ISAIA 44:28 - AMÜSÜH HÜM CL Bible (BSI)

²⁸ shepünü Sairus dünkheak tha, “Api I mihnu neakrü, tüsho apinü I lümkhi alala rhimode ayübah;” tüsho shepünü Jirusalem dünkheak tha, “Ha athsülobah,” tüsho arüngyam dünkheak, “ Nü khimtan khimbah.”

ISAIA 44:28 Iomraidhean Croise

2 KIUTHSÜYUKHEAN 36:22

Persia kiulongthsüpuh Sairus kam akhuhbe ching, Jeremianü athakhi Atungpuh yu dünjipü thsungkheaknü, Atungpuhnü Persia kiulongthsüpuh Sairus me thurumusu, junangde apinü anihbuh kiulongthsü alala ching yunithsürü khülang yüshih tüsho athrütkhi yukhüm chingnü she thari:

2 KIUTHSÜYUKHEAN 36:23

“Persia kiulongthsüpuh Sairusnü ha thachoh: Atungpuh , yinmi Thrünpuhnü, I kilim alomi kiulongthsü alala jihdo, tüsho Juda ching lakhi Jirusalem ching thüyam khülang thsüpü apinü I ki thiyukhüm jihdo. Nüsa api mihtsürü alala bolung shepü la? Atungpuh anihbuh Thrünpuh api lung lashang, tüsho api wu toshang!”

EZRA 1:1

Sairusnü Persia kiulongthsükhi akhuhbe kam ching, Jeremia mün hode Atungpuh yu dünjishihpü thsüde, Atungpuhnü Persia kiulongthsüpuh Sairus me tuthsukmusu tüsho api kiulongthsü bukkhüp lomi alala ching thrüta zhiyukshihpü tha:

EZRA 1:2

“Ha Persia kiulongthsüpuh Sairus yukhüm ah: Atungpuh , yinmi Thrünpuhnü I kilim kiulongthsü alala jihdo, tüsho apinü Juda ching lakhi Jirusalem ching api thsungkheak arüngyam thsüpü I kilim mülüjih.

EZRA 1:3

Nüsa bolung shepü api mihtsürüanü–api lung Thrünpuh lashang. Tüsho api Juda ching lakhi Jirusalem ching wutubah Atungpuh , Israel Thrünpuh, shepü Jirusalem ching lanü api arüngyam thsüshang.

ISAIA 14:32

Trükshih yunithsürü ki shenü tümü aloba? Atungpuhnü Zion thsükhitdo, tüsho api mihtsürü bolung küpkhukrü ju ching tsoyukbah.

ISAIA 41:27

Inü akhuhde Zion ki thakheah, Kheahang ju ching arü lah! tüsho Jirusalem ki thiyusheak atsü jihkheah.

ISAIA 42:15

Inü awungbo tüsho amujukbo keama yapshihbah, tüsho wokephüyakbo kungabahshihbah; inü ayungbo loshelo kamshihbah tüsho kekhipbo ngahshihbah.

ISAIA 45:1

Ha Atungpuhnü apinü mujude-mokhitkhi ki thachoh, shepü khah tsülim inü ramlola, api müngüh trükshihbo kukshihpü tüsho kiulongthsürübo zülu thokhipü, api müngüh khimdopü khimshuhpü– tüsho chipiripitbo mürih:

ISAIA 45:13

Inü thiyuro-lungki ching Sairus asürüshihdo, tüsho inü api limro alala mukhiungshihbah; apinü I kiuto thsübah tüsho I yo ramtsorübo zuzu thsüde dükhebah, adün yungsho thsambah thsungkheak yung, Wuto Atungpuhnü thachoh.

ISAIA 45:3

Inü amiting chingnü rahpungbo tüsho rama lakhi dangpungbo chingnü lakhitbo nü jihbah, junangde I Atungpuh de nünü mükheahbah, Israel Thrünpuh, shepünü nü mungnü jicho.

ISAIA 46:11

aniakhiuklimnü shihtsüh wuhnu khülang, I lümkhi thsungkheak limshu lomi chingnü mihtsürü khülang jichoh. Inü asukdo, tüsho ha dünjibah; inü lümkhi thsüdo, tüsho ju arhimobah.

ISAIA 54:11

O thsünükhi, chinthrüm-yünkhi, tüsho mushukheamkhi, inü nü khimtanbo shotolungbonü akhimbah,

ISAIA 58:12

Nü yo adüso thsümünimkhibo thsülobah; nünü lün ahihdo yo khimtanbo khimbah; nü ju azhakkhi thsülorü de ajibah, lapung kiudunglimrobo thsülorü labah.

ISAIA 63:11

Judüki apinü Mosa tüsho api mihtsürü awün nimungbo lümkhit; api namfimihnu neakrübonü bebah keto chingnü arü bekhitbuh küching la? Arü bolung memüsüh yukjihbuh küching la,

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 27:6

Kheakü inü harü lomi alala I yamlarü, Babilon kiulongthsüpuh Nebukednezar khah ching jihdo, tüsho inü api kilim mütüm shiwühbo she api tankihpü jihdo.

JEREMIA 43:10

tüsho arü ki thaang, Wuto Atungpuh , Israel Thrünpuhnü ha thachoh: Inü Babilon kiulongthsüpuh I yamlarü Nebukednezar bedarübah, tüsho inü ayangkhi lungbo kheak api kiulongthsü zobah, tüsho apinü jurü kheak kiulongthsü-khim phukihbah.

DANIEL 10:1

Persia kiulongthsüpuh Sairus kam asampü ching Belteshazzar de ajikhi, Daniel ki thiyu akhiuka huh. Tüsho akhiuka huhkhi yu ju thiyuro lakheah, tüsho ju anikhitpü khide chakde alakheah. Thiyusheak anikhitkhi ju michih khülang ching api kilim arü.