ISAIA 44:26 - AMÜSÜH HÜM CL Bible (BSI)

²⁶ shepünü api yamlarü yu mütsanmükhishih, tüsho api yunithsürünü müchitkhi dünjishih; shepünü Jirusalem dünkheak tha, “Ha ching mihtsürü labah,” tüsho Juda kiutobo dünkheak, “Arübo athsülobah, tüsho inü arü athsümünimkhi yihmusubah;”

ISAIA 44:26 Iomraidhean Croise

2 KIULONG THSÜRÜ 7:16

Judüki mihtsürübonü wukhiuk, tüsho Siriarü binkheampung yankhia lu. Junangde Atungpuh yu yande wheat hi atsüdak khahngak 3 yungsho barli khahngak 6 shotoyinchi 1 mo yin.

2 KIULONG THSÜRÜ 7:18

Tümüde küyimki Thrünpuh mihtsürünü kiulongthsüpuh ki thakhea, “Shido ha kim ching wheat hi atsüdak khahngak 3 yungsho barli khahngak 6 shotoyinchi 1 mo Samaria chipiripit ki yinbah,”

2 KIULONG THSÜRÜ 7:20

Athakhi nangde ju api kheak dünji; mihtsürübonü api ripit kinü thrüma sheshih.

EZRA 2:70

Amükeamrübo, Levirü, tüsho mihtsürü khürü Jirusalem tüsho ju hing la; khün thsürü, arüngyam neakrü, arüngyam tankihrübo kiuto phünide la; tüsho aningkhi Israelrünü arü jipürü lapung kiutobo ching la.

NEHEMIA 1:3

Tüsho arünü I ki tha, “Lomi ching rhangdung larü ramtso chingnü alunglorübo thsümütsü ato ching lah tümüde arü hingrü khiungkerünü arü junode lah; Jirusalem chipi she kheakü khiungde keama yaplah, tüsho chipimurungbo she monü takabahdo.”

NEHEMIA 2:3

tüsho alo, “ Kiulongthsüpuh, kutsüpde laang! Isa jipürü kiuyuka bahpung kiuto thsümünima tüsho chipiripitbo monü takabah-a lachoki tümüde I mulong mutukthsüpü?”

MUNGSHIKHÜN 102:17

Apinü abahyukkhi mihtsürübonü tamkhüntamnükhi leangkhijihbah, tüsho arü tamkhüntamnükhi mükhemükim müthsü.

MUNGSHIKHÜN 147:2

Atungpuhnü Jirusalem laloshihchoh; apinü Israel ramtsorü bemukhungchoh.

MUNGSHIKHÜN 69:35

Tümüde Thrünpuhnü Zion khümkhitbah tüsho Juda kiutobo thsübah, junangde ju ching mihtsürübo labah tüsho müküh-a lubah;

MUNGSHIKHÜN 69:36

api yamlarübo tsühsoniusobonü ju yamrüplurüp lubah, tüsho sherünü api mung muzhochonü ju ching labah.

T H S AN GYU T H S AN GR ARÜ 3:3

alaksahpü kim khülang, tüsho athsüngupü kim khülang; athokheampü kim khülang, tüsho athsüpü kim khülang;

ISAIA 40:9

Nü awung achang kheak yükihang, O Zion, thiyusheak atsü mükheahshang; nü düsheak sühmüh zahde shuhkihang, O Jirusalem, thiyusheak atsü mükheahshang, shuhkihang, dütre; Juda kiutobo ki thaang, “Ha ching nüsa Thrünpuh lah!”

ISAIA 42:19

Shepü mük tuka la tüshe I yamlarü, yungsho nükhün peanga inü athiyikhi yunithsürü nangde la? Shepü inü müsükhitkhi khülang nangde müktuk a, yungsho Atungpuh yamlarü nangde müktuk a?

ISAIA 42:9

Kheahang, adüso müchitkhibo dünjido tüsho inü aso khipkhitchoh; arübo mumukhuhkhityi khiungde inü arü dünkheak nüsa ki thachoh.

ISAIA 49:8

Atungpuhnü ha thachoh: Amulongkhi kim khülang ching inü nü ki alojihdo, akhümkhit nimung khülang ching inü nü rungdo; inü nü kümde zodo tüsho nü tangzüng khülang nangde lomi laloshihpü, thsümünima lakhi yamrüplurüp arünü alushihpü mihtsürübo kilim jihdo;

ISAIA 52:9

Rukhühnü khün thsüde zhiang, nü athsümünimkhi Jirusalem; tümüde Atungpuhnü api mihtsürü shukheamdo, apinü Jirusalem rhokhitdo.

ISAIA 54:3

Tümüde nü tsülim tüsho huzulim bude ayübah, tüsho nü tsühsoniusobonü trükshihbo lubah tüsho abahkhitkhi kiutobo ching labah.

ISAIA 55:11

junangde I mün ching I yu wukhiukbah; I kilim akeangkeang malodarü tüshe I lümkhi akuk ngübah, tüsho inü thiyikhi ching kukzambah.

ISAIA 58:12

Nü yo adüso thsümünimkhibo thsülobah; nünü lün ahihdo yo khimtanbo khimbah; nü ju azhakkhi thsülorü de ajibah, lapung kiudunglimrobo thsülorü labah.

ISAIA 60:10

Khiungkerübonü nü chipibo thsüjihbah, tüsho arü kiulongthsürübonü nü tankihbah; tümüde I bukakhiukkhi ching inü nü kingmülün, tüshe I mung chingnü nü kheak I amüthsüm lakheah.

ISAIA 61:4

Adüso thsümünimkhibo arünü athsülobah, akhuhlim thsünimthsüshikhi arünü shuhmusulobah; lün ahihdo ching thsümünimkhi kiuto arünü athsülobah.

