ISAIA 44:21 - AMÜSÜH HÜM CL Bible (BSI)

²¹ Harü lümkhitang, O Jakob, tüsho Israel, tümüde nü I yamlarü; inü nü kamshihkheah, nü I yamlarü; O Israel, nü inü mihamübah.

ISAIA 44:21 Iomraidhean Croise

ISAIA 27:11

Küyimki akhahbo muwubanü azoberübonü arübah atakpü yihchoh. Tümüde ha anikhitkhi mülakhi mihtsürü ah; jumonü arü Thrünrünü arü kheak amuzho müla, yungsho arü ki mihmüthsüm muhuh.

ISAIA 40:27

Tümüde nünü thacho, O Jakob, tüsho asukcho, O Israel, “ I limro Atungpuh kheaknü jika lah, tüsho I alim Thrünpuhnü mümükheahjih?”

ISAIA 42:23

Nüsa bolung shepünü ha aniba, shenü arüba tüsho arübe kim thsungkheak aniba?

ISAIA 43:1

Tüshe kheakü Atungpuhnü ha thachoh, shepünü nü thrünkhea, O Jakob, shepünü nü kamshihkhea, O Israel: Dütre, tümüde inü nü rhokhit; inü nü mungnü ji, nü I yo.

ISAIA 43:15

I Atungpuh nü yo Amüsüh Thrünpuh, Israel Thrünrü, nü kiulongthsüpuh.

ISAIA 43:7

Sherübo I mung chingnü jia la, sherü I müretahpü inü thrün, sherü inü kamshih tüsho thrün.”

ZEKARIA 10:9

Inü arübo trükshih bolung hiumüzütshihshih she, limshu lomibo chingnü arünü I lümkhitbah, tüsho arünü arü tsührübo mütrübah tüsho alodarübah.

YUZÜNGTHALO 32:18

Nüsanü nüsa mütrübuh lung bahyuk; nüsanü nüsa zübebuh Thrünpuh mihabah.

YUZÜNGTHALO 4:23

Kümkangang, Atungpuh nüsa Thrünpuhnü tangzüngkhi nüsanü dümihabah, tüsho nüsa Thrünpuhnü düh de athakhi nüsanü tümükhüh jak yande sangthsü düthsü.

YUZÜNGTHALO 4:9

Nüsa thsungkheaknü mük-yukde kümkangang, jude müthsüsho nüsa müknü angükhi mihabahbah, tüsho nüsa rhangdung lakhi amuyung nüsa mulong chingnü chamkhide atsobah. Tüsho jurübo nüsa tsührübo le tsühsoniusobo ki thsangyuang,