMIA 50:34

Arü Rhokhitbuh sühmüh lah; Wuto Atungpuh ju api mung. Apinü tsükjide arü dünkheak müküpde azhipbah, junangde apinü aningkhi lomi kilim sühakhim jihbah, tüshe Babilon ching larü kilim sühakhim mülakhi jihbah.

MALAKI 1:14

Shepü namfimihnu bolung pung la tüsho ju jihpü thiyuchihchimbah Atungpuh kilim lapha kihkhi laksah-a kingaünchonü, rük mütsükhi ju muthrumünean thsang; tümüde I ato kiulongthsürü ah, Wuto Atungpuhnü thachoh, tüsho trükshih bolung I mung wüntre jihchoh.

MATHI 25:34

Judüki kiulongthsüpuhnü tsülim larü ki thabah, ‘Arang, nüsa I Buhnü müngühjihrübo, alomiküp thrüntanchokinü nüsa thsungkheak thsakhamkhi kiulongthsü yamrüplurüp luang:

MATHI 27:37

Tüsho api azhihkhi yu thrüta api kumung zojih: Ha jihudarü kiulongthsüpuh jisu.

YUZÜNGTHALO 32:39

Kheakü kheahang I, I lang, Thrünpuh ah, tüsho I hobah tümü thrünpuh müla; inü laksahchoh tüsho inü rhangdung lashihchoh; inü yurijihchoh tüsho inü ngushihchoh; tüsho I khah chingnü abekhitkhukpü thsüde sheshe müla.

YUZÜNGTHALO 4:35

Atungpuh ju Thrünpuh ah de ahuhpü thsüde ha nüsa ki rhimodo; api hode sheshe müla.

YUZÜNGTHALO 4:39

Jumonü khihni ha mükheahang, tüsho Atungpuh ju thüning tüsho alomi ching Thrünpuh ah de nüsa mulong ching lümang; ju ching püpü sheshe müla.

YUZÜNGTHALO 6:4

“O Israel aniang: Atungpuh isa Thrünpuh ju lang Atungpuh ah!

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

AMIKHEAKAKHIUKKHI 1:11

hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”

AMIKHEAKAKHIUKKHI 1:8

Shepü la tüsho shepü lakhea tüsho shepü arüpü la, Atungpuh Thrünpuh, Wutonü thachoh, “I atankih tüsho akheam.”

AMIKHEAKAKHIUKKHI 2:8

“Tüsho Smyrna borü ching yunirü kilim thrütang: ‘Atankih tüsho akheam, shebah arhang kambuh yubo.

AMIKHEAKAKHIUKKHI 22:13

I Alpha tüsho Omega, akhuhbuh tüsho ashubuh, atankih tüsho akheam.”