JEREMIA 1:10

Kheahang, khihni inü nü trükshih tüsho kiulongthsübo kurungkheak arukkhitpü tüsho athomülünpü, athsümünimpü tüsho lahyuka bahpü, athsüpü tüsho akhimpü zojihchoh.”

JEREMIA 28:9

Wukihrü shepünü mungtsü müchitbah, wukihbuh yu dünjibanü, Atungpuhnü wukihbuh dükde thiyia lah de mükheahbah.”

JEREMIA 30:18

Atungpuhnü ha thachoh: Inü Jakob khimyam kuhibo jihlopü thsüchoh, tüsho api lapung kheak mihmuzho labah; kiuto ju amujuk kheak thsülobah, tüsho alungki dangpung kheak kiulongthsürü-yam thsübah.

JEREMIA 31:4

Kheaküshe inü nü bemusubah, tüsho nü thsülobah, O atsangkhit Israel! Kheaküshe nünü züpzüppü lubah tüsho asühde tsünde ayübah.

JEREMIA 32:15

Tümüde Wuto Atungpuh , Israel Thrünpuhnü ha thachoh: Thüyambo, thulubo tüsho kurungasolubo kheaküshe ha lomi ching thulobah.

JEREMIA 32:44

Benjamin lomi ching, Jirusalem mühi dangpungbo ching, tüsho Juda kiutobo ching, awungbo le lokeamlo kiutobo ching tüsho düjinglim kiutobo ching shonü thulubo thulobah, tüsho shothsühümbo mütsan dokihbah tüsho thiyumütsanbo labah; tümüde inü arü kuhi jihlobah, Atungpuhnü thachoh.

JEREMIA 33:7

Inü Juda kuhi tüsho Israel kuhi jihlobah, tüsho arü atankih nangde thsülojihbah.

EZEKIEL 36:10

tüsho inü nüsa kheak mihtsürübo wüh bushihbah, Israel yamkhün athrünkhi lashihbah; kiutobo ching lalobah tüsho athsümünimkhi dangpungbo thsülobah;

EZEKIEL 38:17

Atungpuh Thrünpuhnü ha thachoh: Adüso nimungbo ching I yamlarü Israel wukihrübonü arübe nimungbo ching arü azhihde inü bedarüpü kambo müchitkhi ju nü a de?

DANIEL 9:12

Nünü isa le isa yakzanshuhrü azhihde asukkhi yubo thsümütsü ato isa kheak dünjishih. Thüning athrünkhi bukkhüp Jirusalem kheak rhimokhi nangde küyimkishe mürhimoakheahyi.

DANIEL 9:25

Jumonü mükheahang tüsho anikhitang: Jirusalem thsülopü thiyu wukhiukkhi chingnü mujude-mokhitkhi limberü khülang kim khiungde thünenü shu thüne kambo labah; tüsho thünenü shu rukrükheak mahne kambo ching ju kiudunglimrobo tüsho khuhtotsunglobebo bede athsülobah, tüshe ha küpkhuk kim khülang labah.

AMOS 9:14

Inü I mihtsürü Israel kuhi jihlobah, tüsho arünü athsümünim kiutobo thsülobah tüsho jurü ching labah; arünü kurungasobo yangbah tüsho jurü yukhu yungbah, tüsho arünü awündobo thsübah tüsho sangaso tsühbah.

HAGGAI 1:13

Judüki Atungpuh yunithsürü Haggainü mihtsürübo ki Atungpuh yusheak asuk, I nüsa lung lah, Atungpuhnü thachoh.

ZEKARIA 1:17

Zhiloang: Wuto Atungpuhnü ha thachoh: I kiutobo kheaküshe lakhitnü azhikhiukbah; Atungpuhnü kheaküshe Zion shukheambah tüsho Jirusalem mokhitlobah.

ZEKARIA 1:6

Tüshe I yubo tüsho I yakzanbo, küpü inü I yamlarübo tüsho wukihrübo ki thiyukhüm jihkhea, jurünü nüsa jipürü müyanphuhkhea de? Jumonü arünü mulong müthri tüsho tha, “ Wuto Atungpuhnü apinü arhimopü lümkhi thsükhi nangde isa limrobo tüsho rhimobo yande isa ki rhimodo.”

ZEKARIA 12:6

Ju nimung ching inü Juda gukbo ju sangrhungkihkhi kheak mophüh nangde, hineang bolung motru nangde akamshihbah; tüsho arünü tsülim tüsho huzulim mükamde alakhi mihtsürübo aniubah, judüki Jirusalem a anihbe lapung ching lalobah.

ZEKARIA 2:4

tüsho api ki tha, “Alihang, ju athrününgtsüng mihtsürü ki thaang: Jirusalem ju mihtsürü tüsho shiwüh hihkhinü chipi mayündoride alabah.

MATHI 26:56

Tüshe ha alala wukihrübonü thrüta zokhi dünjipü lakheah.” Judüki jingyanrübo alalanü api bahbah tso.

MATHI 5:18

Inü nüsa ki thiyuro thachoh, thüning tüsho alomi la khiungde, yakzan ching lakhi thiyuji aninibe yungsho athrütkhi aninibe ju müdünjiyikia müdükheak.

LUKNÜ ATHRÜTKHI THIYUSHEAK-ATSÜ HUHTANYU 24:44

Judüki apinü arü ki tha, “Harü ha I nüsa lung lachoki inü nüsa ki, Mosa yakzan tüsho Wukihrübo le Mungshikhünbo ching I dünkheak thaa lakhi alala dünjibah de athakhibo lah.”