ISAIA 44:20 - AMÜSÜH HÜM CL Bible (BSI)

²⁰ Apinü awahbo tsühchoh; rükaki lümkhinü api bephülapdo, tüsho apinü anihbuh mükhümkhitkhuk yungsho müthakhuk, “ I khah tsülim ching lakhi kukruk ha arükchih yung de?”

ISAIA 44:20 Iomraidhean Croise

JOB HU H T ANYU 15:2

Lümlung larü mihtsürü khülangnü akeangkeang mükheahmudunü aloba de, tüsho aniakhiuklim pungnü api mishihba de?

JOB HU H T ANYU 15:31

Apinü nihbuh thsungyukde, akeangkeang ching dükinshih; tümüde api akeangkeang ngülobah.

MUNGSHIKHÜN 102:9

Tümüde inü awahbo ju yikhap nangde tsühdo, tüsho I chikebo ayungbe lung düsahdo,

MUNGSHIKHÜN 115:4

Arü sangthsübo ju shotoyinchi tüsho suna, mihtsürü khah rhimo ah.

MUNGSHIKHÜN 144:11

Khiungkerü khah chingnü I khümkhitang tüsho I bekhitang, shepü münnü akeangkeang yubo asukcho, tüsho shepü khah tsülim ju arükchih khah tsülim la–

MUNGSHIKHÜN 144:8

shepü münnü akeangkeang yubo asukcho, tüsho shepü khah tsülim ju arükchih khah tsülim la.

MÜCHITMUDU 15:14

Shepü mulong anikhitkhi lanü mükheahmudu yimchoh, tüshe makharü mün a makhakhinü reangkeamchoh.

ISAIA 47:10

Tümüde mihbukmuyuk ching nünü kindo; nünü tha, “Shenü I müngü.” Nü lümlung tüsho nü mükheahnü nü bephülapdo, tüsho nünü mulong ching tha, “ I ah tüsho I hobah she müla.”

ISAIA 57:11

Nünü she ki trekhea, junangde nünü akeangyu thakhea tüsho I mülümkhit yungsho I kilim lümkhi müjihkhea? Inü kim ashangkhüh zhikde alamo nünü I mütrekhea de?

ISAIA 59:13

thsümünimde, tüsho Atungpuh reanglode, tüsho isa Thrünpuh yankhi chingnü tsoabahde, junode tüsho azhihkhirhimo akeangyubo hankhi tüsho jurü mulong chingnü akhiukkhi lah.

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

HOSEA 12:1

Ephraimnü apung yimtsühchoh, tüsho nimung amuyung aniakhiuklim pung müshamchoh; arünü akeangyu tüsho athsümünim alü kamshihchoh; arünü Asiria kheak binthrüm thsüchoh, tüsho Ijip lim müdangke hande yüchoh.

HOSEA 4:12

I mihtsürübonü sang ki keokhichoh, tüsho arü müchit-tsonü arü ki müchita jihchoh. Tümüde jilihjikhün menü arü bephülapdo, tüsho arü Thrünpuh mihabahde arünü jilihjikhün ahorido.

HABAKKUK 2:18

Athsürünü athsükhi sangthsü, yungsho akeangyu thsangyukhi mejak tümü yihnüpü la? Tümüde athsükhitkhi ju thiyu masukde sangthsü khülang lalashe ha thsübuhnü ju kheak kinchoh!

LUKNÜ ATHRÜTKHI THIYUSHEAK-ATSÜ HUHTANYU 15:16

Apinü kheaknunü tsühde alakhi bineangbo tsühnede lüm, tüshe shenü she api kilim tümü müjih.

ROMRÜ KILIM PAULNÜ ATHRÜTKHI KIHÜM HUHTANYU 1:25

tümütüsho arünü Thrünpuh dünkheak thiyuro ju akeangyu dün müthriachih tüsho lünnü müngühmühikhi Athrünrü müthri loriloko kingaün tüsho tankih! Amen.

ROMRÜ KILIM PAULNÜ ATHRÜTKHI KIHÜM HUHTANYU 1:28

Kheaküshe, arünü Thrünpuh mükheahmudu zopü athülün de mülümkhi hode amülim rhimopü lümkhi lim jihabah.

1 TIMOTHI 4:2

Hadürü thsangyukhibo ju yinchi takmürümkhinü athsahkhi nangde arü lümkhibo shekhirü akeangyu tharü hode bushihchoh.

2 TIMOTHI 2:13

isa thiyuro mülachoki, api a thiyuro labah, tümüde apinü aküdahnü amülim thsüpü mukuk.

2 TIMOTHI 3:13

mihtsürü amütsü tüsho rükmütsürü a mülapyukde tüsho mülapyukabahde amütsü chingnü amütsübe kambah.

AMIKHEAKAKHIUKKHI 12:9

Tüsho dragon ato, ju jipü phuruto, Amünean tüsho Arimri de ajikhi, alomiküp athrünkhi mülapyukbuh ju api lung anihbuh yunirübo bede alomi ching jipkhia bah.

AMIKHEAKAKHIUKKHI 13:14

khinthiyinbebo hode akhuhbe shiwüh thsung thsüde apinü arhimopü wu jih-a lakhinü, apinü alomi kheak larü mülapyuk. Nukshangnü yuribah arhang lakhi shiwüh wüntre jihde mejak khülang thsüpü arü ki thiyukhüm jih.

AMIKHEAKAKHIUKKHI 18:23

nü kheak tsünpung ayinatrüm mütahlo; tüsho nü kheak yamkhün-kambuh le yamkhün-kambe düsheak musolo; tümüde nü shothsümolorübo alomi mungkhung mihtsürübo lakheah, tüsho nü wurük hode trükshih alala mülapyuk.

AMIKHEAKAKHIUKKHI 20:3

tüsho trükshihbo mümülapyukshihpü thsüde api ju alokhünbit ching jipyukbah rih tüsho yümdo. Ju dunglim api ju anükhüh thsungkheak dükhepü lah.